ທີ່ການເຮັດວຽກ, ທ່ານ ດຣ. Aaron Pegram, ຫົວໜ້າຄະນະຊອກຫາ, ທ້ອນໂຮມອັດຖິຂອງທະຫານອົດສະຕາລີ ຢືນຢັນວ່າຈະມານະພະຍາຍາມພ້ອມກັບຫວຽດນາມ ເຂົ້າຮ່ວມຢ່າງມີປະສິດທິຜົນກວ່າອີກໃນວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຂອງທະຫານຫວຽດນາມ, ປະກອບສ່ວນເຂົ້າໃນການພັດທະນາລວມຂອງການພົວພັນສອງຝ່າຍ. ທ່ານພົນໂທ ເລກວາງມິງ ໃຫ້ຮູ້ວ່າ ປະຈຸບັນຫວຽດນາມ ຍັງມີທະຫານເສຍສະຫຼະຊີວິດໃນປາງສົງຄາມກວ່າ 175.000 ຄົນຕ້ອງສືບຕໍ່ກໍານົດຊື່ ແລະນາມສະກຸນ ແລະຊອກຫາອັດຖິ. ນີ້ແມ່ນບັນຫາສັງຄົມທີ່ຮີບດ່ວນຍິ່ງສຳລັບຫວຽດນາມ, ແຕ່ວຽກງານນີ້ນັບມື້ນັບປະສົບກັບຄວາມຫຍຸ້ງຍາກ. ທ່ານພົນໂທ ເລກວາງມິງ ໄດ້ສະເໜີໃຫ້ອົດສະຕາລີ ສືບຕໍ່ເກັບກຳ, ແບ່ງປັນ, ສະໜອງຂໍ້ມູນ, ເອກະສານທີ່ກ່ຽວຂ້ອງເຖິງທະຫານຫວຽດນາມ ທີ່ເສຍສະຫຼະຊີວິດ, ເສຍຂໍ້ມູນ ຫຼື ຫາຍສາບສູນໃນປາງສົງຄາມ.

leftcenterrightdel
ບັນຍາກາດທີ່ການເຮັດວຽກ. ພາບ: ເລຈວນ

ພ້ອມກັນນັ້ນ, ແບ່ງປັນປະສົບການ ແລະນຳໃຊ້ເຕັກໂນໂລຊີຂໍ້ມູນຂ່າວສານທີ່ທັນສະໄໝໃນວຽກງານຄົ້ນຄວ້າ, ສັງລວມ, ສືບສວນ, ແບ່ງປະເພດ,... ເພື່ອຮັບໃຊ້ວຽກງານຊອກຫາ ແລະທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຫວຽດນາມ.

ໃນວັນດຽວກັນ, ຄະນະປະຕິບັດງານ ໄດ້ໄປຢ້ຽມຢາມ ແລະເຮັດວຽກຢູ່ຫໍພິພິທະພັນສົງຄາມອົດສະຕາລີ. ທ່ານພົນໂທ ເລກວາງມິງ ສະເໜີຫໍພິພິທະພັນ ຄັດຈາກສາງຂໍ້ມູນບັນດາຂໍ້ມູນທີ່ກ່ຽວຂ້ອງເຖິງທະຫານຫວຽດນາມ ເສຍສະຫຼະຊີວິດ, ເສຍຂໍ້ມູນ, ຫາຍສາບສູນໃນປາງສົງຄາມ ແລະສະໜອງໃຫ້ຫ້ອງການຄະນະຊີ້ນໍາແຫ່ງຊາດ 515 ຂອງຫວຽດນາມ.

ໂດຍ: ໄຊນີດາ