ຫຼາຍກິດຈະກຳທີ່ຟົດຟື້ນຢູ່ລາຍການ “ຍາມທ້ອງຟ້າໃນລະດູບານໃໝ່-ບຸນເຕັດທີ່ເຕັມໄປດ້ວຍນໍ້າໃຈທະຫານ ແລະປະຊາຊົນ”

13 ມັງກອນ 2025 18:22

ກປ.ອອນໄລ - ຕອນເຊົ້າວັນທີ 12 ມັງກອນ, ຢູ່ນະຄອນຟານຢາງ-ທ໊າບຈ່າມ (ແຂວງນີງທ້ວນ), ກອງພົນ 377, ເຫຼົ່າທັບປ້ອງກັນອາກາດ-ທະຫານອາກາດ ໄດ້ຈັດຕັ້ງລາຍການ “ຍາມທ້ອງຟ້າໃນລະດູບານໃໝ່-ບຸນເຕັດທີ່ເຕັມໄປດ້ວຍນໍ້າໃຈທະຫານ ແລະປະຊາຊົນ” ແລະປຸກລະດົມ “ບຸນເຕັດປູກຕົ້ນໄມ້ຮູ້ບຸນຄຸນລຸງໂຮ່ ຕະຫຼອດໄປ” ຕ້ອນຮັບລະດູບານໃໝ່ປີມະເສັງ 2025.

ທ່ານພັນເອກພິເສດ ຫວູກາວແທ໊ບ, ຫົວໜ້າການເມືອງກອງພົນ 377 ກ່າວຄຳເຫັນທີ່ພິທີໄຂ. ພາບ: qdnd.vn

ກ່າວຄຳເຫັນທີ່ພິທີໄຂລາຍການ, ທ່ານພັນເອກພິເສດ ຫວູກາວແທ໊ບ, ຫົວໜ້າການເມືອງກອງພົນ 377 ເນັ້ນໜັກວ່າ ລາຍການ “ຍາມທ້ອງຟ້າໃນລະດູບານໃໝ່-ບຸນເຕັດທີ່ເຕັມໄປດ້ວຍນໍ້າໃຈທະຫານ ແລະປະຊາຊົນ” ແມ່ນການລະດົມກໍາລັງໃຈສໍາລັບໄວໜຸ່ມເຫຼົ່າທັບປ້ອງກັນອາກາດ-ທະຫານອາກາດເວົ້າລວມ ແລະໄວໜຸ່ມກອງພົນ 377 ເວົ້າສະເພາະ. ຜ່ານລາຍການ, ໄວໜຸ່ມກອງພົນ 377, ກໍາລັງປະກອບອາວຸດ, ບັນດາກົມກອງແຮກສ່ຽວໃນບໍລິເວນນັບມື້ນັບມີຄວາມສະໜິດຕິດພັນ ແລະຮັດແໜ້ນສາຍພົວພັນສາມັກຄີ, ພ້ອມກັນແລກປ່ຽນບົດຮຽນກ່ຽວກັບການເຄື່ອນໄຫວວຽກງານຊາວໜຸ່ມ ແລະຂະບວນການຊາວໜຸ່ມ, ເສີມຂະຫຍາຍບົດບາດປະຈັນບານ, ກໍາລັງໜຸ່ມ, ມີຫົວຄິດປະດິດສ້າງໃນການປະຕິບັດໜ້າທີ່ ກໍ່ຄືໃນພາລະກິດສ້າງສາ ແລະປົກປັກຮັກສາປະເທດຊາດຫວຽດນາມ.

ປະຊາຊົນເປັນຈຳນວນຫຼວງຫຼາຍໃນບໍລິເວນ ແລະບັນດາກົມກອງແຮກສ່ຽວມາເຂົ້າຮ່ວມລາຍການ. ພາບ: qdnd.vn

ຕາມທ່ານພັນເອກພິເສດ ມາຍຊວນແອັງ, ຫົວໜ້າຫ້ອງການວຽກງານມະຫາຊົນ, ຫ້ອງການເມືອງເຫຼົ່າທັບປ້ອງກັນອາກາດ-ທະຫານອາກາດ ແລ້ວ, ເນື່ອງໃນໂອກາດລະດູບານໃໝ່ປີມະເສັງ 2025, ເຫຼົ່າທັບປ້ອງກັນອາກາດ-ທະຫານອາກາດ ໄດ້ຄັດເລືອກເອົາກອງພັນ 24 (ກອງພົນ 377) ທີ່ຕັ້ງທັບໃນບໍລິເວນຕາແສງໂດວີງ, ນະຄອນຟານຢາງ-ທ໊າບຈ່າມ, ແຂວງນີງທ້ວນ ກະກຽມກ່ອນລາຍການ “ຍາມທ້ອງຟ້າໃນລະດູບານໃໝ່-ບຸນເຕັດທີ່ເຕັມໄປດ້ວຍນໍ້າໃຈທະຫານ ແລະປະຊາຊົນ” ແລະປຸກລະດົມ “ບຸນເຕັດປູກຕົ້ນໄມ້ຮູ້ບຸນຄຸນລຸງໂຮ່ ຕະຫຼອດໄປ”. ຫຼັງຈາກນັ້ນ, ບັນດາລາຍການຈະຈັດຂຶ້ນພ້ອມກັນຢູ່ 162 ຈຸດທີ່ຍັງເຫຼືອໃນທົ່ວເຫຼົ່າທັບ.

ຕາງໜ້າໂຮງຮຽນນາຍທະຫານອາກາດ ມອບຂອງຂວັນໃຫ້ພະນັກງານ, ນັກຮົບກອງພັນ 24, ກອງພົນ 377. ພາບ: qdnd.vn

ທີ່ລາຍການ, ຜູ້ແທນໄດ້ເຂົ້າຮ່ວມປູກຕົ້ນໄມ້ກັບພະນັກງານ, ນັກຮົບກອງພັນ 24, ຊົມລາຍການສະແດງສິລະປະ ແລະເຂົ້າຮ່ວມການລະຫຼິ້ນພື້ນເມືອງ. ຄະນະຈັດຕັ້ງຍັງໄດ້ມອບຂອງຂວັນ 70 ພູດໃຫ້ຄອບຄົວນະໂຍບາຍ, ຄອບຄົວທຸກຍາກ, ສະມາຊິກແມ່ຍິງຢູ່ທ້ອງຖິ່ນ, ນັກສຶກສາ, ນັກຮຽນ, ພະນັກງານ, ສະມາຊິກຊາວໜຸ່ມ.

ໜັງສືພິມກອງທັບປະຊາຊົນ ຂໍແນະນໍາໃຫ້ຜູ້ອ່ານບາງຮູບພາບທີ່ລາຍການ.