ທ່ານພົນໂທ ຫງວຽນເຕິນເກືອງ ເຂົ້າຮ່ວມກອງປະຊຸມຜູ້ບັນຊາການກຳລັງປ້ອງກັນຊາດອາຊຽນ ຄັ້ງທີ 21
ກປ.ອອນໄລ - ໂດຍໄດ້ຮັບຄໍາເຊື້ອເຊີນຂອງທ່ານຫົວໜ້າກົມໃຫຍ່ເສນາທິການກອງທັບປະຊາຊົນລາວ, ຕອນເຊົ້າວັນທີ 4 ກັນຍາ, ທ່ານພົນໂທ ຫງວຽນເຕິນເກືອງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ນຳໜ້າຄະນະຜູ້ແທນການທະຫານຂັ້ນສູງ ກອງທັບປະຊາຊົນຫວຽດນາມ ເຂົ້າຮ່ວມກອງປະຊຸມຜູ້ບັນຊາການກຳລັງປ້ອງກັນຊາດອາຊຽນ ຄັ້ງທີ 21 (ACDFM-21) ຢູ່ນະຄອນຫຼວງວຽງຈັນ (ປະເທດລາວ).
    |
 |
|
ທ່ານພົນໂທ ຫງວຽນເຕິນເກືອງ ແລະທ່ານພົນໂທ ຄໍາລຽງ ອຸທະໄກສອນ ທີ່ການພົບປະສອງຝ່າຍ. ພາບ: qdnd.vn |
ຕອນບ່າຍວັນທີ 4 ກັນຍາ, ທ່ານພົນໂທ ຫງວຽນເຕິນເກືອງ ໄດ້ມີການພົບປະສອງຝ່າຍກັບທ່ານພົນໂທ ຄໍາລຽງ ອຸທະໄກສອນ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບປະຊາຊົນລາວ. ທີ່ການພົບປະສອງຝ່າຍ, ທ່ານພົນໂທ ຄໍາລຽງ ອຸທະໄກສອນ ເຊື່ອໝັ້ນວ່າ ເລື່ອງ ຫວຽດນາມ ຈັດສົ່ງຄະນະຜູ້ແທນຂັ້ນສູງເຂົ້າຮ່ວມ ACDFM-21 ແມ່ນການໜູນຊ່ວຍອັນໃຫຍ່ຫຼວງສໍາລັບກອງທັບປະຊາຊົນລາວ, ປະກອບສ່ວນເຂົ້າໃນຜົນສຳເລັດລວມຂອງກອງປະຊຸມ.
|
|
 |
|
ທ່ານພົນໂທ ຫງວຽນເຕິນເກືອງ ແລກປ່ຽນກັບທ່ານພົນໂທ ຄໍາລຽງ ອຸທະໄກສອນ ທີ່ການພົບປະສອງຝ່າຍ. ພາບ: qdnd.vn |
ກ່າວຄຳເຫັນທີ່ການພົບປະ, ທ່ານພົນໂທ ຫງວຽນເຕິນເກືອງ ຕີລາຄາສູງວຽກງານກະກຽມກອງປະຊຸມ ACDFM-21 ຂອງກອງທັບປະຊາຊົນລາວ, ພ້ອມທັງຢືນຢັນວ່າ ຄະນະຜູ້ແທນຫວຽດນາມ ຈະປະກອບສ່ວນຢ່າງຕັ້ງໜ້າເພື່ອໃຫ້ກອງປະຊຸມດໍາເນີນໄປປະສົບຜົນສຳເລັດຢ່າງຈົບງາມ, ປະກອບສ່ວນເຂົ້າໃນຜົນສຳເລັດລວມໃນປີທີ່ ລາວ ເປັນປະທານອາຊຽນ.
|
|
 |
|
ການນໍາສອງຄະນະມອບຂອງຂວັນໃຫ້ກັນທີ່ການພົບປະສອງຝ່າຍ. ພາບ: qdnd.vn |
|
|
 |
|
ສອງຝ່າຍຖ່າຍຮູບເປັນທີ່ລະນຶກ. ພາບ: qdnd.vn |
ເມື່ອແບ່ງປັນກ່ຽວກັບແຜນການຮ່ວມມືໃນຊຸມເດືອນທີ່ຍັງເຫຼືອຂອງປີ 2024, ທ່ານພົນໂທ ຫງວຽນເຕິນເກືອງ ໃຫ້ຮູ້ວ່າ, ກະຊວງປ້ອງກັນປະເທດຫວຽດນາມ ໄດ້ຊີ້ນໍາບັນດາອົງການສ້າງ, ຈັດຕັ້ງ, ຜັນຂະຫຍາຍບັນດາຂົງເຂດຮ່ວມມື, ຊ່ວຍເຫຼືອເຊິ່ງກັນ ແລະກັນ, ພິເສດແມ່ນເນື້ອໃນຕ່າງໆ ຄື: ວຽກງານພັກ, ວຽກງານການເມືອງ; ການຮັບປະກັນການປ້ອງກັນຊາດ, ປ້ອງກັນຄວາມສະຫງົບ; ການຄຸ້ມຄອງ, ປົກປັກຮັກສາຊາຍແດນ; ການບໍາລຸງສ້າງ, ຝຶກອົບຮົມພະນັກງານ ແລະວຽກງານຜູ້ຊ່ຽວຊານ...
|
|
 |
|
ທ່ານພົນໂທ ຫງວຽນເຕິນເກືອງ ແລະທ່ານພົນຕີ ພັນແສງ ບຸນພັນ. ພາບ: qdnd.vn |
ກ່ອນໜ້ານັ້ນ, ຕອນທ່ຽງຂອງວັນດຽວກັນ, ທ່ານພົນຕີ ພັນແສງ ບຸນພັນ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ ກໍ່ໄດ້ໄປຮັບທ່ານພົນໂທ ຫງວຽນເຕິນເກືອງ ພ້ອມດ້ວຍຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ທີ່ໄປເຂົ້າຮ່ວມກອງປະຊຸມ ADFM-21 ຢູ່ສະໜາມບິນສາກົນວັດໄຕ. ທີ່ຫ້ອງຮັບແຂກຂອງສະໜາມບິນ, ທ່ານພົນໂທ ຫງວຽນເຕິນເກືອງ ໄດ້ໂອ້ລົມກັບທ່ານພົນຕີ ພັນແສງ ບຸນພັນ ຢ່າງສະໜິດສະໜົມ.
ໂດຍ: ທູຈາງ