ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈີ້ງ ເນັ້ນໜັກວ່າ ເລື່ອງ ປອັກຕູຍການ ຕົກລົງເປີດສະຖານທູດ ປະຈຳ ຫວຽດນາມ ເປັນຂີດໝາຍປະຫວັດສາດ, ຢືນຢັນຄວາມຕັດສິນໃຈເພີ່ມທະວີການພົວພັນສອງຝ່າຍ, ສ້າງພື້ນຖານສະດວກເພື່ອຊຸກຍູ້ການຮ່ວມມືໃນທຸກຂົງເຂດ. 

ທ່ານນາຍົກລັດຖະມົນຕີ ຟ້າມມິງຈີ້ງ ສະເໜີໃຫ້ສອງຝ່າຍສືບຕໍ່ສົມທົບກັນຢ່າງແໜ້ນແຟ້ນ, ໝູນໃຊ້ສັນຍາການຄ້າເສລີລະຫວ່າງຫວຽດນາມ ແລະອີຢູ ຢ່າງມີປະສິດທິຜົນ; ສະໜັບສະໜູນຊຸກຍູ້ບັນດາປະເທດສະມາຊິກອີຢູ ທີ່ຍັງເຫຼືອໃຫ້ສັດຕະຍາບັນສັນຍາປົກປ້ອງການລົງທຶນ ຫວຽດນາມ-ອີຢູ (EVIPA) ໂດຍໄວ; ເພີ່ມທະວີການແລກປ່ຽນ, ແບ່ງປັນປະສົບການໃນການຫັນເປັນດີຈີຕອນ, ນະວັດຕະກໍາ, ສາທາລະນະສຸກ, ກິລາ, ການສຶກສາ-ກໍ່ສ້າງ, ພິເສດແມ່ນການສອນພາສາປອັກຕູຍການ. ບົນພື້ນຖານຄວາມສາມາດບົ່ມຊ້ອນດ້ານການທ່ອງທ່ຽວ, ທ່ານນາຍົກລັດຖະມົນຕີ ສະເໜີສ້າງເງື່ອນໄຂສະດວກໃຫ້ການໄປມາລະຫວ່າງສອງຝ່າຍຜ່ານການຍົກເວັ້ນວີຊາໃຫ້ພົນລະເມືອງສອງປະເທດ.

leftcenterrightdel
ທ່ານ ຟ້າມມິງຈີ້ງ ນາຍົກລັດຖະມົນຕີຫວຽດນາມ ຕ້ອນຮັບທ່ານ Paulo Rangel ລັດຖະມົນຕີລັດຖະກິດ,  ລັດຖະມົນຕີການຕ່າງປະເທດ ປອັກຕູຍການ. ພາບ: ສໍານັກຂ່າວສານຫວຽດນາມ

ສ່ວນທ່ານລັດຖະມົນຕີ Paulo Rangel ຢືນຢັນວ່າ ປອັກຕູຍການ ຖືຫວຽດນາມ ແມ່ນໜຶ່ງໃນບັນດາຄູ່ຮ່ວມມືສຳຄັນຢູ່ພາກພື້ນອາຊີຕາເວັນອອກສ່ຽງໃຕ້ ແລະປາດຖະໜາຢາກເຮັດໃຫ້ການພົວພັນຮ່ວມມືຫຼາຍດ້ານກັບຫວຽດນາມ ເລິກເຊິ່ງກວ່າ. ພ້ອມທັງເຫັນດີເປັນເອກະພາບສູງຕໍ່ກໍານົດທິດໃຫຍ່ຂອງທ່ານນາຍົກລັດຖະມົນຕີ ຟ້າມມິງຈີ້ງ ໃຫ້ຮູ້ວ່າ ປອັກຕູຍການ ພ້ອມແລ້ວທີ່ຈະສົມທົບກັນຊຸກຍູ້ການແລກປ່ຽນຄະນະຜູ້ແທນຂັ້ນສູງ, ເພີ່ມທະວີການເຊື່ອມຕໍ່ວິສາຫະກິດແນໃສ່ບັນລຸເປົ້າໝາຍການແລກປ່ຽນການຄ້າ 1 ຕື້ໂດລາສະຫະລັດ ຄືການນຳຂັ້ນສູງສອງປະເທດໄດ້ເຫັນດີເປັນເອກະພາບ, ຜັນຂະຫຍາຍກົນໄກຮ່ວມມືລະຫວ່າງສອງປະເທດໂດຍໄວ.

ສອງຝ່າຍເຫັນດີເປັນເອກະພາບສືບຕໍ່ສົມທົບກັນຢ່າງແໜ້ນແຟ້ນຢູ່ເວທີປາໄສຫຼາຍຝ່າຍ, ສະໜັບສະໜູນລັດທິຫຼາຍຝ່າຍ, ເຄົາລົບກົດໝາຍສາກົນ. ກ່ຽວກັບບັນຫາທະເລຕາເວັນອອກ, ສອງຝ່າຍຢືນຢັນວ່າ. ບັນດາຝ່າຍຄວນປະຕິບັດກົດໝາຍສາກົນ, ພິເສດແມ່ນສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ ປີ 1982, ຮັກສາສັນຕິພາບ, ສະຖຽນລະພາບ ແລະເພີ່ມທະວີຄວາມໄວ້ເນື້ອເຊື່ອໃຈລະຫວ່າງບັນດາປະເທດ.

ໂດຍ: ເຈິ່ນຮວ່ຽນ