ນະຄອນໂຮ່ຈີມິນ ຄາດຄະເນວ່າຈະຮັບແຂກທ່ອງທ່ຽວສາກົນແຕ່ເດືອນ ທັນວາ 2021
ກປ.ອອນໄລ - ພະແນກທ່ອງທ່ຽວນະຄອນໂຮ່ຈີມິນ ຫາກໍ່ສ້າງແຜນຮ່າງຈັດຕັ້ງການຕ້ອນຮັບແຂກທ່ອງທ່ຽວສາກົນທີ່ນໍາໃຊ້ໜັງສືຜ່ານແດນສຸຂະພາບເອເລັກໂຕນິກ ມາຍັງນະຄອນແຕ່ເດືອນທັນວາ 2021, ແຕ່ກ່ອນຄາດຄະເນວ່າຈະຮັບແຂກທ່ອງທ່ຽວໃນຕົ້ນປີ 2022, ດ້ວຍ 3 ໄລຍະ.
ໄລຍະ 1, ແຕ່ເດືອນ ທັນວາ 2021, ທົດລອງຕ້ອນຮັບແຂກທ່ອງທ່ຽວສາກົນຕາມລາຍການທ່ອງທ່ຽວແບບຄົບວົງຈອນຜ່ານທາງອາກາດ, ທາງນໍ້າຢູ່ຕາມຂົງເຂດ, ຮາກຖານບໍລິການທ່ອງທ່ຽວທີ່ໄດ້ຮັບການຄັດເລືອກ.
|
|
ນະຄອນໂຮ່ຈີມິນ ຄາດຄະເນວ່າຈະຮັບແຂກທ່ອງທ່ຽວສາກົນແຕ່ເດືອນທັນວາ 2021. ພາບ: nguoiduatin.vn |
ໄລຍະ 2 ແຕ່ເດືອນ ມັງກອນ 2022, ໂດຍອະນຸຍາດໃຫ້ວິສາຫະກິດທ່ອງທ່ຽວທີ່ມີຄົບເງື່ອນໄຂໄດ້ຮັບໃຊ້ແຂກທ່ອງທ່ຽວສາກົນ. ໃນໄລຍະນີ້, ແຂກທ່ອງທ່ຽວສາມາດເຂົ້າຮ່ວມລາຍການທ່ອງທ່ຽວສົມທົບຫຼາຍສະຖານທີ່ພາຍຫຼັງສໍາເລັດລາຍການທ່ອງທ່ຽວຢູ່ນະຄອນໂຮ່ຈີມິນ ໃນໄລຍະ 7 ມື້ (ເບື້ອງຕົ້ນ, ໄດ້ເຊື່ອມຕໍ່ກັບແຂວງ, ນະຄອນ, ຄື: ກຽນຢາງ, ແຄ໋ງຮວ່າ, ດ່ານັ້ງ, ກວາງນາມ, ກວາງນິງ ແລະສາມາດເພີ່ມບາງທ້ອງຖິ່ນອື່ນອີກ).
ໄລຍະ 3, ຈະເປີດປະຕູກັບຕະຫຼາດແຂກທ່ອງທ່ຽວສາກົນທັງໝົດ. ໄລຍະເລີ່ມຕົ້ນຈະອີງໃສ່ສະພາບພະຍາດຕົວຈິງ ແລະບົນພື້ນຖານຕີລາຄາຜົນການຮັບແຂກທ່ອງທ່ຽວສາກົນໃນ 2 ໄລຍະທໍາອິດ.
ໂດຍ: ກວຽດເຕີມ