ພົນເອກ ຟານວັນຢາງ ລົງກວດກາເຂດວາງສະແດງຂອງກະຊວງປ້ອງກັນປະເທດ ຢູ່ງານວາງສະແດງຜົນງານຂອງປະເທດ

ທ່ານພົນເອກ ຟານວັນຢາງ ພ້ອມດ້ວຍຜູ້ແທນ. ພາບ:  qdnd.vn

ທ່ານພົນເອກ ຟານວັນຢາງ ກວດກາເຂດວາງສະແດງພາຍໃນຂອງກະຊວງປ້ອງກັນປະເທດ. ພາບ: qdnd.vn

ທີ່ສູນງານຕະຫຼາດນັດວາງສະແດງແຫ່ງຊາດ (ຮ່າໂນ້ຍ), ທ່ານພົນເອກ ຟານວັນຢາງ ພ້ອມດ້ວຍຄະນະປະຕິບັດງານ ໄດ້ລົງກວດກາເຂດວາງສະແດງໃນຮົ່ມ ແລະກາງແຈ້ງຂອງກະຊວງປ້ອງກັນປະເທດ; ລະດົມກຳລັງໃຈກໍາລັງປະຕິບັດໜ້າທີ່ ແລະປະຊາຊົນທີ່ມາຢ້ຽມຊົມງານວາງສະແດງ.

ທ່ານພົນເອກ ຟານວັນຢາງ ກວດກາເຂດວາງສະແດງກາງແຈ້ງຂອງກະຊວງປ້ອງກັນປະເທດ. ພາບ: qdnd.vn

ທ່ານພົນເອກ ຟານວັນຢາງ ກວດກາເຂດວາງສະແດງລະບົບລູກສອນໄຟປ້ອງກັນອາກາດ S-125-VT. ພາບ: qdnd.vn

ປະຊາຊົນເປັນຈຳນວນຫຼວງຫຼາຍ ຕ້ອນຮັບທ່ານພົນເອກ ຟານວັນຢາງ ຢ່າງອົບອຸ່ນ. ພາບ: qdnd.vn

ທ່ານພົນເອກ ຟານວັນຢາງ ມອບນ້ຳ, ນ້ຳນົມ, ອາຫານແຫ້ງໃຫ້ແກ່ປະຊາຊົນຢູ່ງານວາງສະແດງ. ພາບ: qdnd.vn

ພາຍຫຼັງລົງກວດກາ, ສະຫຼຸບການກວດກາ, ທ່ານພົນເອກ ຟານວັນຢາງ ໄດ້ຕີລາຄາສູງບັນດາຜົນງານ, ອາວຸດຍຸດໂທປະກອນ ແລະເຕັກໂນໂລຢີທັນສະໄໝໂດຍຫວຽດນາມ ຜະລິດທີ່ໄດ້ນໍາມາວາງສະແດງຢູ່ງານວາງສະແດງຜົນງານຂອງປະເທດ, ພ້ອມທັງສະແດງຄວາມປິຕິຊົມຊື່ນເມື່ອເຫັນປະຈັກຕາປະຊາຊົນມາຢ້ຽມຊົມງານວາງສະແດງເປັນຈໍານວນຫຼວງຫຼາຍ; ບັນດາຄະນະຜູ້ແທນສາກົນກໍ່ມີຄວາມສົນໃຈທີ່ສຸດ ແລະຕີລາຄາສູງເຂດວາງສະແດງຂອງກະຊວງປ້ອງກັນປະເທດຫວຽດນາມ ທີ່ງານວາງສະແດງ.

ທ່ານພົນໂທ ຟານວັນຢາງ ກ່າວຄໍາເຫັນສະຫຼຸບການກວດກາ. ພາບ: qdnd.vn

ໂດຍຖືວ່າ, ການພັດທະນາຂະແໜງອຸດສາຫະກໍາປ້ອງກັນຊາດຫວຽດນາມ ໄດ້ສ້າງຄວາມໄວ້ເນື້ອເຊື່ອໃຈ ແລະຄວາມກະຕືລືລົ້ນ, ແມ່ນການອຸທິດສ່ວນທີ່ໄດ້ຮັບການຮັບຮູ້ຈາກພັກ, ລັດ ແລະປະຊາຊົນ, ທ່ານພົນເອກ ຟານວັນຢາງ ເນັ້ນໜັກວ່າ ຫວຽດນາມ ກໍານົດເພີ່ມທະວີ, ປັບປຸງການປ້ອງກັນຊາດ, ກໍ່ສ້າງກອງທັບປະຕິວັດ, ເປັນກໍາລັງຫຼວງ, ຍອດຢ້ຽມ, ທັນສະໄໝ ດ້ວຍເປົ້າໝາຍຮັກສາສັນຕິພາບ ແລະປົກປັກຮັກສາປະເທດຊາດ.

ໃນຊຸມມື້ທີ່ຍັງເຫຼືອຂອງງານວາງສະແດງຜົນງານຂອງປະເທດ, ທ່ານພົນເອກ ຟານວັນຢາງ ປາດຖະໜາວ່າ ບັນດາກຳລັງຈະສືບຕໍ່ເພີ່ມທະວີຈິດໃຈຄວາມຮັບຜິດຊອບ, ປະຕິບັດໜ້າທີ່ວຽກງານປະຈໍາການ, ພະລາທິການ-ເຕັກນິກ. ເກັບຮັກສາອາວຸດຍຸດໂທປະກອນ ເປັນຢ່າງດີ, ພ້ອມທັງຮັບໃຫ້ປະຊາຊົນດີທີ່ສຸດ.

ໂດຍ: ທູຈາງ