ທີ່ການຕ້ອນຮັບ, ທ່ານພົນຕີ ຮ່າທໍ້ບິ່ງ, ຜູ້ບັນຊາການທະຫານເຂດ 4 ສະແດງຄວາມປິຕິຊົມຊື່ນທີ່ໄດ້ຕ້ອນຮັບຄະນະປະຕິບັດງານກູບາ ມາຢ້ຽມຢາມທະຫານເຂດ. ທ່ານໄດ້ແນະນຳຈຸດພິເສດຂອງສະພາບການຢູ່ບໍລິເວນທະຫານເຂດ ກໍ່ຄືບາງຈຸດຕົ້ນຕໍກ່ຽວກັບມູນເຊື້ອຂອງກຳລັງປະກອບອາວຸດທະຫານເຂດ.

leftcenterrightdel
ບັນຍາກາດທີ່ການຕ້ອນຮັບ. ພາບ: ງອກທັງ

ຕາງໜ້າຄະນະປະຕິບັດງານກູບາ, ທ່ານພົນຈັດຕະວາ Marcelo Perez ໄດ້ຂອບໃຈຫົວໜ້າກອງບັນຊາການທະຫານເຂດ 4 ທີ່ໄດ້ໃຫ້ການຕ້ອນຮັບອັນອົບອຸ່ນດ້ວຍໄມຕີຈິດມິດຕະພາບແກ່ຄະນະປະຕິບັດງານ. ທ່ານພົນຈັດຕະວາ Marcelo Perez ສະແດງຄວາມປິຕິຊົມຊື່ນ ແລະຕີລາຄາສູງຕໍ່ການພັດທະນາຂອງຫວຽດນາມ ແລະຄວາມຮັກແພງເຊິ່ງພັກ, ລັດ ແລະປະຊາຊົນຫວຽດນາມ ສະຫງວນໃຫ້ແກ່ປະເທດກູບາ.

leftcenterrightdel
ການນໍາກອງບັນຊາການທະຫານເຂດ 4 ຖ່າຍຮູບເປັນທີ່ລະນຶກກັບຄະນະນາຍທະຫານໜຸ່ມກະຊວງບັນດາກໍາລັງປະກອບອາວຸດປະຕິວັດກູບາ. ພາບ: ງອກທັງ.

ໃນບັນຍາກາດແຫ່ງໄມຕີຈິດມິດຕະພາບ, ສອງຝ່າຍໄດ້ຫວນຄືນສາຍພົວພັນພິເສດລະຫວ່າງສອງປະເທດຫວຽດນາມ ແລະກູບາ. ໃນໄລຍະສົງຄາມປົກປັກຮັກສາປະເທດຊາດ, ຍາມໃດຫວຽດນາມ ກໍ່ຮັບການໜູນຊ່ວຍດ້ານວັດຖຸ ແລະຈິດໃຈຈາກພັກ, ລັດ ແລະປະຊາຊົນກູບາ. ນີ້ແມ່ນການຊ່ວຍເຫຼືອຖານສະຫາຍອ້າຍນ້ອງຂອງພັກ, ລັດ ແລະປະຊາຊົນກູບາ ອັນໄດ້ປະກອບສ່ວນສ້າງກຳລັງໜູນຊ່ວຍໃຫ້ຫວຽດນາມ ຍາດໄດ້ໄຊຊະນະ, ປົດປ່ອຍປະເທດຊາດ ແລະກ້າວໄປສູ່ເສັ້ນທາງສັງຄົມນິຍົມ...

ໂດຍ: ຈາງຫງວຽນ