ທີມລົດຕັງຫວຽດນາມ ແຂ່ງຂັນສຳເລັດຜົນໃນວັນທໍາອິດ

6 ສິງຫາ 2019 18:41

ກປ.ອອນໄລ - ຕອນບ່າຍວັນທີ 5 ສິງຫາ (ຕາມເວລາທ້ອງຖິ່ນ), ທີມລົດຕັງກອງທັບປະຊາຊົນຫວຽດນາມ ໄດ້ຮັບຜົນສຳເລັດໃນວັນແຂ່ງຂັນທໍາອິດຂອງຮອບຄັດເລືອກທີ່ການແຂ່ງຂັນລົດຕັງຍິງເປົ້າໝາຍ. ຜົນມີຢູ່ວ່າ, ທີມລົດຕັງຫວຽດນາມ ໄດ້ຢືນອັນດັບທີ 2 ໃນຕາຕະລາງຈັດອັນດັບດ້ວຍເວລາ 32 ນາທີ 17 ວິນາທີ. ທີມລົດຕັງຫວຽດນາມ ໄດ້ຍິງລູກປືນໃຫຍ່ຖືກເປົ້າໝາຍດ້ວຍໄລຍະທາງ 1.700 ແມັດ.

ທີມຍິງບັ່ນທອນແຂ່ງຂັນທໍາອິດຢູ່ Army Games 2019

ສອງທີມຕໍ່ໄປຂອງທີມລົດຕັງຈະແຂ່ງຂັນໃນວັນທີ 6 ແລະວັນທີ 8 ສິງຫາ. ຕາມກົດລະບຽບແລ້ວ, ໃນ 3 ທີມເຂົ້າຮ່ວມການແຂ່ງຂັນ, ທີມໃດມີຍອດເວລາສັ້ນທີ່ສຸດຈະໄດ້ເຂົ້າຮອບຮອງຊະນະເລີດ.

ຕາມທ່ານພັນເອກພິເສດ ຟານຫາຍລອງ, ຮອງຫົວໜ້າເສນາທິການເຫຼົ່າຮົບລົດຕັງຍານເກາະແລ້ວ, ທີມລົດຕັງຫວຽດນາມ ໄດ້ມານະພະຍາຍາມແຂ່ງຂັນດ້ວຍຈິດໃຈຕັດສິນໃຈສູງ. ເຖິງວ່າຢືນອັນດັບທີ 2 ໃນຕາຕະລາງກໍ່ຕາມ, ແຕ່ຜົນໄດ້ຮັບແມ່ນບໍ່ສົມກັບຄວາມສາມາດເທື່ອຍ້ອນເງື່ອນໄຂຝົນຕົກ. ທີມຈະຖອດຖອນບົດຮຽນຈາກການແຂ່ງຂັນໃນວັນທໍາອິດ ເພື່ອກະກຽມໃຫ້ການແຂ່ງຂັນໃນສອງວັນຕໍ່ໄປເພື່ອບັນລຸໝາກຜົນດີທີ່ສຸດ.

ໜັງສືພິມກອງທັບປະຊາຊົນຫວຽດນາມ ຂໍແນະນໍາເຖິງເພື່ອນຜູ້ອ່ານບາງຮູບພາບຂອງທີມລົດຕັງຫວຽດນາມ ໃນການແຂ່ງຂັນວັນທໍາອິດ.