ກອງບັນຊາການທະຫານຊາຍແດນແຂວງຢາລາຍ ແລະກອງບັນຊາການທະຫານທະຫານແຂວງລັດຕະນະຄີຣີ (ກຳປູເຈຍ) ຈັດການພົບປະເຈລະຈາ
ກປ.ອອນໄລ - ໃນຕອນບ່າຍວັນທີ 9 ກຸມພາ, ຢູ່ຕາແສງ Pleiku (ແຂວງຢາລາຍ) ໄດ້ດໍາເນີນການພົບປະເຈລະຈາລະຫວ່າງຄະນະຜູ້ແທນກອງບັນຊາການທະຫານຊາຍແດນແຂວງຢາລາຍ ນຳໂດຍທ່ານພັນເອກພິເສດ ເຈິ່ນຕຽນຫາຍ, ຫົວໜ້າການທະຫານ ກອງບັນຊາການທະຫານຊາຍແດນແຂວງຢາລາຍ ກັບຄະນະຜູ້ແທນກອງບັນຊາການທະຫານທະຫານແຂວງລັດຕະນະຄີຣີ (ກຳປູເຈຍ) ນຳໂດຍທ່ານພົນຈັດຕະວາ Muy Sophat ຫົວໜ້າການທະຫານ ກອງບັນຊາການທະຫານແຂວງລັດຕະນະຄີຣີ.
ໃນໄລຍະຜ່ານມາ, ທະຫານຊາຍແດນແຂວງຢາລາຍ ໄດ້ສົມທົບກັນກັບກອງບັນຊາການທະຫານທະຫານແຂວງລັດຕະນະຄີຣີ ໃນການຄຸ້ມຄອງ, ປົກປັກຮັກສາຊາຍແດນ, ຕໍ່ສູ້, ສະກັດກັ້ນການເຄື່ອນໄຫວທີ່ລະເມີດກົດໝາຍ, ລະເມີດສັນຍາ ວ່າດ້ວຍກົດລະບຽບຊາຍແດນ ແລະອາດຊະຍາກຳປະເພດຕ່າງໆເປັນຢ່າງດີ.
    |
 |
|
ສອງຝ່າຍລົງນາມໃນບົດບັນທຶກການພົບປະເຈລະຈາ. ພາບ: qdnd.vn |
ບັນດາກົມກອງຂຶ້ນກັບໄດ້ພົບປະເພື່ອແລກປ່ຽນຂໍ້ມູນ, ແກ້ໄຂບັນດາກໍລະນີທີ່ເກີດຂຶ້ນຢູ່ເຂດຊາຍແດນຢ່າງທັນການບົບຈິດໃຈໄວ້ເນື້ອເຊື່ອໃຈ, ສາມັກຄີ, ມິດຕະພາບ, ເຄົາລົບນັບຖືຕໍ່ເອກະລາດອະທິປະໄຕຂອງທັງສອງປະເທດ, ຍູ້ແຮງການໂຄສະນາເຜີຍແຜ່ໃຫ້ແກ່ປະຊາຊົນຢູ່ສອງຟາກຊາຍແດນປະຕິບັດຕາມສັນຍາວ່າດ້ວຍກົດລະບຽບຊາຍແດນຢ່າງເຂັ້ມງວດ.
ສອງຝ່າຍຈັດສົ່ງຄະນະພະນັກງານມາຢ້ຽມຢາມ, ເຂົ້າຮ່ວມບັນດາລາຍການ, ງານບຸນ, ລາຍການວັດທະນະທຳ, ສິລະປະ, ກຳກິລາເປັນປະຈຳ ເພື່ອແນໃສ່ເພີ່ມທະວີຄວາມສາມັກຄີ, ມິດຕະພາບລະຫວ່າງສອງຝ່າຍ.
ໂດຍ: ຈາງຫງວຽນ