ໂດຍຕອບສະໜອງຕາມຄຳເຊີນຂອງກະຊວງປ້ອງກັນປະເທດຫວຽດນາມ, ແຕ່ວັນທີ 19 ຫາວັນທີ 20 ເມສາ, ບັນດາຄະນະກອງທັບປະຊາຊົນລາວ, ກອງທັບລາຊະອານາຈັກກຳປູເຈຍ ແລະກອງທັບປົດປ່ອຍປະຊາຊົນຈີນ ໄດ້ມີໜ້າຢູ່ແຂວງບິ່ງເຢືອງ ເພື່ອຝຶກແອບ, ກະກຽມໃຫ້ພິທີສວນສະໜາມສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ. ນີ້ແມ່ນບັນດາປະເທດບ້ານໃກ້ເຮືອນຄຽງທີ່ມີການພົວພັນມິດຕະພາບທີ່ເປັນມູນເຊື້ອ, ສະໜິດຕິດພັນກັບຫວຽດນາມ ໃນປະຫວັດສາດຕໍ່ສູ້ປົດປ່ອຍຊາດ, ສ້າງສາ ແລະປົກປັກຮັກສາປະເທດຊາດ.

leftcenterrightdel
ກອງກອງທັບປະຊາຊົນລາວ  ສວນສະໜາມ. ພາບ: qdnd.vn

ການມີໜ້າຂອງກຳລັງກອງທັບເພື່ອນມິດບໍ່ພຽງແຕ່ສະແດງໃຫ້ເຫັນຄວາມສາມັກຄີສາກົນບໍລິສຸດຜຸດຜ່ອງເທົ່ານັ້ນ, ຫາກຍັງເປັນພະຍານຫຼັກຖານຢ່າງມີຊີວິດຊີວາໃຫ້ສາຍພົວພັນສະໜິດຕິດພັນທີ່ໄດ້ຮັບການເພີ່ມພູນຄູນສ້າງໃນຫຼາຍທົດສະວັດຜ່ານມາ.

ແຂວງບິ່ງເຢືອງ ເປັນກຽດທີ່ໄດ້ຮັບມອບໝາຍໜ້າທີ່ຈັດຕັ້ງບ່ອນຢູ່ບ່ອນກິນ, ຝຶກແອບໃຫ້ບັນດາຄະນະກອງທັບເພື່ອນມິດ. ທ່ານພັນເອກພິເສດ ຫງວຽນດິ່ງຈ໋ວນ ຫົວໜ້າການເມືອງກອງບັນຊາການທະຫານແຂວງບິ່ງເຢືອງ ໃຫ້ຮູ້ວ່າ: “ນີ້ບໍ່ພຽງແຕ່ແມ່ນຄວາມຮັບຜິດຊອບເທົ່ານັ້ນ, ຫາກຍັງແມ່ນຄວາມເອກອ້າງທະນົງໃຈຂອງແຂວງເມື່ອໄດ້ຮ່ວມແຮງໃຫ້ເຫດການສໍາຄັນຂອງປະເທດ. ດ້ວຍຈິດໃຈຮັກແຂກ ແລະຮອບຄອບຖີ່ຖ້ວນ, ແຂວງບິ່ງເຢືອງ ໄດ້ຈັດຕັ້ງບັນດາການເຄື່ອນໄຫວພົບປະແລກປ່ຽນ,  ເພີ່ມກຳລັງສະໜາມຝຶກຊ້ອມເພື່ອລະດົມກໍາລັງໃຈນັກຮົບ, ຮັດແໜ້ນອາລົມຈິດລະຫວ່າງ ທະຫານ-ປະຊາຊົນ”.

ທີ່ພິທີສົ່ງຄະນະ ກັບຄືນປະເທດ, ການນຳກອງບັນຊາການທະຫານແຂວງບິ່ງເຢືອງ ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ການມີໜ້າທີ່ຂອງກອງທັບບັນດາປະເທດ, ປະກອບສ່ວນເຂົ້າໃນຜົນສຳເລັດລວມ, ແຜ່ຂະຫຍາຍສານສັນຕິພາບ, ຄວາມສາມັກຄີ ແລະມິດຕະພາບລະຫວ່າງຫວຽດນາມ ກັບບັນດາປະເທດເພື່ອນມິດ.

ໂດຍ: ເຈິ່ນຮວ່ຽນ