ທີມຍິງບັ່ນທອນ ໄດ້ເຂົ້າຮອບການແຂ່ງຂັນທີ 2
ກປ.ອອນໄລ - ວັນທີ 6 ສິງຫາ ແມ່ນວັນແຂ່ງຂັນສຸດທ້າຍຂອງຮອບທີ 1 ປະເພດຍິງບັ່ນທອນໃນຫົວຂໍ້ “ເຂດແດນນັກຍິງປືນ” ໄດ້ດໍາເນີນຢູ່ກອງພົນນ້ອຍສູ້ຮົບພິເສດເລກທີ 38 ຢູ່ຊານເມືອງນະຄອນ Brest (ເບລາຣຸດ). ທີມຍິງບັ່ນທອນຂອງກອງທັບປະຊາຊົນຫວຽດນາມ ໄດ້ປະຕິບັດສຳເລັດ 2 ລາຍການແຂ່ງຂັນທີ 6 ແລະທີ 7 ເປັນຢ່າງດີ.
ລາຍການແຂ່ງຂັນທີ 6 ແມ່ນການຍິງບັ່ນທອນບຸກໂຈມຕີ, ຕາມນັ້ນແລ້ວ, ນັກຍິງປືນແຕ່ລະຄົນຕ້ອງຍິງລູກປືນ 6 ລູກໃຫ້ຖືກ 3 ເປົ້າໝາຍ (ເລກທີ 10, ເລກທີ 7 ແລະເລກທີ 8) ຢູ່ປະເພດແຕ່ 300 ແມັດຫາ 800 ແມັດ.
|
|
ຮອຍຍິ້ມຂອງບັນດານັກຍິງປືນຫວຽດນາມ ພາຍຫຼັງສໍາເລັດການແຂ່ງຂັນ. ພາບ: qdnd.vn. |
ໃນລາຍການແຂ່ງຂັນທີ 7, ນັກຍິງປືນຕ້ອງຍິງແບບບໍ່ໄດ້ດັດແປງການແນປືນ. ນັກຍິງປືນແຕ່ລະຄົນໄດ້ຮັບບັ້ງລູກປືນ 3 ບັ້ງ, ແຕ່ລະບັ້ງມີລູກປືນ 2 ລູກ ແລະຕ້ອງຍິງ 3 ເປົ້າໝາຍຢູ່ໃນໄລຍະຍິງທີ່ແຕກຕ່າງກັນ, ແຕ່ 300 ແມັດຫາ 600 ແມັດ.
ຜົນການແຂ່ງຂັນຮອບທີ 1 ໂດຍຄະນະຈັດຕັ້ງປະກາດຢ່າງເປັນທາງການໃນເວລາ 22:00 ໂມງຂອງວັນທີ 6 ສິງຫາ, (ຕາມເວລາຮ່າໂນ້ຍ). ຕາມນັ້ນແລ້ວ, ທີມຍິງບັ່ນທອນຂອງກອງທັບປະຊາຊົນຫວຽດນາມ ໄດ້ເຂົ້າຮອບການແຂ່ງຂັນທີ 2, ຢືນອັນດັບທີ 7/21 ທີມ.
ສະນັ້ນ, ພາຍຫຼັງແຂ່ງຂັນມາເປັນເວລາ 3 ວັນ, ຜົນປະກົດວ່າມີ 8 ທີມໄດ້ເຂົ້າຮອບການແຂ່ງຂັນຍິງບັ່ນທອນທີ 2 ຢູ່ Army Games 2019 ລວມມີ: ເບລາຣຸດ, ລັດເຊຍ, ກາຊັກສະຖານ, ຈີນ, ອຸຊເບກິສຖານ, ອີຣານ, ຫວຽດນາມ ແລະອາແຊກໄບຢານ.
ໂດຍ: ເຈິ່ນຮວ່ຽນ