ການນຳຫວຽດນາມ ສົ່ງຈົດໝາຍອວຍພອນປີໃໝ່ ລາວ ແລະ ກຳປູເຈຍ
ກປ.ອອນໄລ - ເນື່ອງໃນໂອກາດບຸນປີໃໝ່ ຂອງປະເທດ ສປປ ລາວ ແລະບຸນປີໃໝ່ Chol Chhnam Thmey ຂອງລາຊະອານາຈັກ ກຳປູເຈຍ, ບັນດາສະຫາຍການນຳຫວຽດນາມ ໄດ້ສົ່ງຈົດໝາຍອວຍພອນ.
ໃນຈົດໝາຍສົ່ງເຖິງທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ແລະການນຳຫຼັກແຫຼ່ງຂອງລາວ, ທ່ານ ໂຕເລິມ ເລຂາທິການໃຫຍ່, ປະທານປະເທດ ແຫ່ງ ສສ ຫວຽດນາມ ແລະການນຳຫຼັກແຫຼ່ງຫວຽດນາມ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ຈະສືບຕໍ່ສົມທົບຢ່າງແໜ້ນແຟ້ນກັບລາວ ເພື່ອຜັນຂະຫຍາຍບັນດາຂໍ້ຕົກລົງຂັ້ນສູງຢ່າງມີປະສິດທິຜົນ, ຊຸກຍູ້ການຮ່ວມມືໃນບັນດາຂົງເຂດຫຼັກແຫຼ່ງ, ຄື: ເສດຖະກິດ, ການຄ້າ, ການລົງທຶນ, ເຊື່ອມຕໍ່ພື້ນຖານໂຄງລ່າງ, ການສຶກສາ - ບຳລຸງສ້າງ ແລະການພົບປະແລກປ່ຽນປະຊາຊົນ, ພ້ອມທັງຢັ້ງຢືນຈະເພີ່ມພູນຄູນສ້າງ, ປົກປັກຮັກສາ ແລະເສີມຂະຫຍາຍການພົວພັນຢ່າງສະເໝີຕົ້ນສະເໝີປາຍ, ໃສແຈ້ງ, ຫາຍາກລະຫວ່າງສອງຊາດຢ່າງຕໍ່ເນື່ອງ.
    |
 |
|
ພາບປະກອບ: ສຳນັກຂ່າວສານຫວຽດນາມ |
ໃນຈົດໝາຍສົ່ງໄປຍັງ ພະມະຫາກະສັດ ກຳປູເຈຍ Norodom Sihamoni, ທ່ານ Hun Sen ປະທານພັກປະຊາຊົນກຳປູເຈຍ, ປະທານສະພາສູງ ກຳປູເຈຍ, ທ່ານ ໂຕເລິມ ເລຂາທິການໃຫຍ່, ປະທານປະເທດ ແລະ ການນຳຫຼັກແຫຼ່ງຫວຽດນາມ ເຊື່ອໝັ້ນວ່າ ໝາກຜົນທີ່ບັນລຸໄດ້ໃນບັນດາການຢ້ຽມຢາມ, ພົບປະຂັ້ນສູງ, ພິເສດແມ່ນການຢ້ຽມຢາມທາງລັດຖະກິດ ຢູ່ ກຳປູເຈຍ ຂອງທ່ານ ໂຕເລິມ ຈະໄດ້ຮັບການຜັນຂະຫຍາຍຈາກສອງຝ່າຍຢ່າງຕັ້ງໜ້າ, ປະກອບສ່ວນປັບປຸງ ແລະ ເຮັດໃຫ້ການພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານລະຫວ່າງສອງພັກ, ສອງລັດເລິກເຊິ່ງກ່ວາອີກ.
ໂດຍ: ກວຽດເຕິມ