ທີ່ການຕ້ອນຮັບ, ທ່ານພັນເອກພິເສດ ເລດີ່ງງີ ໄດ້ສະແດງຄວາມຂອບອົກຂອບໃຈທ່ານຜູ້ບັນຊາການກອງເຮືອຕາເວັນຕົກ ທີ່ໄດ້ໃຫ້ການໜູນຊ່ວຍ ແລະອຳນວຍຄວາມສະດວກໃຫ້ການຢ້ຽມຢາມຂອງກຳປັ່ນ 17, ກໍຄືການຕ້ອນຮັບທີ່ຮອບຄອບຖີ່ຖ້ວນ ແລະສຸດຈິດສຸດໃຈຈາກບັນດານາຍທະຫານ ແລະລູກເຮືອຂອງທະຫານເຮືອລາດຊະວົງມາເລເຊຍ ມາຍັງຄະນະ.

leftcenterrightdel
ຄະນະປະຕິບັດງານທະຫານເຮືອປະຊາຊົນຫວຽດນາມ ເຂົ້າຢ້ຽມຂໍ່ານັບທ່ານຜູ້ບັນຊາການກອງເຮືອຕາເວັນຕົກ, ທະຫານເຮືອລາດຊະວົງມາເລເຊຍ. ພາບ: qdnd.vn

ທ່ານພັນເອກພິເສດ ເລດີ່ງງີ ສະແດງຄວາມຫວັງ ແລະເຊື່ອໝັ້ນວ່າ, ບັນດາການເຄື່ອນໄຫວພົບປະແລກປ່ຽນໃນການຢ້ຽມຢາມຄັ້ງນີ້ຈະປະກອບສ່ວນເພີ່ມທະວີຄວາມເຂົ້າໃຈ ແລະຄວາມໄວ້ເນື້ອເຊື່ອໃຈລະຫວ່າງທະຫານເຮືອປະຊາຊົນຫວຽດນາມ ກັບທະຫານເຮືອລາດຊະວົງມາເລເຊຍ, ປະກອບສ່ວນຊຸກຍູ້ສາຍພົວພັນມິດຕະພາບ, ການຮ່ວມມືລະຫວ່າງທະຫານເຮືອສອງປະເທດໃຫ້ນັບມື້ນັບເຂົ້າສູ່ລວງເລິກເຊິ່ງ, ມີປະສິດທິຜົນ ແລະຍືນຍົງ.

leftcenterrightdel
ທີ່ປຶກສາທູດປ້ອງກັນຊາດ ແລະຄະນະປະຕິບັດງານຂອງທະຫານເຮືອປະຊາຊົນຫວຽດນາມ ພ້ອມດ້ວຍທ່ານຜູ້ບັນຊາການກອງເຮືອຕາເວັນຕົກ, ທະຫານເຮືອລາດຊະວົງມາເລເຊຍ ຖ່າຍຮູບເປັນທີ່ລະນຶກ. ພາບ: qdnd.vn

ສ່ວນທ່ານພົນຈັດຕະວາ Ahmad Sapuan Fathi bin Hj Muhammad ຖືວ່າ ການຢ້ຽມຢາມຈະປະກອບສ່ວນສໍາຄັນເຂົ້າໃນການເພີ່ມທະວີສາຍພົວພັນມິດຕະພາບລະຫວ່າງທະຫານເຮືອສອງປະເທດ, ພ້ອມທັງໃຫ້ຮູ້ວ່າ ໃນໄລຍະຈະມາເຖິງຈະເປັນເສນາທິການໃຫ້ຂັ້ນເທິງ ແນໃສ່ເພີ່ມທະວີການເຄື່ອນໄຫວພົບປະແລກປ່ຽນ ແລະສົມທົບກັບທະຫານເຮືອປະຊາຊົນຫວຽດນາມ ເພື່ອສັນຕິພາບ, ພ້ອມກັນພັດທະນາໃນພາກພື້ນ.

leftcenterrightdel
ຄະນະປະຕິບັດງານທະຫານເຮືອປະຊາຊົນຫວຽດນາມ ແຂ່ງຂັນບານສົ່ງກັບນາຍທະຫານ, ລູກເຮືອຂອງຖານທັບທະຫານເຮືອ Lumut. ພາບ: qdnd.vn

ໃນຕອນເຊົ້າວັນດຽວກັນ, ຄະນະປະຕິບັດງານຂອງທະຫານເຮືອປະຊາຊົນຫວຽດນາມ ໄດ້ແຂ່ງຂັນບານສ່ົງກັບນາຍທະຫານ, ລູກເຮືອຂອງຖານທັບທະຫານເຮືອ Lumut.  ໃນຂອບເຂດການຢ້ຽມຢາມ, ພະນັກງານ, ນັກຮົບກຳປັ່ນ 17 ພ້ອມດ້ວຍຄະນະປະຕິບັດງານໄດ້ໄປຢ້ຽມຢາມທັດສະນີຍະພາບບາງແຫ່ງຢູ່ໃນພາກພື້ນ.

ໂດຍ: ທູຈາງ