ອູຣູກວຍ ໃຫ້ຄຳໝັ້ນສັນຍາໜູນຊ່ວຍຫວຽດນາມ ໃນການເຈລະຈາສັນຍາ FTA ກັບກຸ່ມຕະຫຼາດລວມອາເມລິກາໃຕ້
ກປ.ອອນໄລ - ອູຣູກວຍ ຫວັງວ່າ ຫວຽດນາມ ຈະໜູນຊ່ວຍ ແລະແບ່ງປັນບົດຮຽນກ່ຽວກັບວິວັດທະນາການເຂົ້າຮ່ວມສັນຍາຄູ່ຮ່ວມມືຮອບດ້ານ ແລະກ້າວໜ້າຂ້າມປາຊີຟິກ.
ທ່ານ Omar Paganini ລັດຖະມົນຕີການຕ່າງປະເທດອູຣູກວຍ ໃຫ້ຮູ້ວ່າ: ອູຣູກວຍ ຈະດຳລົງຕຳແໜ່ງປະທານກຸ່ມຕະຫຼາດລວມອາເມລິກາໃຕ້ (Mecosur) ແລະສືບຕໍ່ສະໜັບສະໜູນຫວຽດນາມ ໃນການເຈລະຈາສັນຍາການຄ້າເສລີ (FTA) ກັບກຸ່ມນີ້.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/24/upload_2123/14uruguayunghovietnamvaomercosur___otuv.jpg?dpi=150&quality=100&w=500) |
ທ່ານນາງ ໂງມິງງວຽດ ເອກອັກຄະລັດຖະທູດຫວຽດນາມ ປະຈຳ ອາກຊັງຕິນ, ທັງຮັບຜິດຊອບ ອູຣູກວຍ ຍື່ນເອກະສານມອບໜ້າທີ່ສະບັບສຳເນົາໃຫ້ທ່ານ Omar Paganini ລັດຖະມົນຕີການຕ່າງປະເທດ ອູຣູກວຍ. ພາບ: ສະຖານທູດຫວຽດນາມ |
ກ່າວຄຳເຫັນທີ່ການພົບປະເຊິ່ງດຳເນີນຢູ່ນະຄອນຫຼວງ Montevideo ໃນອາທິດກ່ອນ, ທ່ານນາງ ໂງມິງງວຽດ ເອກອັກຄະລັດຖະທູດຫວຽດນາມ ປະຈຳ ອາກຊັງຕິນ, ທັງຮັບຜິດຊອບ ອູຣູກວຍ ໄດ້ຍື່ນເອກະສານມອບໜ້າທີ່ສະບັບສຳເນົາ, ທ່ານລັດຖະມົນຕີ Paganini ເນັ້ນໜັກວ່າ ຈະຮ່ວມມືຢ່າງແໜ້ນແຟ້ນກັບສະຖານທູດຫວຽດນາມ ເພື່ອແນໃສ່ຊຸກຍູ້ການພົວພັນລະຫວ່າງສອງປະເທດໃຫ້ພັດທະນາຢ່າງແຂງແຮງ ແລະຮອບດ້ານກວ່າໃນໄລຍະຈະມາເຖິງ.
ອູຣູກວຍປາດຖະໜາຢາກໃຫ້ຫວຽດນາມ ສະໜັບສະໜູນ ແລະແບ່ງປັນປະສົບການກ່ຽວກັບວິວັດການເຂົ້າຮ່ວມສັນຍາຄູ່ຮ່ວມມືຮອບດ້ານ ແລະກ້າວໜ້າຂ້າມປາຊີຟິກ (CPTPP).
ທ່ານລັດຖະມົນຕີການຕ່າງປະເທດ Paganini ໃຫ້ຮູ້ວ່າ: ລັດຖະມົນຕີກະຊວງລ້ຽງສັດ, ກະສິກຳ ແລະສິນໃນນ້ຳ ອູຣູກວຍ Fernando Mattos ຈະມາຢ້ຽມຢາມຫວຽດນາມ ໃນປີນີ້. ອູຣູກວຍ ປາດຖະໜາຢາກເປີດກວ້າງການພົວພັນດ້ານເສດຖະກິດ, ການຄ້າກັບຫວຽດນາມ ແລະສົ່ງອອກຜະລິດຕະພັນກະເສດເປັນຈຳນວນຫຼວງຫຼາຍມາຍັງຫວຽດນາມ.
ໂດຍ: ໄຊນີດາ