ນາຍທະຫານໜຸ່ມເພີ່ມພູນຄູນສ້າງນໍ້າໃຈມິດຕະພາບ ຫວຽດນາມ-ສິງກະໂປ

ຄະນະນາຍທະຫານໜຸ່ມກອງທັບປະຊາຊົນຫວຽດນາມ ໄປຢ້ຽມຢາມສູນຝຶກອົບຮົມການທະຫານຂັ້ນພື້ນຖານຂອງກໍາລັງປະກອບອາວຸດສິງກະໂປ. ພາບ: ເຈືອງຍຸງ-ເວືອງດ້ຽບ

ໃນຂອບເຂດການຢ້ຽມຢາມ ແລະພົບປະແລກປ່ຽນປະຈຳປີຄັ້ງນີ້, ຄະນະນາຍທະຫານໜຸ່ມກອງທັບປະຊາຊົນຫວຽດນາມ ໄດ້ໄປຢ້ຽມຢາມສູນຝຶກອົບຮົມການທະຫານຂັ້ນພື້ນຖານຂອງກໍາລັງປະກອບອາວຸດສິງກະໂປ; ຖານທີ່ໝັ້ນທະຫານເຮືອ Changi ແລະຫໍພິພິທະພັນທະຫານອາກາດສິງກະໂປ, ສອງຝ່າຍໄດ້ຢືນຢັນຄວາມຄ້າຍຄືກັນຂອງກໍາລັງທະຫານເຮືອ ແລະທະຫານອາກາດສອງປະເທດ... ຕາມທ່ານພັນເອກພິເສດ ເຈິ່ນຮືວຢຸງ, ຮອງຫົວໜ້າຫ້ອງການຊາວໜຸ່ມກອງທັບ, ຫົວໜ້າຄະນະນາຍທະຫານໜຸ່ມກອງທັບປະຊາຊົນຫວຽດນາມ ແລ້ວ, ການເຄື່ອນໄຫວພົບປະແລກປ່ຽນແມ່ນໂອກາດດີ ເພື່ອໃຫ້ຖັນແຖວນາຍທະຫານໜຸ່ມຫວຽດນາມ ໄດ້ຊອກຮູ້, ແບ່ງປັນ ແລະແລກປ່ຽນບົດຮຽນໃນຂັ້ນຕອນການປະຕິບັດໜ້າທີ່, ພິເສດແມ່ນໃນການຝຶກແອບ, ປະຕິບັດໜ້າທີ່ໃນແຕ່ລະຕຳແໜ່ງ, ຄວາມຮັບຜິດຊອບ, ແຕ່ລະຮູບການຂອງອົງການ, ກົມກອງໃນທົ່ວກອງທັບ.

ການພົບປະແລກປ່ຽນ, ຢ້ຽມຢາມຢູ່ຫໍພິພິທະພັນທະຫານອາກາດສິງກະໂປ. ພາບ: ເຈືອງຍຸງ-ເວືອງດ້ຽບ

ນີ້ແມ່ນປີທີ 10, ກະຊວງປ້ອງກັນປະເທດສອງປະເທດໄດ້ເຫັນດີເປັນເອກະພາບໃຫ້ກອງທັບສອງປະເທດຈັດຕັ້ງການພົບປະແລກປ່ຽນນາຍທະຫານໜຸ່ມໃນແຕ່ລະປີ. ລາຍການໄດ້ປະກອບສ່ວນປັບປຸງ, ຢືນຢັນຄວາມຕັດສິນໃຈຂອງນາຍທະຫານໜຸ່ມໃນການຮັກສາ,  ພັດທະນາສາຍພົວພັນມິດຕະພາບ ຫວຽດນາມ-ສິງກະໂປ; ສະແດງໃຫ້ເຫັນນ້ຳໃຈສາມັກຄີ, ຄວາມໄວ້ເນື້ອເຊື່ອໃຈ, ຄວາມເຂົ້າໃຈເຊິ່ງກັນ ແລະກັນຂອງກອງທັບສອງປະເທດ. ຜ່ານການເຄື່ອນໄຫວພົບປະແລກປ່ຽນ, ບັນດາສະມາຊິກໃນຄະນະນາຍທະຫານໜຸ່ມຂອງກອງທັບສອງປະເທດໄດ້ເສີມຂະຫຍາຍບົດບາດເປັນແກ່ນສານຫຼັກແຫຼ່ງໃນວຽກງານໂຄສະນາ, ສຶກສາ; ແມ່ນຂົວຕໍ່ທີ່ໝັ້ນແກ່ນ, ເພີ່ມທະວີການປັບປຸງ, ເຮັດໃຫ້ການພົວພັນຄູ່ຮ່ວມມືຍຸດທະສາດເລິກເຊິ່ງຂຶ້ນກວ່າອີກ.

ໂດຍ: ເຈິ່ນຮວ່ຽນ