ຍັງມີຄວາມສາມາດບົ່ມຊ້ອນຫຼາຍຢ່າງເພື່ອເຮັດໃຫ້ການພົວພັນສອງຝ່າຍເລິກເຊິ່ງກວ່າ
ຫວນຄືນປະຫວັດສາດການພົວພັນ ຫວຽດນາມ - ອາເມລິກາ, ທ່ານເລຂາທິການໃຫຍ່, ປະທານປະເທດຫວຽດນາມ ຖືວ່າ ນີ້ແມ່ນວິວັດການທີ່ຫາຍາກ ແລະເປັນແບບຢ່າງໃນການພົວພັນສາກົນກ່ຽວກັບການຮຳບາດແຜ ແລະສ້າງການພົວພັນພາຍຫຼັງສົງຄາມ; ເນັ້ນໜັກວ່າ ໝາກຜົນນີ້ແມ່ນມາຈາກຄວາມມານະພະຍາຍາມ, ການສ້າງຄວາມໄວ້ເນື້ອເຊື່ອໃຈໃນຕະຫຼອດ 3 ທົດສະວັດຂອງບັນດາການນຳ, ອໍານາດການປົກຄອງ, ສະພາແຫ່ງຊາດ ແລະປະຊາຊົນສອງປະເທດ.
    |
 |
|
ທ່ານ ໂຕເລິມ ເລຂາທິການໃຫຍ່, ປະທານປະເທດ ກ່າວຄຳເຫັນທີ່ພິທີ. ພາບ: qdnd.vn |
ທ່ານເລຂາທິການໃຫຍ່, ປະທານປະເທດ ຊົມເຊີຍບັນດາໝາກຜົນທີ່ໜ້າສົ່ງເສີມທີ່ສອງຝ່າຍບັນລຸໄດ້ພາຍຫຼັງ 1 ປີແຫ່ງການຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ, ພ້ອມທັງຖືວ່າ ດ້ວຍເນື້ອໃນຮອບດ້ານ ແລະລະອຽດຂອງຂອບເຂດການພົວພັນໃໝ່, ສອງຝ່າຍຍັງມີຄວາມສາມາດບົ່ມຊ້ອນຫຼາຍຢ່າງເພື່ອສືບຕໍ່ເຮັດໃຫ້ການພົວພັນລະຫວ່າງປະເທດເລິກເຊິ່ງ ແລະນັບມື້ນັບພັດທະນາເປັນປົກກະຕິ, ແທດຈິງ, ນຳມາເຊິ່ງຜົນປະໂຫຍດຫຼາຍກວ່າໃຫ້ປະຊາຊົນສອງປະເທດ ກໍ່ຄືປະກອບສ່ວນເຂົ້າໃນສັນຕິພາບ, ສະຖຽນລະພາບ, ຄວາມວັດທະນາຖາວອນຢູ່ພາກພື້ນ ແລະສາກົນ. ທ່ານ ໂຕເລິມ ເລຂາທິການໃຫຍ່, ປະທານປະເທດ ເນັ້ນໜັກວ່າ ສິ່ງສຳຄັນກວ່ານັ້ນແມ່ນຊ່ວຍໃຫ້ສອງຝ່າຍສ້າງຄວາມໄວ້ເນື້ອເຊື່ອໃຈ, ເປັນພື້ນຖານສຳຄັນເພື່ອໃຫ້ “ພວກເຮົາສາມາດພ້ອມກັນສ້າງວິໄສທັດທີ່ສົດໃສໃຫ້ແກ່ການພົວພັນລະຫວ່າງສອງປະເທດໃນອະນາຄົດ, ເພື່ອໃຫ້ສອງປະເທດພວກເຮົາ, ລູກຫຼານຂອງພວກເຮົາຍາມໃດກໍ່ເປັນເພື່ອນມິດ ແລະຄູ່ຮ່ວມມືທີ່ດີຂອງກັນ” ຄືທ່ານເລຂາທິການໃຫຍ່ ຫງວຽນຝູຈ້ອງ ໄດ້ກ່າວຄໍາເຫັນໃນການຢ້ຽມຢາມອາເມລິກາ ເມື່ອປີ 2015.
ທ່ານ ໂຕເລິມ ເລຂາທິການໃຫຍ່, ປະທານປະເທດ ໄດ້ສິ້ນສຸດການກ່າວຄໍາປາໄສໂດຍຄໍາເວົ້າຂອງທ່ານ Abraham Lincoln ປະທານາທິບໍດີ ຄົນທີ 16 ຂອງສະຫະລັດອາເມລິກາ: "ແບບວິທີດີທີ່ສຸດເພື່ອຄາດຄະເນອະນາຄົດແມ່ນການສ້າງອະນາຄົດ".
|
|
 |
|
ລາຍການສະແດງສິລະປະທີ່ພິທີ. ພາບ: qdnd.vn |
ເນື່ອງໃນໂອກາດນີ້, ທ່ານ ໂຕເລິມ ເລຂາທິການໃຫຍ່, ປະທານປະເທດ ໄດ້ຂອບອົກຂອບໃຈລັດຖະບານ ແລະປະຊາຊົນອາເມລິກາ ທີ່ໄດ້ໃຫ້ການຊ່ວຍເຫຼືອປະຊາຊົນຫວຽດນາມ ຖືກເຄາະຮ້າຍຈາກພາຍຸ ຢາກີ ຜ່ານມາຢ່າງທັນການ.
ກ່າວຄຳເຫັນທີ່ພິທີ, ທ່ານ John Kerry ອະດີດລັດຖະມົນຕີການຕ່າງປະເທດ ເນັ້ນໜັກວ່າ, ຍ້ອນບັນດາຄວາມມານະພະຍາຍາມຂອງການນຳລຸ້ນຕ່າງໆ, ປະຊາຊົນສອງປະເທດ, ປະຈຸບັນສອງຝ່າຍບໍ່ພຽງແຕ່ປິຕິຊົມຊື່ນທີ່ ຊອກໄດ້ວິທີຊຸກຍູ້ການຮຳບາດແຜ, ຢຸດຕິສົງຄາມເທົ່ານັ້ນ, ຫາກຍັງຢືນຢູ່ຕໍ່ໜ້າກາລະໂອກາດ “ຮ່ວມກັນສ້າງກາລະໂອກາດໃຫ້ລຸ້ນໜຸ່ມອີກດ້ວຍ”.
ທ່ານ Dan Sullivan ສະມາຊິກສະພາສູງ ສະແດງຄວາມເສົ້າສະຫລົດໃຈເຖິງຄອບຄົວຂອງຜູ້ປະສົບເຄາະຮ້າຍຈາກພາຍຸ ຢາກີ; ຢືນຢັນວ່າ, ລັດຖະສະພາອາເມລິກາ ຈະສືບຕໍ່ສະໜັບສະໜູນຫວຽດນາມ “ເຂັ້ມແຂງ, ເອກະລາດ, ສ້າງຄວາມເຂັ້ມແຂງດ້ວຍຕົນເອງ ແລະວັດທະນາຖາວອນ”, ແມ່ນປະເທດທີ່ມີບົດບາດສຳຄັນແຖວໜ້າຢູ່ພາກພື້ນ.
ການພົວພັນຫວຽດນາມ - ອາເມລິກາ ກ້າວເຂົ້າສູ່ໜ້າໃໝ່ ແລະພັດທະນາຢ່າງດີງາມ
ຕອນເຊົ້າວັນທີ 23 ກັນຍາ (ຕາມເວລາທ້ອງຖິ່ນ), ທ່ານ ໂຕເລິມ ເລຂາທິການໃຫຍ່, ປະທານປະເທດໄດ້ກ່າວຄຳປາໄສກ່ຽວກັບນະໂຍບາຍຢູ່ມະຫາວິທະຍາໄລ Columbia.
ໃນສະພາບການໂລກມີການປ່ຽນແປງຢ່າງວ່ອງໄວ, ທ່ານເລຂາທິການໃຫຍ່, ປະທານປະເທດ ຢືນຢັນວ່າ ພາຍໃຕ້ການນຳພາຂອງພັກກອມມູນິດ, ຫວຽດນາມ ຍັງຕັ້ງໝັ້ນປະຕິບັດນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ, ເປັນຫຼາຍຮູບຫຼາຍແບບ, ເປັນເພື່ອນມິດ, ເປັນຄູ່ຮ່ວມມືທີ່ໄວ້ເນື້ອເຊື່ອໃຈ ແລະເປັນສະມາຊິກທີ່ຕັ້ງໜ້າ, ມີຄວາມຮັບຜິດຊອບຂອງປະຊາຄົມສາກົນ. ຫວຽດນາມ ຈະຢຶດໝັ້ນໃນນະໂຍບາຍປ້ອງກັນຊາດ “4 ບໍ່”, ສະໜັບສະໜູນການແກ້ໄຂການຂັດແຍ້ງກັນໂດຍສັນຕິວິທີ ບົນພື້ນຖານກົດບັດສະຫະປະຊາຊາດ, ກົດໝາຍສາກົນ, ຄັດຄ້ານການກະທຳແບບຝ່າຍດຽວ, ອຳນາດການເມືອງ, ການນຳໃຊ້ ຫຼືການຂົ່ມຂູ່ນຳໃຊ້ກຳລັງອາວຸດໃນການພົວພັນສາກົນ.
|
|
 |
|
ທ່ານເລຂາທິການໃຫຍ່, ປະທານປະເທດ ໂຕເລິມ ຢ້ຽມຢາມມະຫາວິທະຍາໄລ Columbia. ພາບ: qdnd.vn |
ເຕື້ອງເຖິງການພົວພັນລະຫວ່າງ ຫວຽດນາມ-ອາເມລິກາ, ທ່ານ ໂຕເລິມ ເລຂາທິການໃຫຍ່, ປະທານປະເທດ ຢືນຢັນວ່າ: ເພື່ອໃຫ້ການພົວພັນລະຫວ່າງສອງປະເທດຫັນໄປສູ່ໜ້າໃໝ່ ແລະພັດທະນາຢ່າງດີງາມຄືປະຈຸບັນ, ປັດໄຈສຳຄັນທີ່ສຸດແມ່ນມູນເຊື້ອເມດຕາຂອງປະເທດຫວຽດນາມ, ແມ່ນການນຳພາອັນສະຫຼາດສ່ອງໃສຂອງພັກກອມມູນິດຫວຽດນາມ ດ້ວຍວິໄສທັດ, ຄວາມຕັດສິນໃຈ ແລະຄວາມກ້າຫານ ເພື່ອນຳປະເທດ ຫວຽດນາມ ເຊື່ອມໂຍງເຂົ້າກັບສາກົນ. ຄຽງຂ້າງນັ້ນ, ຕ້ອງເວົ້າເຖິງບັນດາເພື່ອນມິດ, ຄູ່ຮ່ວມມືອາເມລິກາ, ພິເສດແມ່ນການສະໜັບສະໜູນຢ່າງແຂງແຮງຂອງຫຼາຍພັກ ຢູ່ອາເມລິກາ ສຳລັບການພົວພັນຫວຽດນາມ - ອາເມລິກາ.
ທ່ານເລຂາທິການໃຫຍ່, ປະທານປະເທດ ເຊື່ອໝັ້ນວ່າ ດ້ວຍວິທີເຂົ້າເຖິງແມ່ນຍົກສູງຄວາມສາມັກຄີສາກົນ, ມຸ່ງໄປເຖິງອະນາຄົດ, ກໍ່ຄືຜົນສຳເລັດຂອງການພົວພັນຫວຽດນາມ - ອາເມລິກາ, ໂລກຈະຫັນສິ່ງທີ່ບໍ່ອາດເປັນໄປໄດ້ໃຫ້ປະກົດຜົນເປັນຈິງ, ສືບຕໍ່ສ້າງອະລີຍະທຳທີ່ໝັ້ນຄົງ, ກ້າວໜ້າໃຫ້ມວນມະນຸດ...
* ຕອນເຊົ້າວັນທີ 23 ກັນຍາ, ທ່ານ ໂຕເລິມ ເລຂາທິການໃຫຍ່, ປະທານປະເທດ ໄດ້ຕ້ອນຮັບນັກຊ່ຽວຊານ, ນັກຮຽນຮູ້ກ່ຽວກັບຫວຽດນາມ ຈຳນວນໜຶ່ງ.
* ກ່ອນໜ້ານັ້ນ, ວັນທີ 22 ກັນຍາ, ທ່ານ ໂຕເລິມ ເລຂາທິການໃຫຍ່, ປະທານປະເທດ ໄດ້ເຂົ້າຮ່ວມການໂອ້ລົມສົນທະນາດ້ວຍຫົວຂໍ້ “ເພີ່ມທະວີການຮ່ວມມືລະຫວ່າງ ຫວຽດນາມ - ອາເມລິກາ ໃນການພັດທະນາຂະແໜງອຸດສາຫະກຳເຄິ່ງຊັກນຳໄຟຟ້າ ແລະປັນຍາປະດິດ”. ຢູ່ທີ່ນີ້, ຜູ້ຕາງໜ້າບັນດາອົງການເຕັກໂນໂລຢີ, ກຸ່ມບໍລິສັດເຕັກໂນໂລຢີແຖວໜ້າສະຫະລັດອາເມລິກາ ແລະໂລກ ໄດ້ແບ່ງປັນບັນດາບົດຮຽນສາກົນໃນການພັດທະນາຂົງເຂດ ເຄິ່ງຊັກນໍາໄຟຟ້າ ແລະ AI, ກໍ່ຄືຊີ້ອອກບັນດາຄວາມສາມາດບົ່ມຊ້ອນອັນໃຫຍ່ຫຼວງ ແລະກາລະໂອກາດຮ່ວມມືກັບຫວຽດນາມ ເພື່ອພັດທະນາບັນດາຂົງເຂດນີ້.
|
|
 |
|
ທ່ານ ໂຕເລິມ ເລຂາທິການໃຫຍ່, ປະທານປະເທດ ໄດ້ເຂົ້າຮ່ວມ ແລະກ່າວຄຳເຫັນທີ່ການໂອ້ລົມສົນທະນາ “ເພີ່ມທະວີການຮ່ວມມືລະຫວ່າງ ຫວຽດນາມ - ອາເມລິກາ ໃນການພັດທະນາອຸດສາຫະກຳ ເຄິ່ງຊັກນຳໄຟຟ້າ ແລະປັນຍາປະດິດ”. ພາບ: qdnd.vn |
ທ່ານເລຂາທິການໃຫຍ່, ປະທານປະເທດ ຢືນຢັນວ່າ: ຄວາມສາມາດບົ່ມຊ້ອນການຮ່ວມມືຂອງບັນດາຄູ່ຮ່ວມມືຫວຽດນາມ ແລະອາເມລິກາ ໃນຂະແໜງອຸດສາຫະກຳສູງຄື ເຄິ່ງຊັກນຳໄຟຟ້າ ແລະປັນຍາປະດິດ ແມ່ນໃຫຍ່ຫຼວງ ແລະມີຄວາມໝາຍຫຼາຍຢ່າງໃນສະໄໝໃໝ່, ພິເສດແມ່ນພາຍຫຼັງຫວຽດນາມ ແລະອາເມລິກາ ຍົກລະດັບການພົວພັນຂຶ້ນເປັນ ຄູ່ຮ່ວມມືຍຸດທະສາດຮອບດ້ານດ້ວຍ 2 ເສົາຄ້ຳຮ່ວມມືບຸກທະລຸ ແມ່ນ: ການປ່ຽນແປງໃໝ່ປະດິດສ້າງ ແລະອຸດສາຫະກຳເຄິ່ງຊັກນຳໄຟຟ້າ.
* ວັນທີ 22 ກັນຍາ, ທ່ານ ໂຕເລິມ ເລຂາທິການໃຫຍ່, ປະທານປະເທດ ໄດ້ພົບປະ ແລະແລກປ່ຽນກັບບັນດາການນຳພັກກອມມູນິດ, ບັນດາອົງການຝ່າຍຊ້າຍ ແລະເພື່ອນມິດອາເມລິກາ ຢູ່ນະຄອນ New York.
ໃນບັນຍາກາດທີ່ສະໜິດສະໜົມ, ອົບອຸ່ນ, ບັນດາຜູ້ແທນສະແດງຄວາມສະເທືອນໃຈທີ່ໄດ້ພົບປະກັບທ່ານ ໂຕເລິມ ເລຂາທິການໃຫຍ່, ປະທານປະເທດ, ແບ່ງປັນຄວາມຮູ້ສຶກພິເສດ ແລະການສະໜັບສະໜູນຫວຽດນາມ ດ້ວຍຫຼາຍຮູບການທີ່ແຕກຕ່າງກັນໃນສະໄໝຕ່າງໆ.
|
|
 |
|
ທ່ານ ໂຕເລິມ ເລຂາທິການໃຫຍ່, ປະທານປະເທດ ພົບປະກັບບັນດາການນຳຂອງພັກກອມມູນິດ, ບັນດາອົງການຝ່າຍຊ້າຍ ແລະບັນດາເພື່ອນມິດອາເມລິກາ. ພາບ: ແທງຕວນ. |
ທ່ານເລຂາທິການໃຫຍ່, ປະທານປະເທດ ໄດ້ແຈ້ງໃຫ້ຊາບບັນດາຜົນງານຂອງຫວຽດນາມ ພາຍຫຼັງເກືອບ 40 ປີແຫ່ງການປ່ຽນແປງໃໝ່, ບັນດາໝາກຜົນທີ່ບັນລຸໄດ້ໃນການຜັນຂະຫຍາຍການປະຕິບັດບັນດາເປົ້າໝາຍຂອງກອງປະຊຸມໃຫຍ່ ຄັ້ງທີ 13; ຢືນຢັນແນວທາງເອກະລາດ, ເປັນເຈົ້າຕົນເອງ, ສັນຕິພາບ, ການຮ່ວມມື, ມິດຕະພາບ ແລະການພັດທະນາໃນການພົວພັນຂອງຫວຽດນາມ ກັບບັນດາປະເທດ, ໃນນັ້ນມີ ອາເມລິກາ, ເນັ້ນໜັກວ່າ ຫວຽດນາມ ປະກອບສ່ວນຢ່າງຕັ້ງໜ້າເຂົ້າໃນສັນຕິພາບ, ການໄກ່ເກ່ຍໃນໂລກ, ເຂົ້າຮ່ວມການແກ້ໄຂບັນດາສິ່ງທ້າທາຍລວມທີ່ມະນຸດພວມປະເຊີນໜ້າ.
ທີ່ການພົບປະ, ທ່ານເລຂາທິການໃຫຍ່, ປະທານປະເທດ ໄດ້ຊົມເຊີຍ ແລະມອບຫຼຽນກາມິດຕະພາບ ໃຫ້ບັນດາບຸກຄົນທີ່ມີການປະກອບສ່ວນຢ່າງຕັ້ງໜ້າ, ສໍາຄັນ, ປະກອບສ່ວນເພີ່ມທະວີການພົວພັນ ລະຫວ່າງປະຊາຊົນສອງປະເທດ.
ໂດຍ: ຈາງຫງວຽນ