ກອງປະຊຸມສາມັນລະຫວ່າງທະຫານເຂດ 5 ກັບບັນດາກົມກອງຂອງກອງທັບລາວ

ບັນຍາກາກທີ່ກອງປະຊຸມສາມັນ ລະຫວ່າງທະຫານເຂດ 5 ກັບບັນດາກົມກອງຂອງກອງທັບລາວ. ພາບ: qdnd.vn

ທີ່ກອງປະຊຸມ, ບັນດາຜູ້ແທນໄດ້ປຶກສາຫາລື, ຕີລາຄາຜົນການສົມທົບກັນຮ່ວມມືລະຫວ່າງບັນດາອົງການ, ກົມກອງ, ທ້ອງຖິ່ນ; ຍົກອອກບົດຮຽນທີ່ດີ, ວິທີການເຮັດວຽກທີ່ມີຫົວຄິດປະດິດສ້າງ  ແລະບັນລຸປະສິດທິຜົນແທດຈິງລະຫວ່າງທະຫານເຂດ 5 ແລະບັນດາກົມກອງ ຂອງກອງທັບປະຊາຊົນລາວ ໃນໄລຍະຜ່ານມາ.

ປີ 2023, ສອງຝ່າຍເຫັນດີເປັນເອກະພາບ ສືບຕໍ່ແລກປ່ຽນຂໍ້ມູນຂ່າວສານ, ລາຍງານສະພາບການຕາມການແບ່ງຂັ້ນ; ສົມທົບກັບກໍາລັງປົກປັກຮັກສາ ຊາຍແດນຂອງສອງປະເທດ ເພື່ອປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ; ພົບເຫັນ, ແກ້ໄຂກໍລະນີທີ່ເກີດຂຶ້ນຢູ່ເສັ້ນຊາຍແດນ ຢ່າງທັນການ; ປະກອບສ່ວນກໍ່ສ້າງເສັ້ນຊາຍແດນສອງປະເທດ ໃຫ້ສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະພັດທະນາ. ກຽມພ້ອມກໍາລັງ, ພາຫະນະກູ້ໄພກູ້ຊີບ ເພື່ອພ້ອມແລ້ວທີ່ຈະຊ່ວຍເຫຼືອກັນແກ້ໄຂຜົນຮ້າຍຢ້ອນຫຼັງຈາກໄພພິບັດ, ໄພທໍາມະຊາດ. ທະຫານເຂດ 5 ແລະກົມກອງຂຶ້ນກັບຕ່າງໆຍູ້ແຮງການເຄື່ອນໄຫວຮ່ວມມື ກັບບັນດາກົມກອງຂອງຝ່າຍລາວ ໃຫ້ເຂົ້າສູ່ລວງເລິກ.

ສອງຝ່າຍລົງນາມບົດບັນທຶກກອງປະຊຸມ. ພາບ: qdnd.vn

ໂຮງຮຽນທະຫານ ຂອງທະຫານເຂດ 5 ເພີ່ມທະວີການພົບປະ, ແລກປ່ຽນບົດຮຽນໃນການສອນ, ການຄຸ້ມຄອງສຶກສາ ກັບໂຮງຮຽນນາຍສິບ ເລກ 2 ວຽງໄຊ. ຊີ້ນໍາບໍລິສັດມິດຕະພາບພາກໃຕ້ລາວຈໍາກັດຜູ້ດຽວ (ທະຫານເຂດ 5) ຍົກສູງຄຸນນະພາບການເຄື່ອນໄຫວລະຫວ່າງກຸ່ມບ້ານຕ່າງໆ ແລະປະຕິບັດໂຄງການຢູ່ລາວ; ສົມທົບກັບກອງພົນທະຫານຮາບ ທີ 5 ຜະລິດ, ດໍາເນີນທຸລະກິດຖືກຕາມກົດໝາຍຂອງສອງປະເທດ. ບັນດາກົມກອງ ຂອງກອງທັບປະຊາຊົນລາວ ເປັນເສນາທິການໃຫ້ອໍານາດການປົກຄອງທ້ອງຖິ່ນ 4 ແຂວງພາກໃຕ້ຂອງລາວ ໂຄສະນາໃຫ້ປະຊາຊົນສ້າງເງື່ອນໄຂຊ່ວຍເຫຼືອ, ໜູນຊ່ວຍຊາວຫວຽດນາມ ທີ່ພວມເຮັດວຽກ, ຮໍ່າຮຽນ, ດໍາລົງຊີວິດໃນບໍລິເວນ; ຊ່ວຍເຫຼືອທະຫານເຂດ 5 ຊອກຫາ, ຂຸດຄົ້ນ, ທ້ອນໂຮມ, ສົ່ງອັດຖິທະຫານອາສາສະໝັກ ແລະຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ກັບຄືນປະເທດ ຖືກຕາມແຜນນະໂຍບາຍຂອງສອງພັກ, ສອງລັດ.

ກອງບັນຊາການທະຫານເຂດ 5 ມອບເງິນໜູນຊ່ວຍໃຫ້ບັນດາກົມກອງຂອງກອງທັບລາວ. ພາບ: qdnd.vn

ເນື່ອງໃນໂອກາດນີ້, ກອງບັນຊາການທະຫານເຂດ 5 ໄດ້ມອບເງິນໜູນຊ່ວຍກໍ່ສ້າງເຮືອນ, ຊື້ເຄື່ອງອຸປະກອນຫ້ອງການ ໃຫ້ບັນດາກົມກອງຂອງກອງທັບລາວ.

ໂດຍ: ທູຈາງ