<p> ທ່ານນາຍົກລັດຖະມົນຕີ ຟ້າມມິງຈິ໊ງ ຫາກໍ່ສິ້ນສຸດການຢ້ຽມຢາມກູເວດ, ອານເຊລີ ຢ່າງເປັນທາງການ, ເຂົ້າຮ່ວມກອງປະຊຸມສຸດຍອດ G20 ປີ 2025 ແລະການເຄື່ອນໄຫວສອງຝ່າຍຢູ່ ອາຟະລິກາໃຕ້. ການໄປປະຕິບັດງານຂອງທ່ານນາຍົກລັດຖະມົນຕີ ບັນລຸໄດ້ໝາກຜົນພົ້ນເດັ່ນຫຼາຍຢ່າງ, ຍົກລະດັບການພົວພັນກັບ 3 ປະເທດແມ່ນ ກູເວດ, ອານເຊລີ ແລະອາຟະລິກາໃຕ້, ຢືນຢັນບົດບາດ, ທັດສະນະຂອງ ຫວຽດນາມ ຢູ່ G20, ຍົກໃຫ້ເຫັນສານທີ່ວ່າ ຫວຽດນາມ ພ້ອມແລ້ວທີ່ຈະຮ່ວມມືຢ່າງຕັ້ງໜ້າ, ສະເໝີພາບ ແລະຕ່າງຝ່າຍຕ່າງມີຜົນປະໂຫຍດກັບບັນດາປະເທດ.</p> <p> ດ້ວຍການເຄື່ອນໄຫວເກືອບ 70 ລາຍການ, ການໄປປະຕິບັດງານເປັນເວລາ 9 ວັນຂອງທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ຊຸກຍູ້ການຮ່ວມມືທັງດ້ານສອງຝ່າຍ ແລະຫຼາຍຝ່າຍ.</p> <table border="0" class="imgEditor" id="4c948759-5523-48b3-9e8f-add5adef72b80000"> <tbody> <tr style="text-align:center"> <td class="dbox"> <a onclick="leftmybox('4c948759-5523-48b3-9e8f-add5adef72b80000')" title="Trái"><img alt="left" src="/image/images/left.png" /></a><a onclick="centermybox('4c948759-5523-48b3-9e8f-add5adef72b80000')" title="Giữa"><img alt="center" src="/image/images/center.png" /></a><a onclick="rightmybox('4c948759-5523-48b3-9e8f-add5adef72b80000')" title="Phải"><img alt="right" src="/image/images/right.png" /></a><a onclick="delmybox('4c948759-5523-48b3-9e8f-add5adef72b80000')" title="Xóa"><img alt="del" src="/images/red-error_16px.gif" /></a></td> </tr> <tr> <td> <img class="imgtelerik" src="https://file3.qdnd.vn/data/images/26/2025/11/26/upload_2122/26112025_th_00.jpg?dpi=150&quality=100&w=800" /></td> </tr> <tr class="alt_imgEditor"> <td> ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ກ່າວຄຳເຫັນທີ່ກອງປະຊຸມສຸດຍອດ G20 ປີ 2025. ພາບ: vov.vn</td> </tr> </tbody> </table> <p> <strong>ທັດສະນະຂອງປະເທດກຳລັງພັດທະນາ</strong></p> <p> ໝາກຜົນສຳຄັນພິເສດຂອງການຢ້ຽມຢາມ ແລະເຮັດວຽກຂອງທ່ານນາຍົກລັດຖະມົນຕີ ແມ່ນການປະກອບສ່ວນຢ່າງເປັນເຈົ້າການ, ຕັ້ງໜ້າຂອງຄະນະຜູ້ແທນຫວຽດນາມ ຢູ່ກອງປະຊຸມສຸດຍອດ G20.</p> <p> ທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ກ່າວປາໄສສຳຄັນ 2 ບົດເຕື້ອງເຖິງບັນດາຂົງເຂດທີ່ກວ້າງໃຫຍ່ ເຊິ່ງ G20 ກຳລັງສົນໃຈໃນປະຈຸບັນ. ທ່ານນາຍົກລັດຖະມົນຕີ ໄດ້ສະເໜີບັນດາ ມາດຕະການແນໃສ່ຊຸກຍູ້ການເຕີບໂຕ, ໃນນັ້ນໄດ້ເນັ້ນໜັກວ່າ G20 ຄວນນໍາໜ້າໃນການສ້າງກົນໄກການຮ່ວມມືສາກົນທີ່ເຄົາລົບເຊິ່ງກັນ ແລະກັນ, ຊອກຫາມາດຕະການແກ້ໄຂໃຫ້ແກ່ການປະທະກັນ, ສ້າງສະພາບແວດລ້ອມທີ່ສະດວກໃຫ້ແກ່ການພັດທະນາ.</p> <table border="0" class="imgEditor" id="4c948759-5523-48b3-9e8f-add5adef72b800000"> <tbody> <tr style="text-align:center"> <td class="dbox"> <a onclick="leftmybox('4c948759-5523-48b3-9e8f-add5adef72b800000')" title="Trái"><img alt="left" src="/image/images/left.png" /></a><a onclick="centermybox('4c948759-5523-48b3-9e8f-add5adef72b800000')" title="Giữa"><img alt="center" src="/image/images/center.png" /></a><a onclick="rightmybox('4c948759-5523-48b3-9e8f-add5adef72b800000')" title="Phải"><img alt="right" src="/image/images/right.png" /></a><a onclick="delmybox('4c948759-5523-48b3-9e8f-add5adef72b800000')" title="Xóa"><img alt="del" src="/images/red-error_16px.gif" /></a></td> </tr> <tr> <td> <img class="imgtelerik" src="https://file3.qdnd.vn/data/images/26/2025/11/26/upload_2122/26112025_th_01.jpg?dpi=150&quality=100&w=800" /></td> </tr> <tr class="alt_imgEditor"> <td> ບັນຍາກາດທີ່ກອງປະຊຸມສຸດຍອດ G20. ພາບ: vov.vn</td> </tr> </tbody> </table> <p> ບົດກ່າວຄໍາເຫັນຂອງທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ຮັບຄວາມຊົມເຊີຍ ແລະສະແດງຄວາມເຫັນດີເຫັນພ້ອມ, ຕີລາຄາສູງຈາກຫຼາຍປະເທດ. ທ່ານ ເລຮວ່າຍຈຸງ ລັດຖະມົນຕີກະຊວງການຕ່າງປະເທດຫວຽດນາມ ໃຫ້ຮູ້ວ່າ: “ຫຼາຍປະເທດໃຫ້ຄວາມສຳຄັນຕໍ່ສານຂອງຫວຽດນາມ ຍ້ອນວ່າ ຫວຽດນາມ ແມ່ນປະເທດທີ່ບັນລຸຜົນງານໃນການພັດທະນາຢ່າງຮອບດ້ານ, ຍືນຍົງ, ວຽກເຮັດງານທຳ, ຄວາມສາມາດບົ່ມຊ້ອນທີ່ກ່ຽວຂ້ອງເຖິງແຮ່ທາດ, ດິນຫາຍາກ. ຫວຽດນາມ ມີບົດບາດ, ທີ່ຕັ້ງ ແລະມາດຕະການ ເຊິ່ງທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ສະເໜີທີ່ກອງປະຊຸມ G20 ໃນປະຈຸບັນແມ່ນເພີ່ມທະວີຄວາມສາມັກຄີ, ການຮ່ວມມື, ປັບປຸງບັນດາກົນໄກທີ່ມີຢູ່ແລ້ວ, ມາດຕະການປະຕິຮູບເພື່ອຮັບປະກັນສັນຕິພາບ, ການພັດທະນາແບບຍືນຍົງ”.</p> <p> ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ພົບປະ, ແລກປ່ຽນກັບການນຳ 30 ປະເທດ, ອົງການຈັດຕັ້ງສາກົນຢູ່ນອກກອງປະຊຸມ G20 ກ່ຽວກັບແນວທາງ, ສະພາບການພັດທະນາໃນປະຈຸບັນຂອງຫວຽດນາມ, ຄວາມມານະພະຍາຍາມຂອງຫວຽດນາມ ແລະໝາກຜົນທີ່ບັນລຸໄດ້ກ່ຽວກັບການປັບປຸງລະບອບລະບຽບການໃຫ້ສົມບູນແບບ. ຜ່ານການພົບປະຄັ້ງຕ່າງໆ, ຫວຽດນາມ ໄດ້ເນັ້ນໜັກເຖິງສານທີ່ວ່າ ພ້ອມແລ້ວທີ່ຈະເຂົ້າຮ່ວມ ແລະປະກອບສ່ວນເຂົ້າໃນຂໍ້ລິເລີ່ມທົ່ວໂລກ, ບໍ່ພຽງແຕ່ແມ່ນ “ຝ່າຍຊົມໃຊ້ຜົນປະໂຫຍດ” ເທົ່ານັ້ນ, ແຕ່ກໍ່ພ້ອມແລ້ວທີ່ຈະຮ່ວມມືຢ່າງຕັ້ງໜ້າ, ສະເໝີພາບ ແລະຕ່າງຝ່າຍຕ່າງມີຜົນປະໂຫຍດກັບບັນດາປະເທດ.</p> <p> <strong>ຫວຽດນາມ ກາຍເປັນຄູ່ຮ່ວມມືຍຸດທະສາດບຸລິມະສິດຂອງ 3 ປະເທດ</strong></p> <p> ໃນດ້ານສອງຝ່າຍ, ຈຸດພົ້ນເດັ່ນໃນການໄປປະຕິບັດງານຂອງທ່ານນາຍົກລັດຖະມົນຕີ ຟ້າມມິງຈິ໊ງ ແມ່ນເລື່ອງຫວຽດນາມ ໄດ້ພ້ອມກັນຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດກັບ 3 ປະເທດ ກູເວດ, ອານເຊລີ ແລະອາຟະລິກາໃຕ້, ກາຍເປັນ 3 ຄູ່ຮ່ວມມືຍຸດທະສາດທຳອິດຂອງຫວຽດນາມ ຢູ່ພາກພື້ນຕາເວັນອອກກາງ-ອາຟະລິກາ.</p> <table border="0" class="imgEditor" id="4c948759-5523-48b3-9e8f-add5adef72b8000000"> <tbody> <tr style="text-align:center"> <td class="dbox"> <a onclick="leftmybox('4c948759-5523-48b3-9e8f-add5adef72b8000000')" title="Trái"><img alt="left" src="/image/images/left.png" /></a><a onclick="centermybox('4c948759-5523-48b3-9e8f-add5adef72b8000000')" title="Giữa"><img alt="center" src="/image/images/center.png" /></a><a onclick="rightmybox('4c948759-5523-48b3-9e8f-add5adef72b8000000')" title="Phải"><img alt="right" src="/image/images/right.png" /></a><a onclick="delmybox('4c948759-5523-48b3-9e8f-add5adef72b8000000')" title="Xóa"><img alt="del" src="/images/red-error_16px.gif" /></a></td> </tr> <tr> <td> <img class="imgtelerik" src="https://file3.qdnd.vn/data/images/26/2025/11/26/upload_2122/26112025_th_02.jpg?dpi=150&quality=100&w=800" /></td> </tr> <tr class="alt_imgEditor"> <td style="text-align: justify;"> ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພົບປະສອງຝ່າຍກັບທ່ານ Sheikh Ahmad Al-Abdullah Al-Sabah ນາຍົກລັດຖະມົນຕີກູເວດ. ພາບ: VGP</td> </tr> </tbody> </table> <p> ຢູ່ກູເວດ, ທ່ານນາຍົກລັດຖະມົນຕີ ຟ້າມມິງຈິ໊ງ ພ້ອມກັບການນໍາ ກູເວດ ໄດ້ອອກຖະແຫຼງການຮ່ວມກ່ຽວກັບການສ້າງຕັ້ງການພົວພັນຄູ່ຮ່ວມມືຍຸດທະສາດ, ໃນນັ້ນໄດ້ເນັ້ນໜັກເຖິງພະລັງງານວ່າແມ່ນຂົງເຂດຮ່ວມມືຍຸດທະສາດ, ໃຫ້ບຸລິມະສິດຊຸກຍູ້ການຮ່ວມມືຢ່າງເລິກເຊິ່ງກວ້າງຂວາງກວ່າໃນການສຳຫຼວດ, ຂຸດຄົ້ນນ້ຳມັນອາຍແກັດ ແລະພະລັງງານທົດແທນ. ທ່ານ Tariq Suleiman Al-Roumi ລັດຖະມົນຕີກະຊວງນໍ້າມັນ ກູເວດ ຢືນຢັນວ່າ:   “ກະຊວງນໍ້າມັນກູເວດ ຈະພ້ອມກັບບັນດາກະຊວງ, ຂະແໜງການຂອງຫວຽດນາມ ປຶກສາຫາລື, ຫັນໂຄງການຜັນຂະຫຍາຍຂອບຄູ່ຮ່ວມມືຍຸດທະສາດ ຫວຽດນາມ-ກູເວດ ໃຫ້ລະອຽດ ແລະບັນລຸປະສິດທິຜົນ. ໃນນັ້ນ, ພ້ອມກັນແກ້ໄຂຂໍ້ຕິດຂັດ, ຈະສະເໜີກໍານົດທິດ ແລະສ້າງກຳລັງໜູນໃໝ່ໃນການຮ່ວມມື ແລະການລົງທຶນ. ໃນໄລຍະຈະມາເຖິງ, ດ້ວຍຂອບເຂດການພົວພັນຄູ່ຮ່ວມມືຍຸດທະສາດ, ການພົວພັນດ້ານເສດຖະກິດ, ການຄ້າ, ການລົງທຶນໃໝ່ລະຫວ່າງ ຫວຽດນາມ-ກູເວດ, ເປັນຕົ້ນແມ່ນໃນຂົງເຂດພະລັງງານ, ຈະມີບາດກ້າວພັດທະນາຢ່າງແຂງແຮງ”.</p> <p> ຢູ່ອານເຊລີ, ການພົວພັນຄູ່ຮ່ວມມືຍຸດທະສາດ ຫວຽດນາມ-ອານເຊລີ ໄດ້ສ້າງຕັ້ງຂຶ້ນນັ້ນເປັນການເປີດຂົງເຂດການຮ່ວມມືອັນໃຫຍ່ຫຼວງໃນທຸກຂົງເຂດ. ທ່ານ Sifi Ghrieb ນາຍົກລັດຖະມົນຕີ ອານເຊຣີ ຕີລາຄາວ່າ:  “ການຢ້ຽມຢາມຂອງທ່ານນາຍົກລັດຖະມົນຕີ ແມ່ນແນໃສ່ສ້າງກອບນິຕິກຳໃນການພົວພັນລະຫວ່າງສອງປະເທດໃຫ້ສົມບູນແບບ, ດ້ວຍການລົງນາມໃນເອກະສານຮ່ວມມືສຳຄັນຫຼາຍສະບັບໃນຂົງເຂດການຄ້າ, ເຮືອນຢູ່, ການເງິນ… ການແລກປ່ຽນແມ່ນມີປະສິດທິຜົນ ແລະແທດຈິງທີ່ສຸດ, ອີກເທື່ອໜຶ່ງເປັນການຢັ້ງຢືນຂະໜາດທີ່ສຳຄັນຂອງການພົວພັນສອງຝ່າຍ ແລະປັບປຸງນໍ້າໃຈສາມັກຄີລະຫວ່າງສອງປະເທດ ແລະປະຊາຊົນສອງປະເທດໃນການຮັບມືກັບສິ່ງທ້າທາຍຄວາມໝັ້ນຄົງແບບເກົ່າ ແລະແບບໃໝ່”.</p> <table border="0" class="imgEditor" id="4c948759-5523-48b3-9e8f-add5adef72b80000000"> <tbody> <tr style="text-align:center"> <td class="dbox"> <a onclick="leftmybox('4c948759-5523-48b3-9e8f-add5adef72b80000000')" title="Trái"><img alt="left" src="/image/images/left.png" /></a><a onclick="centermybox('4c948759-5523-48b3-9e8f-add5adef72b80000000')" title="Giữa"><img alt="center" src="/image/images/center.png" /></a><a onclick="rightmybox('4c948759-5523-48b3-9e8f-add5adef72b80000000')" title="Phải"><img alt="right" src="/image/images/right.png" /></a><a onclick="delmybox('4c948759-5523-48b3-9e8f-add5adef72b80000000')" title="Xóa"><img alt="del" src="/images/red-error_16px.gif" /></a></td> </tr> <tr> <td> <img class="imgtelerik" src="https://file3.qdnd.vn/data/images/26/2025/11/26/upload_2122/26112025_th_03.jpg?dpi=150&quality=100&w=800" /></td> </tr> <tr class="alt_imgEditor"> <td style="text-align: justify;"> ເນື່ອງໃນໂອກາດເຂົ້າຮ່ວມກອງປະຊຸມສຸດຍອດ G20 ຢູ່ອາຟະລິກາໃຕ້, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ມີການພົບປະກັບການນຳບັນດາປະເທດ ແລະອົງການຈັດຕັ້ງສາກົນ. ພາບ: vov.vn</td> </tr> </tbody> </table> <p> ໃນຂະນະນັ້ນ, ຢູ່ອາຟະລິກາໃຕ້, ທ່ານນາຍົກລັດຖະມົນຕີ ຟ້າມມິງຈິ໊ງ ແລະທ່ານປະທານາທິບໍດີອາຟະລິກາໃຕ້ Ciryl Ramaphosa ໄດ້ຖະແຫຼງຢ່າງເປັນທາງການຍົກລະດັບການພົວພັນ ຫວຽດນາມ-ອາຟະລິກາໃຕ້ ຂຶ້ນເປັນຄູ່ຮ່ວມມືຍຸດທະສາດ, ກາຍເປັນແບບຢ່າງຂອງການຮ່ວມມືລະຫວ່າງບັນດາປະເທດທາງທິດໃຕ້. ສອງຝ່າຍກໍ່ຢືນຢັນຄຳໝັ້ນສັນຍາ ສືບຕໍ່ຍູ້ແຮງການຮ່ວມມືດ້ານເສດຖະກິດ, ການຄ້າ ແລະການລົງທຶນ, ສູ້ຊົນຍົກວົງເງິນການຄ້າສອງຝ່າຍໃຫ້ຂຶ້ນເຖິງ 4-5 ຕື້ໂດລາສະຫະລັດ ໃນເວລາ 2-3 ປີຈະມາເຖິງນີ້.</p> <p> ບັນດາໝາກຜົນຂອງການຢ້ຽມຢາມ ແລະການເຮັດວຽກຂອງທ່ານນາຍົກລັດຖະມົນຕີ ຟ້າມມິງຈິ໊ງ ຢູ່ກູເວດ, ອານເຊລີ ແລະການເຄື່ອນໄຫວສອງຝ່າຍຢູ່ອາຟະລິກາໃຕ້, ເຂົ້າຮ່ວມກອງປະຊຸມສຸດຍອດ G20 ມີຄວາມໝາຍສໍາຄັນ, ແມ່ນໂອກາດເພື່ອໃຫ້ຫວຽດນາມ ສືບຕໍ່ຕັດສິນໃຈຫັນຄວາມຄາດຫວັງພັດທະນາຂອງຊາດໃຫ້ປະກົດຜົນເປັນຈິງ, ດຶງດູດແຫຼ່ງກຳລັງສາກົນໃຫ້ໄດ້ຢ່າງສຸດຂີດເພື່ອຮັບໃຊ້ເປົ້າໝາຍພັດທະນາຂອງປະເທດຊາດໃນສັງກາດໃໝ່.</p> <p> <strong>ໂດຍ: ເຈິ່ນຮວ່ຽນ</strong></p>