ຫວຽດນາມ ພ້ອມແລ້ວທີ່ຈະແລກປ່ຽນ, ແບ່ງປັນ ແລະຮ່ວມມືຢ່າງແໜ້ນແຟ້ນກັບ ອີຢູ

ໂດຍແມ່ນສະມາຊິກທີ່ຕັ້ງໜ້າ ແລະມີຄວາມຮັບຜິດຊອບຂອງປະຊາຄົມສາກົນ, ຫວຽດນາມ ຍາມໃດກໍ່ຖືການຮ່ວມມື ແລະແລກປ່ຽນກັບ OECD, ພິເສດແມ່ນການຮັບປະກັນຄວາມໂປ່ງໃສ ແລະປະສິດທິຜົນຂອງລະບົບພາສີອາກອນ, ຜ່ານນັ້ນສ້າງສະພາບແວດລ້ອມແຫ່ງການລົງທຶນ, ດໍາເນີນທຸລະກິດທີ່ເປັນປົກກະຕິ, ໂປ່ງໃສ ແລະສະດວກສະບາຍໃຫ້ແກ່ປະຊາຄົມວິສາຫະກິດ, ໃນນັ້ນມີວິສາຫະກິດ ແລະນັກລົງທຶນຕ່າງປະເທດ.

ໃນວິວັດກວດກາຄືນຊັ້ນທຽບເທົ່າກ່ຽວກັບການແລກປ່ຽນຂໍ້ມູນຂ່າວສານດ້ານພາສີອາກອນຂອງ OECD, ຫວຽດນາມ ໄດ້ຮັບເອົາ, ປັບປຸງ, ແລະໃນໄລຍະມໍ່ໆມານີ້ໄດ້ເພີ່ມເຕີມເອກະສານນິຕິກຳຫຼາຍສະບັບໃນຂົງເຂດພາສີ, ການເງິນ, ການຄຸ້ມຄອງວິສາຫະກິດ, ຜ່ານນັ້ນຊ່ວຍຍົກສູງລະດັບປະຕິບັດຕາມມາດຕະຖານສາກົນກ່ຽວກັບຄວາມໂປ່ງໃສ ແລະການແລກປ່ຽນຂໍ້ມູນດ້ານພາສີ. ປະຈຸບັນ, ລັດຖະບານຫວຽດນາມ ພວມສ້າງ ແລະຜັນຂະຫຍາຍແຜນການກະທໍາແຫ່ງຊາດປະຕິບັດບັນດາຂໍ້ສະເໜີແນະຂອງເວທີປາໄສທົ່ວໂລກກ່ຽວກັບຄວາມໂປ່ງໃສ ແລະ ແລກປ່ຽນຂໍ້ມູນຂ່າວສານດ້ານພາສີອາກອນຂອງ OECD, ພ້ອມທັງເພີ່ມທະວີການຮ່ວມມືສາກົນໃນຂົງເຂດພາສີອາກອນກັບບັນດາຄູ່ຮ່ວມມື, ໃນນັ້ນມີ ອີຢູ.

ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ. ພາບ: ຈ່າຫງວຽນ

ບົນຈິດໃຈສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ອີຢູ, ຫວຽດນາມ ພ້ອມແລ້ວທີ່ຈະແລກປ່ຽນ, ແບ່ງປັນ ແລະຮ່ວມມືຢ່າງແໜ້ນແຟ້ນ, ມີຄວາມຮັບຜິດຊອບກັບສະພາເອີລົບ ແລະບັນດາປະເທດສະມາຊິກອີຢູ ກ່ຽວກັບໝາກຜົນທີ່ຫວຽດນາມ ບັນລຸໄດ້ໃນການປັບປຸງລະບົບກົດໝາຍ, ກົນໄກ, ນະໂຍບາຍຕາມທິດຄົບຊຸດ, ໂປ່ງໃສ, ຍຸຕິທຳ, ເໝາະສົມກັບມາດຕະຖານ ແລະທໍານຽມສາກົນ, ຈາກນັ້ນຊ່ວຍມີການຕີລາຄາຢ່າງພາວະວິໄສ, ຮອບດ້ານກວ່າອີກ, ກໍຄືຊຸກຍູ້ການຮ່ວມມືລະຫວ່າງຫວຽດນາມ ກັບບັນດາຄູ່ຮ່ວມມືເອີລົບ ເພື່ອການພັດທະນາ ແລະວັດທະນາຖາວອນລວມ.

ໂດຍ: ທູຈາງ