ເຂົ້າຮ່ວມການເປີດຊຸດຝຶກອົບຮົມມີການນຳ, ຜູ້ແທນບັນດາອົງການທີ່ກ່ຽວຂ້ອງຂອງກົມໃຫຍ່ການເມືອງກອງທັບປະຊາຊົນຫວຽດນາມ. ຜູ້ແທນຫ້ອງການທີ່ປຶກສາທູດປ້ອງກັນຊາດລາວ ປະຈຳ ຫວຽດນາມ ແລະຜູ້ຕາງໜ້າພະນັກງານກອງທັບປະຊາຊົນລາວ ເຂົ້າຮ່ວມຊຸດຝຶກອົບຮົມ. ຊຸດຝຶກອົບຮົມແກ່ຍາວໃນໄລຍະ 1 ເດືອນ, ລວມມີບັນດານັກສໍາມະນາກອນ, ເຊິ່ງແມ່ນພະນັກງານທີ່ມາຈາກຫຼາຍອົງການ, ກົມກອງຂອງກອງທັບປະຊາຊົນລາວ.
    |
 |
|
ທ່ານພັນເອກພິເສດ ຫງວຽນດິງດຶກ, ຫົວໜ້າຄະນະກໍາມະບານປ້ອງກັນຊາດກ່າວຄໍາເຫັນ. ພາບ: ສໍານັກຂ່າວສານຫວຽດນາມ. |
ກ່າວຄຳເຫັນທີ່ພິທີເປີດຊຸດຝຶກອົບຮົມ, ທ່ານພັນເອກພິເສດ ຫງວຽນດິ່ງດຶກ, ຫົວໜ້າຄະນະກໍາມະບານປ້ອງກັນຊາດ (ກົມໃຫຍ່ການເມືອງກອງທັບປະຊາຊົນຫວຽດນາມ) ໃຫ້ຮູ້ວ່າ ດ້ວຍການພົວພັນສະໜິດຕິດພັນ, ບໍລິສຸດຜຸດຜ່ອງລະຫວ່າງສອງປະເທດໃນຫຼາຍປີຜ່ານມາ, ພ້ອມດ້ວຍທີ່ຕັ້ງ ແລະພາລະບົດບາດ, ໜ້າທີ່ຂອງຕົນ, ພະນັກງານ, ສະມາຊິກກຳມະບານກອງທັບສອງປະເທດ ຍາມໃດກໍ່ສືບທອດ, ເສີມຂະຫຍາຍມູນເຊື້ອອັນດີງາມຂອງຊາດ, ຂອງສອງປະເທດ ແລະກອງທັບແຕ່ລະປະເທດ.
ດ້ວຍອາລົມຈິດ, ຄວາມຮັບຜິດຊອບຂອງຕົນ, ພະນັກງານ, ສະມາຊິກກຳມະບານກອງທັບສອງປະເທດ ໄດ້ປະຕິບັດການເຄື່ອນໄຫວທີ່ແທດຈິງ, ມີປະສິດທິຜົນຫຼາຍຢ່າງ, ປະກອບສ່ວນປັບປຸງ, ພັດທະນາການພົວພັນມິດຕະພາບແບບພິເສດລະຫວ່າງກອງທັບສອງປະເທດໃຫ້ນັບມື້ນັບເລິກເຊິ່ງ, ເຂົ້າສູ່ລວງເລິກຢ່າງແທດຈິງ, ສ້າງຄວາມໄວ້ເນື້ອເຊື່ອໃຈທັງເປັນສະຫາຍ, ທັງເປັນອ້າຍນ້ອງ. ທ່ານພັນເອກພິເສດ ຫງວຽນດິ່ງດຶກ ຢືນຢັນວ່າ ຊຸດຝຶກອົບຮົມແມ່ນການເຄື່ອນໄຫວປະກອບສ່ວນສືບຕໍ່ສະແດງຄວາມເອົາໃຈໃສ່ພິເສດຂອງບັນດາການນໍາກະຊວງປ້ອງກັນປະເທດສອງປະເທດ, ສືບທອດມູນເຊື້ອການພົວພັນສະເໝີຕົ້ນສະເໝີປາຍຂອງພະນັກງານ, ສະມາຊິກກໍາມະບານກອງທັບປະຊາຊົນຫວຽດນາມ ແລະກອງທັບປະຊາຊົນລາວ.
|
|
 |
|
ຜູ້ແທນເຂົ້າຮ່ວມພິທີເປີດຊຸດຝຶກອົບຮົມ. ພາບ: ສໍານັກຂ່າວສານຫວຽດນາມ. |
ຊຸດຝຶກອົບຮົມລວມມີບັນດາເນື້ອໃນທີ່ສົມທົບກັນຢ່າງແໜ້ນແຟ້ນລະຫວ່າງທິດສະດີກັບການປະຕິບັດ ແລະບັນດາການເຄື່ອນໄຫວຊ່ວຍຊູກັນ; ຊອກຮູ້ກ່ຽວກັບມູນເຊື້ອປະຫວັດສາດຂອງສະຫະພັນປ້ອງກັນຊາດຂອງກອງທັບປະຊາຊົນຫວຽດນາມ; ໄປຢ້ຽມຢາມປູຊະນີຍະສະຖານປະຫວັດສາດປະຕິວັດ, ວັດທະນະທໍາ, ທັດສະນີຍະພາບຫຼາຍແຫ່ງ, ຜ່ານນັ້ນບໍາລຸງ, ຍົກສູງລະດັບຄວາມຮູ້, ທັກສະວິຊາການ, ແບ່ງປັນ, ແລກປ່ຽນບົດຮຽນໃນການຈັດຕັ້ງການເຄື່ອນໄຫວກໍາມະບານກອງທັບ, ພ້ອມທັງຊ່ວຍສະມາຊິກໃນຄະນະຝຶກອົບຮົມມີຄວາມເຂົ້າໃຈເລິກເຊິ່ງກວ່າກ່ຽວກັບປະຫວັດສາດ, ມູນເຊື້ອ, ວັດທະນະທຳ, ປະຊາຊົນ, ປະເທດຫວຽດນາມ ແລະກອງທັບປະຊາຊົນຫວຽດນາມ...
ໂດຍ: ຈາງຫງວຽນ