ໂຮງຮຽນທະຫານຊາຍແດນຊັ້ນກາງ ເລກ 2 ພົບປະສັງສັນກັບນັກສຶກສາ, ນັກຄົ້ນຄວ້າກຳປູເຈຍ
ກປ.ອອນໄລ - ຕອນບ່າຍວັນທີ 8 ພະຈິກ, ຢູ່ແຂວງບ່າເຣ້ຍ-ຫວູງເຕົ່າ, ໂຮງຮຽນທະຫານຊາຍແດນຊັ້ນກາງ ເລກ 2 ໄດ້ຈັດຕັ້ງການພົບປະສັງສັນກັບນັກສຶກສາກຳປູເຈຍ ເນື່ອງໃນໂອກາດສະເຫຼີມສະຫຼອງ 68 ປີແຫ່ງວັນຊາດລາຊະອານາຈັກກຳປູເຈຍ ແລະວັນສ້າງຕັ້ງກອງທັບລາດຊະວົງກຳປູເຈຍ (9-11-1953 / 9-11-2021).
ທີ່ການພົບປະ, ນັກສຶກສາກຳປູເຈຍ ໄດ້ຫວນຄືນມູນເຊື້ອຂອງຊາດ ກໍ່ຄືກອງທັບລາດຊະວົງກຳປູເຈຍ, ສະແດງຄວາມຮູ້ບຸນຄຸນຕໍ່ກັບໂຮງຮຽນທະຫານຊາຍແດນຊັ້ນກາງ ເລກ 2 ທີ່ໄດ້ເອົາໃຈໃສ່, ສ້າງເງື່ອນໄຂຈັດຕັ້ງການພົບປະສັງສັນທີ່ມີຄວາມໝາຍເນື່ອງໃນໂອກາດວັນບຸນໃຫຍ່ຂອງລາຊະອານາຈັກກຳປູເຈຍ.
    |
 |
|
ຕາງໜ້າຄະນະພັກ, ຄະນະອະທິການບໍດີໂຮງຮຽນທະຫານຊາຍແດນຊັ້ນກາງ ເລກ 2 ມອບຂອງຂວັນໃຫ້ນັກຮຽນກຳປູເຈຍທີ່ການພົບປະ. ພາບ: ແມັ້ງເກື່ອງ. |
ການນຳໂຮງຮຽນ ກໍ່ໄດ້ຍ້ອງຍໍຊົມເຊີຍນັກສຶກສາ, ນັກຄົ້ນຄວ້າກຳປູເຈຍ ທີ່ໄດ້ມານະພະຍາຍາມບືນຕົວຂຶ້ນ, ຍາດໄດ້ໝາກຜົນສູງໃນການຮ່ຳຮຽນ, ຝຶກຝົນຫຼໍ່ຫຼອມ, ປາດຖະໜາຢາກໃຫ້ນັກສຶກສາ, ນັກຄົ້ນຄວ້າແຕ່ລະຄົນ ເຊີດຊູຈິດໃຈຮັບຜິດຊອບ, ມີສະຕິໃນການຮ່ຳຮຽນ, ສູ້ຊົນໃຫ້ກາຍເປັນພະນັກງານຜູ້ທີ່ດີເດັ່ນຂອງລາຊະອານາຈັກກຳປູເຈຍ.
ໂດຍ: ແສງເດືອນ