ທ່ານພົນໂທ ຮວ່າງຊວນຈຽນ ຕີລາຄາສູງຕໍ່ເລື່ອງກະຊວງປ້ອງກັນປະເທດອົດສະຕາລີ ສະເໜີມອບອຸປະກອນການແພດ; ຫວັງວ່າຈະສືບຕໍ່ໄດ້ຮັບການຊ່ວຍເຫຼືອຈາກອົດສະຕາລີ, ຊ່ວຍໃຫ້ໄດ້ເຂົ້າເຖິງບັນດາແຫຼ່ງວັກຊິນ ແລະຮັບປະກັນອຸປະກອນການແພດໃຫ້ກໍາລັງດ່ານໜ້າປ້ອງກັນ, ຕ້ານພະຍາດໂຄວິດ-19. ພ້ອມກັນນັ້ນ, ສືບຕໍ່ຮັບການຊ່ວຍເຫຼືອຂອງອົດສະຕາລີ ໃນຂົງເຂດຮັກສາສັນຕິພາບ ສປຊ, ເປັນຕົ້ນແມ່ນສໍາລັບກອງທະຫານຊ່າງແສງເລກທີ 1 ທີ່ໃກ້ຈະຜັນຂະຫຍາຍໄປເຖິງຄະນະປະຕິບັດງານກໍາລັງຮັກສາຄວາມໝັ້ນຄົງຊົ່ວຄາວປະຈໍາຢູ່ Abyei (UNISFA). ທ່ານພົນໂທ ຮວ່າງຊວນຈຽນ ຢັ້ງຢືນວ່າ ຫວຽດນາມ ສະໜັບສະໜູນການພົວພັນຄູ່ຮ່ວມມືຍຸດທະສາດຮອບດ້ານອາຊຽນ-ອົດສະຕາລີ ແລະພ້ອມແລ້ວທີ່ຈະສົມທົບກັນຜັນຂະຫຍາຍປະສິດທິຜົນຂອງໝາກຜົນການພົບປະບໍ່ເປັນທາງການຂອງລັດຖະມົນຕີປ້ອງກັນປະເທດອາຊຽນ-ອົດສະຕາລີ ຄັ້ງທີ 2 ຜ່ານມາ ບົນພື້ນຖານເຫັນດີເປັນເອກະພາບຂອງອາຊຽນ.

leftcenterrightdel
ທ່ານພົນໂທ ຮວ່າງຊວນຈຽນ ເປັນປະທານການເຈລະຈາຢູ່ສະຖານທີ່ເຊື່ອມຕໍ່ຮ່າໂນ້ຍ. ພາບ: qdnd.vn.

ທ່ານ Peter Tesch ໃຫ້ຮູ້ວ່າ ອົດສະຕາລີ ໃຫ້ຄໍາໝັ້ນສັນຍາສືບຕໍ່ຊ່ວຍເຫຼືອຫວຽດນາມ ຂົນສົ່ງໂຮງໝໍສະໜາມຂັ້ນ 2 ໄປເຖິງຄະນະຮັກສາສັນຕິພາບ ສປຊ ຢູ່ຊູດັງໃຕ້ ໃນປີ 2022 ແລະມອບອຸປະກອນຈໍານວນໜຶ່ງໃຫ້ເພື່ອຊ່ວຍຍົກສູງກຳລັງຄວາມສາມາດໃຫ້ກົມຮັກສາສັນຕິພາບຫວຽດນາມ.

ທີ່ການເຈລະຈາ, ສອງຝ່າຍຢັ້ງຢືນວ່າ ເຖິງວ່າຍັງປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19 ກໍ່ຕາມ, ແຕ່ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດເວົ້າລວມ ແລະການພົວພັນຮ່ວມມືດ້ານປ້ອງກັນຊາດເວົ້າສະເພາະໃນໄລຍະຜ່ານມາຍັງໄດ້ຮັກສາ, ຊຸກຍູ້ເພື່ອຜົນປະໂຫຍດຂອງປະຊາຊົນແຕ່ລະປະເທດ; ປະກອບຕັ້ງໜ້າເຂົ້າໃນສັນຕິພາບ, ສະຖຽນລະພາບ, ພັດທະນາລວມໃນພາກພື້ນ ແລະໃນໂລກ.

leftcenterrightdel
ບັນຍາກາດທີ່ການເຈລະຈາ. ພາບ: qdnd.vn.

ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບສືບຕໍ່ຮັກສາ, ຊຸກຍູ້ການພົວພັນຮ່ວມມືດ້ານປ້ອງກັນຊາດ, ໃນນັ້ນສຸມໃສ່ໃນບາງຂົງເຂດ, ຄື: ແລກປ່ຽນຄະນະຜູ້ແທນ, ເປັນຕົ້ນແມ່ນຄະນະຜູ້ແທນຂັ້ນສູງ; ເສີມຂະຫຍາຍປະສິດທິຜົນຂອງກົນໄກທາບທາມຄວາມເຫັນ, ເຈລະຈາ, ກໍ່ສ້າງ, ຮັກສາສັນຕິພາບ ສປຊ, ຮ່ວມມືດ້ານເສນາຮັກ, ຮ່ວມມືດ້ານເຫຼົ່າທັບ-ເຫຼົ່າຮົບ... ສອງຝ່າຍເຫັນດີເປັນເອກະພາບຮັບຮອງເອົາແຜນການຮ່ວມມືດ້ານປ້ອງກັນຊາດຫວຽດນາມ-ອົດສະຕາລີ ໄລຍະ 2022-2024.

ໂດຍ: ຈາງຫງວຽນ