ຫວຽດນາມ ຍາມໃດກໍຈົດຈໍາຕໍ່ການຊ່ວຍເຫຼືອຂອງລັດເຊຍ ແລະເພື່ອນມິດສາກົນ
ພາຍຫຼັງຮັບຟັງທ່ານ ດັ້ງມິງຄອຍ ເອກອັກຄະລັດຖະທູດ ແລະທ່ານ ໂດ໋ຊວນຮວ່າງ ປະທານສະຫະພັນບັນດາອົງການຈັດຕັ້ງຊາວຫວຽດນາມ ຢູ່ສະຫະພັນລັດເຊຍ, ທ່ານນາງ ຫງວຽນທິຫາຍແອັງ ນັກຄົ້ນຄວ້າທີ່ມະຫາວິທະຍາໄລຄຸ້ມຄອງລັດ ແຫ່ງລັດເຊຍ, ຜູ້ຕາງໜ້າບັນດາອົງການຈັດຕັ້ງຊາວຫວຽດນາມ ແລະຜູ້ຕາງໜ້າວິສາຫະກິດຫວຽດນາມ ທີ່ພວມລົງທຶນຢູ່ສະຫະພັນລັດເຊຍ ລາຍງານ, ທ່ານ ຟ້າມມິງຈີ້ງ ຮັບຮູ້, ຍ້ອງຍໍຊົມເຊີຍບັນດາໝາກຜົນທີ່ສະຖານທູດ, ບັນດາອົງການຈັດຕັ້ງຊາວຫວຽດນາມ, ວິສາຫະກິດ ແລະປະຊາຄົມຊາວຫວຽດນາມ ອາໄສຢູ່ສະຫະພັນລັດເຊຍ ບັນລຸໄດ້ໃນໄລຍະຜ່ານມາ.
    |
 |
|
ທ່ານ ຟ້າມມິງຈີ້ງ ນາຍົກລັດຖະມົນຕີ ເຂົ້າຮ່ວມການພົບປະໂອ້ລົມກັບພະນັກງານ, ລັດຖະກອນສະຖານທູດ ແລະປະຊາຄົມຊາວຫວຽດນາມ ອາໄສຢູ່ ສະຫະພັນລັດເຊຍ. ພາບ: qdnd.vn |
ຕາງໜ້າການນໍາພັກ, ລັດ ແລະທ່ານເລຂາທິການໃຫຍ່ ໂຕເລິມ, ທ່ານ ຟ້າມມິງຈີ້ງ ໄດ້ສົ່ງຄໍາພອນໄຊອັນປະເສີດມາຍັງປະຊາຄົມຊາວຫວຽດນາມ ອາໄສຢູ່ ສະຫະພັນລັດເຊຍ; ອວຍພອນພໍ່ແມ່ປະຊາຊົນ ມີຊີວິດທີ່ມ່ວນຊື່ນ, ມີຄວາມຜາສຸກ ແລະປະສົບຜົນສໍາເລັດ; ສືບຕໍ່ປະກອບສ່ວນຢ່າງແທດຈິງ ເຂົ້າໃນການພັດທະນາຂອງລັດເຊຍ, ຫວຽດນາມ ແລະການພົວພັນມິດຕະພາບ, ການຮ່ວມມືລະຫວ່າງສອງປະເທດ; ຫວັງວ່າ ພໍ່ແມ່ປະຊາຊົນ ສືບຕໍ່ສາມັກຄີ, ມານະພະຍາຍາມຜ່ານຜ່າທຸກຄວາມຫຍຸ້ງຍາກ, ປະກອບສ່ວນກໍ່ສ້າງບ່ອນທີ່ຕົນເອງດໍາລົງຊີວິດໃຫ້ພັດທະນາ, ມຸ່ງໄປເຖິງບ້ານເກີດເມືອງນອນ.
|
|
 |
|
ທ່ານ ຟ້າມມິງຈີ້ງ ນາຍົກລັດຖະມົນຕີ ໂອ້ລົມກັບພະນັກງານ, ລັດຖະກອນສະຖານທູດ ແລະປະຊາຄົມຊາວຫວຽດນາມ ອາໄສຢູ່ສະຫະພັນລັດເຊຍ. ພາບ: qdnd.vn |
ທ່ານນາຍົກລັດຖະມົນຕີ ເນັ້ນໜັກວ່າ ພັກ, ລັດ ແລະປະຊາຊົນຫວຽດນາມ ຍາມໃດກໍນັບຖືຢ່າງສູງ, ຈົດຈໍາ, ຮູ້ບຸນຄຸນຕໍ່ການຊ່ວຍເຫຼືອອັນລໍ້າຄ່າຂອງລັດເຊຍ ກໍຄື ເພື່ອນມິດສາກົນຕໍ່ຫວຽດນາມ.
ເຊື່ອມຕໍ່ຈາກພື້ນທີ່ພັດທະນາເຖິງວັດທະນະທໍາ
ເວົ້າເຖິງຈຸດປະສົງ, ຄວາມໝາຍຂອງການຢ້ຽມຢາມໃນຄັ້ງນີ້, ທ່ານນາຍົກລັດຖະມົນຕີ ຢັ້ງຢືນຄວາມປາດຖະໜາຢາກຍູ້ແຮງການຮ່ວມມືກັບລັດເຊຍ ໃນທຸກຂົງເຂດ ທີ່ ລັດເຊຍ ມີທ່າແຮງ. ຍົກຕົວຢ່າງກ່ຽວກັບການຮ່ວມມືໃນຂົງເຂດພັດທະນາລົດໄຟໃຕ້ດິນ, ທ່ານ ນາຍົກລັດຖະມົນຕີ ຖືວ່າ ມີຈໍານວນບໍ່ຫຼາຍປະເທດໃນໂລກ ມີລະບົບລົດໄຟໃຕ້ດິນທີ່ດີ ຄືຢູ່ລັດເຊຍ. ນີ້ແມ່ນຂົງເຂດທີ່ຮ່າໂນ້ຍ, ນະຄອນໂຮ່ຈີມິນ ແລະບັນດາຕົວເມືອງໃຫຍ່ຂອງຫວຽດນາມ ສາມາດຍູ້ແຮງການຮ່ວມມືກັບລັດເຊຍ.
|
|
 |
|
ທ່ານ ຟ້າມມິງຈີ້ງ ນາຍົກລັດຖະມົນຕີ ແລະສະມາຊິກໃນຄະນະ ຖ່າຍຮູບກັບພະນັກງານ, ລັດຖະກອນສະຖານທູດ ແລະປະຊາຄົມຊາວຫວຽດນາມ ອາໄສຢູ່ສະຫະພັນລັດເຊຍ. ພາບ: qdnd.vn |
ບໍ່ພຽງແຕ່ເຊື່ອມຕໍ່ກ່ຽວກັບພື້ນທີ່ພັດທະນາ, ທ່ານນາຍົກລັດຖະມົນຕີ ກໍເນັ້ນໜັກເຖິງການເຊື່ອມຕໍ່ດ້ານວັດທະນະທໍາ, ມະນຸດອີກດ້ວຍ. ເພາະວ່າ ລັດເຊຍ ມີພື້ນຖານວັດທະນະທໍາທີ່ຍິ່ງໃຫຍ່, ນັບແຕ່ວັນນະຄະດີ ຈົນເຖິງຈິດຕະກໍາ; ໃນຂະນະນັ້ນ ຫວຽດນາມ ກໍມີວັດທະນະທໍາພື້ນເມືອງທີ່ອຸດົມສົມບູນ, ຖືວັດທະນະທໍາ ເປັນຈິດວິນຍານຂອງຊາດ, ເປັນກໍາລັງແຮງພາຍໃນ.
ບົນຈິດໃຈນັ້ນ, ທ່ານນາຍົກລັດຖະມົນຕີ ຫວັງວ່າ ປະຊາຄົມຊາວຫວຽດນາມ ອາໄສຢູ່ສະຫະພັນລັດເຊຍ ສືບຕໍ່ປະກອບສ່ວນຊຸກຍູ້ການເຊື່ອມຕໍ່ວັດທະນະທໍາ ກໍຄືການພົວພັນມິດຕະພາບ, ການຮ່ວມມືທີ່ນັບມື້ນັບແໜ້ນແຟ້ນ ແລະປະສິດທິຜົນລະຫວ່າງສອງປະເທດ.
ພັກ, ລັດ ຍາມໃດກໍເອົາໃຈໃສ່ເຖິງປະຊາຄົມຊາວຫວຽດນາມ ອາໄສຢູ່ຕ່າງປະເທດ
ທ່ານນາຍົກລັດຖະມົນຕີ ຊີ້ແຈ້ງວ່າ ພັກ, ລັດຫວຽດນາມ ຍາມໃດກໍກໍານົດປະຊາຄົມຊາວຫວຽດນາມ ອາໄສຢູ່ຕ່າງປະເທດແມ່ນພາກສ່ວນໜຶ່ງທີ່ບໍ່ສາມາດຕັດແຍກອອກຈາກປະຊາຄົມບັນດາເຜົ່າຫວຽດນາມ ໄດ້; ມີນະໂຍບາຍເອົາໃຈໃສ່, ປົກປ້ອງສິດ, ຜົນປະໂຫຍດອັນຊອບທໍາຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດ. ມໍ່ໆມານີ້, ຫວຽດນາມ ໄດ້ປະກາດໃຊ້ຫຼາຍນະໂຍບາຍໃໝ່ກ່ຽວກັບວິຊາ, ສັນຊາດ, ການຈົດທະບຽນສຳມະໂນຄົວ, ຊື້ຂາຍອະສັງຫາລິມະຊັບຕາມທິດສະດວກກວ່າໃຫ້ແກ່ປະຊາຄົມຊາວຫວຽດນາມ ອາໄສຢູ່ຕ່າງປະເທດ; ພ້ອມທັງມີນະໂຍບາຍດຶງດູດຊາວຫວຽດນາມ ອາໄສຢູ່ຕ່າງປະເທດ ກັບຄືນເມື່ອປະເທດ ເພື່ອເຮັດວຽກ.
ທ່ານນາຍົກລັດຖະມົນຕີ ຮັບຮູ້ບັນດາຄໍາສະເໜີຂອງພໍ່ແມ່ປະຊາຊົນ; ຢັ້ງຢືນວ່າ ຈະແລກປ່ຽນກັບການນໍາຂັ້ນສູງຂອງປະເທດເພື່ອນ ກ່ຽວກັບການສະເໜີໃຫ້ລັດເຊຍ ເພີ່ມທະວີສະຖານະພາບທາງດ້ານກົດໝາຍໃຫ້ແກ່ປະຊາຄົມຊາວຫວຽດນາມ ອາໄສຢູ່ລັດເຊຍ ເພື່ອໃຫ້ພໍ່ແມ່ປະຊາຊົນມີຄວາມອຸ່ນອ່ຽງໃຈດໍາລົງຊີວິດ, ຮໍ່າຮຽນ ແລະເຮັດວຽກ...
ໂດຍ: ໄຊຊະນະ