ສໍາຫຼວດກະກຽມງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ ຄັ້ງທີ 3
ກປ.ອອນໄລ - ໃນວັນທີ 9 ແລະວັນທີ 10 ເມສາ, ຄະນະປະຕິບັດງານທະຫານຊາຍແດນແຂວງເງະອານ ນໍາໂດຍ ພັນເອກພິເສດ ໂຮ່ກວຽດຖັງ ຮອງຫົວໜ້າການທະຫານ, ຫົວໜ້າເສນາທິການ ພ້ອມດ້ວຍຄະນະໄດ້ລົງກວດກາວຽກງານກະກຽມຈັດຕັ້ງງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ ຄັ້ງທີ 3 ທີ່ດ່ານສາກົນນໍ້າກັນ ແລະບັນດາພື້ນທີ່ກ່ຽວຂ້ອງ.
    |
 |
|
ສໍາຫຼວດຢູ່ໃນຕາແສງເມືອງຕິບ. ພາບ: qdnd.vn |
ຜ່ານການກວດກາສະແດງໃຫ້ເຫັນວ່າ ທີ່ດ່ານສາກົນນໍ້າກັນ, ລະບົບຄົມມະນາຄົມຝ່າຍຫວຽດນາມ ໄດ້ຕອບສະໜອງຄວາມຮຽກຮ້ອງຕ້ອງການເຄື່ອນທີ່ໂດຍພື້ນຖານ; ບັນດາສະຖານທີ່ຄາດວ່າ ຈະຈັດຕັ້ງການເຄື່ອນໄຫວ, ຄື: ສະໜາມກິລາຕາແສງ ນໍ້າກັນ, ສະໜາມກິລາຕາແສງ ເມືອງແສນ, ໂຮງຮຽນປະຖົມສົມບູນນໍ້າກັນ...
ສໍາລັບການເຄື່ອນໄຫວສະຫວັດດີການສັງຄົມໃນຂອບເຂດງານພົບປະແລກປ່ຽນ, ຄື: “ຊ່ວຍນ້ອງໄປໂຮງຮຽນ”, ມອບງົວພັນ, ກວດພະຍາດ, ແຈກຢາຍຢາ... ບັນດາກົມກອງໄດ້ກວດກາຄືນບັນດາເປົ້າໝາຍ, ສະຖານທີ່ຈັດຕັ້ງໃຫ້ສອດຄ່ອງ. ສະເພາະຕາແສງນໍ້າກັນ ປັດຈຸບັນຍັງມີຫຼາຍຄອບຄົວທຸກຍາກ, ນັກຮຽນປະສົບຄວາມຫຍຸ້ງຍາກຫຼາຍ, ສະນັ້ນຕ້ອງມີການໜູນຊ່ວຍທີ່ແທດຈິງຈາກງານພົບປະ.
|
|
 |
|
ສັງລວມສະຖິຕິບັນດາສະຖານທີ່ສໍາຫຼວດ. ພາບ: qdnd.vn |
ສະຫຼຸບການສໍາຫຼວດ, ຄະນະປະຕິບັດງານຮຽກຮ້ອງໃຫ້ບັນດາກົມກອງ ສືບຕໍ່ປັບປຸງແຜນການ, ເປັນເຈົ້າການປະສານງານກັບຝ່າຍເພື່ອນລາວ ແລະຄະນະພັກຂັ້ນ, ອໍານາດການປົກຄອງບັນດາທ້ອງຖິ່ນ ກວດກາຄືນໃຫ້ລະອຽດແຕ່ລະເນື້ອໃນ, ໂດຍສະເພາະແມ່ນວຽກງານຮັບປະກັນຄວາມສະຫງົບ, ຄວາມປອດໄພ, ພິທີການ, ພະລາທິການ... ເພື່ອລາຍງານຕໍ່ຂັ້ນເທິງພິຈາລະນາຕົກລົງ.
ໂດຍ: ໄຊຊະນະ