ທີ່ກອງປະຊຸມຄັ້ງນີ້, ສະພາແຫ່ງຊາດໄດ້ຕົກລົງກ່ຽວກັບວຽກງານບຸກຄະລາກອນ, ເລືອກຕັ້ງປະທານປະເທດ ແລະສະມາຊິກລັດຖະບານ, ກໍາມະການຄະນະປະຈຳສະພາແຫ່ງຊາດ, ເລຂາທິການໃຫຍ່ສະພາແຫ່ງຊາດ, ຮັບຮອງເອົາຮ່າງກົດໝາຍ 18 ສະບັບ, ມະຕິ 21 ສະບັບ, ປະກອບຄຳເຫັນໃສ່ຮ່າງກົດໝາຍ 10 ສະບັບ. ບັນດາຮ່າງກົດໝາຍ, ຮ່າງມະຕິທີ່ສະພາແຫ່ງຊາດໄດ້ປະກອບຄຳຄິດຄຳເຫັນ, ພິຈາລະນາຮັບຮອງເອົາໃນກອງປະຊຸມຄັ້ງນີ້ ລ້ວນແຕ່ກ່ຽວຂ້ອງເຖິງຫຼາຍຂົງເຂດ, ຫຼາຍຂະແໜງການທີ່ພວມຮຽກຮ້ອງໃນພຶດຕິກຳຕົວຈິງ, ເປັນຕົ້ນແມ່ນກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍນາຍທະຫານ ກອງທັບປະຊາຊົນຫວຽດນາມ, ກົດໝາຍວ່າດ້ວຍການວາງແຜນຜັງຕົວເມືອງ ແລະຊົນນະບົດ; ກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍປະກັນສຸຂະພາບ; ກົດໝາຍວ່າດ້ວຍອາກອນມູນຄ່າເພີ່ມ (ສະບັບປັບປຸງ); ກົດໝາຍປັບປຸງ 4 ກົດໝາຍສະບັບໃນຂົງເຂດການລົງທຶນ; ກົດໝາຍວ່າດ້ວຍການປັບປຸງ 9 ກົດໝາຍໃນຂົງເຂດການເງິນ, ງົບປະມານ; ກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການຢາ; ກົດໝາຍວ່າດ້ວຍການປ້ອງກັນ, ຕ້ານອັກຄີໄພ ແລະກູ້ຊີບກູ້ໄພ; ແຜນການຈັດສັນງົບປະມານສູນກາງປີ 2025 ແລະບັນດາບັນຫາຮີບດ່ວນ, ຮັບໃຊ້ຊີວິດການເປັນຢູ່ຂອງປະຊາຊົນແລະເສີມຂະຫຍາຍແຫຼ່ງຊັບພະຍາກອນ, ກາລະໂອກາດໃຫ້ແກ່ການພັດທະນາ.
ພາຍຫຼັງກວ່າເຄິ່ງໜຶ່ງອາຍຸການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ, ມາຮອດປະຈຸບັນ, ເສດຖະກິດຂອງປະເທດເຮົາຍັງຄົງໝັ້ນຄົງຕໍ່ໜ້າສິ່ງທ້າທາຍ, ຄວາມຫຍຸ້ງຍາກຫຼາຍຢ່າງ, ບັນລຸໄດ້ບັນດາຜົນງານອັນໃຫຍ່ຫຼວງ, ຍາມໃດກໍໍ່ບັນລຸລະດັບເຕີບໂຕສູງໃນໂລກ ແລະພາກພື້ນ. ໃນປີ 2024 ຍອດຜະລິດຕະພັນພາຍໃນປະເທດ (GDP) ຂອງພວກເຮົາສາມາດຈະບັນລຸກວ່າ 7% ແລະຄວບຄຸມໄພເງິນເຟີ້ໃນລະດັບຕ່ຳກວ່າ 4,5%. 15/15 ຄາດໝາຍ ຕົ້ນຕໍສາມາດສຳເລັດໄດ້. ເຖິງຢ່າງໃດກໍຕາມ, ການເຄື່ອນໄຫວຜະລິດ, ດຳເນີນທຸລະກິດຂອງປະເທດເຮົາຍັງປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ຄ່າໃຊ້ຈ່າຍການຜະລິດຍັງສູງ, ການຟູມເຟືອຍໃນການຄຸ້ມຄອງຊັບສິນຂອງລັດ, ທີ່ດິນຍັງຫຼາຍຢູ່, ບາງໂຄງການ, ນະໂຍບາຍກ່ຽວກັບສິນເຊື່ອຍັງຜັນຂະຫຍາຍຢ່າງຊັກຊ້າ... ສ່ວນລະບອບລະບຽບການ; ເຖິງວ່າສະພາແຫ່ງຊາດປ່ຽນແປງໃໝ່ຢ່າງບໍ່ຢຸດຢັ້ງ, ບັນລຸໄດ້ໝາກຜົນອັນພົ້ນເດັ່ນ ແລະຮອບດ້ານຫຼາຍຢ່າງໃນວຽກງານນິຕິບັນຍັດ ແລະຕັດສິນບັນດາບັນຫາສຳຄັນຂອງປະເທດ, ສ້າງຂອບນິຕິກໍາໃຫ້ປະເທດພັດທະນາຢ່າງສະດວກ, ແຕ່ຄວາມຮຽກຮ້ອງຕ້ອງການຂອງສະພາບຕົວຈິງ, ຂອງວິວັດການຫັນໂຄງການການເມືອງເປັນລະບອບລະບຽບການ, ຫັນລັດຖະທຳມະນູນ, ບັນດາທັດສະນະ, ແນວທາງຂອງພັກເປັນລະອຽດ, ຜົນສັກສິດໃນການຄຸ້ມຄອງຂອງລັດ, ສິດເປັນເຈົ້າຂອງປະຊາຊົນໃນວຽກງານນິຕິບັນຍັດຍັງມີບາງດ້ານຍັງບໍ່ທັນເໝາະສົມເທື່ອ. ກົດໝາຍຫຼາຍສະບັບທີ່ປະກາດໃຊ້ໃນເມື່ອກ່ອນຍັງຂາດລັກສະນະເຊື່ອມຕໍ່, ສອດຄ່ອງກັບກົດໝາຍອື່ນໆ, ເຮັດໃຫ້ການຜັນຂະຫຍາຍປະສົບກັບຄວາມຫຍຸ້ງຍາກ ແລະສິ່ງກີດຂວາງຫຼາຍຢ່າງ. ໃນບົດກ່າວປາໄສເປີດກອງປະຊຸມ, ທ່ານ ໂຕເລິມ ເລຂາທິການໃຫຍ່ ໄດ້ໃຫ້ຂໍ້ສັງເກດຢ່າງກົງໄປກົງມາວ່າ, ນີ້ແມ່ນ “ຂໍ້ຕິດຂັດຂອງຂໍ້ຕິດຂັດ”. ພິເສດແມ່ນເມື່ອປະເທດເຮົາພວມກະກຽມເງື່ອນໄຂທີ່ຈຳເປັນ ແລະພຽງພໍ, ເປັນປັດໃຈເພື່ອກ້າວເຂົ້າສູ່ສັງກາດໃໝ່ - ສັງກາດບືນຕົວຂຶ້ນຂອງຊາດນັ້ນ,ການແກ້ໄຂຂໍ້ຕິດຂັດດ້ານນິຕິກໍາ, ສ້າງລະບົບກົດໝາຍທີ່ຄົບຊຸດ, ເຊື່ອມຕໍ່ ແລະສ້າງຄວາມສະດວກໃຫ້ປະຊາຊົນ, ວິສາຫະກິດຕ້ອງໄດ້ຮັບການແກ້ໄຂໂດຍໄວ.
ປີ 2025 ມີຄວາມໝາຍສຳຄັນທີ່ສຸດໃນການປະຕິບັດໜ້າທີ່ຂອງໄລຍະ 2021-2026 ໃຫ້ປະສົບຜົນສໍາເລັດ, ສ້າງເງື່ອນໄຂດີທີ່ສຸດໃຫ້ແກ່ການພັດທະນາປະເທດ, ດ້ວຍຈິດໃຈປ່ຽນແປງໃໝ່ໃນການກໍ່ສ້າງກົດໝາຍ, ປ່ຽນແປງໃໝ່ໃນວຽກງານສົມທົບກັນລະຫວ່າງຄະນະປະຈຳສະພາແຫ່ງຊາດ ແລະລັດຖະບານ, ປ່ຽນແປງໃໝ່ໃນວຽກງານສົມທົບກັນລະຫວ່າງອົງການຮຽບຮຽງ ແລະອົງການກວດກາໃນວິວັດການສ້າງຮ່າງກົດໝາຍ, ຮ່າງມະຕິ; ໜຶ່ງໃນບັນດາບາດກ້າວບຸກທະລຸໃນວຽກງານນິຕິບັນຍັດແມ່ນການຫັນປ່ຽນຈາກຈີນຕະນາການບໍລິຫານໄປສູ່ການເປີດແຫຼ່ງຊັບພະຍາກອນໃນກອງປະຊຸມສະໄໝສາມັນເທື່ອທີ 8 ນີ້. ເພື່ອໃຫ້ວຽກງານນິຕິບັນຍັດສືບຕໍ່ມີການປ່ຽນແປງໃໝ່ຢ່າງແຂງແຮງໃນໄລຍະຈະມາເຖິງ, ຕອບສະໜອງຄວາມຮຽກຮ້ອງຕ້ອງການພັດທະນາຂອງປະເທດໃນສັງກາດໃໝ່, ນອກຈາກຜັນຂະຫຍາຍການປະຕິບັດກົດໝາຍ ແລະມະຕິທີ່ສະພາແຫ່ງຊາດຫາກໍ່ຮັບຮອງເອົາຢ່າງມີປະສິດທິຜົນ, ເປັນຕົ້ນແມ່ນບັນດາຄວາມຮຽກຮ້ອງຕ້ອງການອັນຮີບດ່ວນຂອງວຽກງານສັບຊ້ອນ ແລະໂຄງປະກອບການຈັດຕັ້ງຂອງລະບົບການເມືອງ, ທຸກຂັ້ນ, ທຸກຂະແໜງການ, ອົງການຈັດຕັ້ງການເມືອງ-ສັງຄົມຈາກຂັ້ນສູນກາງລົງຮອດທ້ອງຖິ່ນ, ປະຊາຊົນທຸກຊັ້ນວັນນະໃຫ້ກະທັດລັດນັ້ນ, ແມ່ນຕ້ອງຮັບຮູ້ຢ່າງເຖິງຖອງ ແລະປະຕິບັດກົດໝາຍຢ່າງມີປະສິດທິຜົນ, ວຽກງານກໍ່ສ້າງກົດໝາຍຕິດພັນກັບການຈັດຕັ້ງປະຕິບັດກົດໝາຍຢ່າງແໜ້ນແຟ້ນ. ກວດກາ, ຕີລາຄາປະສິດທິຜົນ, ຄຸນນະພາບຂອງນະໂຍບາຍກົດໝາຍພາຍຫຼັງການປະກາດໃຊ້ເປັນປະຈໍາ, ເພື່ອປັບປຸງ, ເພີ່ມເຕີ່ມຂໍ້ບົກຜ່ອງ, ເປັນຕົ້ນແມ່ນບັນດາບັນຫາໃໝ່, ທ່າອ່ຽງໃໝ່, ຕອບສະໜອງຄວາມຮຽກຮ້ອງຂອງສະພາບຕົວຈິງຢ່າງທັນການ, ສ້າງບາດກ້າວບຸກທະລຸໃນການພັດທະນາ, ສ້າງສາປະເທດໃຫ້ນັບມື້ນັບເຂັ້ມແຂງ ແລະວັດທະນາຖາວອນ .
ພະນັກງານ, ນັກຮົບກອງທັບປະຊາຊົນຫວຽດນາມ ເປັນກໍາລັງຫຼັກແຫຼ່ງໃນການປົກປັກຮັກສາປະເທດຊາດ ຕ້ອງຊາບຊຶມ, ຍົກສູງຄຸນສົມບັດຂອງທະຫານລຸງໂຮ່ ໃນການປະຕິບັດກົດໝາຍ. ຄຽງຄູ່ກັບການຊາບຊຶມ, ປະຕິບັດກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍນາຍທະຫານ ກອງທັບປະຊາຊົນຫວຽດນາມ ແລະບັນຄາກົດໝາຍ, ມະຕິອື່ນໆທີ່ສະພາແຫ່ງຊາດຫາກໍ່ຮັບຮອງເອົາຢ່າງມີປະສິດທິຜົນແລ້ວ, ພະນັກງານ, ນັກຮົບຕ້ອງຍົກສູງລະດັບຄວາມຮູ້ດ້ານວັດທະນະທຳດ້ານນິຕິກໍາຢ່າງບໍ່ຢຸດຢັ້ງ, ກໍາແໜ້ນການຜັນແປຢ່າງວ່ອງໄວຂອງຊີວິດການເປັນຢູ່, ຮັບຟັງຄວາມແນວຄິດຈິດໃຈ, ຄວາມມຸ່ງມາດປາດຖະໜາຂອງປະຊາຊົນເພື່ອປັບປຸງລະບົບກົດໝາຍວ່າດ້ວຍການປ້ອງກັນຊາດຢ່າງບໍ່ຢຸດຢັ້ງ. ປະກອບຄວາມເຫັນໃຫ້ພັກ, ລັດ, ຄະນະພັກ, ອຳນາດການປົກຄອງທ້ອງຖິ່ນບ່ອນທີ່ກົມກອງຕັ້ງທັບ ເພື່ອປະກອບສ່ວນກໍ່ສ້າງພື້ນຖານປ້ອງກັນຊາດທົ່ວປວງຊົນໃຫ້ນັບມື້ນັບໝັ້ນຄົງເຂັ້ມແຂງ, ມີປະສິດທິຜົນ, ປະກອບສ່ວນກໍ່ສ້າງກອງທັບປະຕິວັດ, ເປັນກຳລັງຫຼວງ, ຍອດຢ້ຽມ, ທັນສະໄໝ; ກໍ່ສ້າງປະເທດໃຫ້ເຂັ້ມແຂງແຮງກ້າໃນສັງກາດໃໝ່ - ສັງກາດບືນຕົວຂຶ້ນຂອງຊາດ.
ໂດຍ: ຈາງຫງວຽນ