ເລຂາທິການໃຫຍ່ ໂຕເລິມ ສິ້ນສຸດການເຂົ້າຮ່ວມກອງປະຊຸມໄຂສະພາສັນຕິພາບກ່ຽວກັບເຂດກາຊາ ຢູ່ ອາເມລິກາ
ກປ.ອອນໄລ - ຕອນບ່າຍວັນທີ 20 ກຸມພາ (ຕາມເວລາທ້ອງຖິ່ນ), ທ່ານເລຂາທິການໃຫຍ່ ໂຕເລິມ ໄດ້ອອກຈາກສະໜາມບິນການທະຫານ Andrews, ສິ້ນສຸດການເຂົ້າຮ່ວມກອງປະຊຸມໄຂສະພາສັນຕິພາບກ່ຽວກັບເຂດກາຊາ ຢູ່ນະຄອນຫຼວງວໍຊິງຕັນ ດີຊີ (ອາເມລິກາ) ໃນລະຫວ່າງວັນທີ 18-20 ກຸມພາ, ຕາມຄໍາເຊື້ອເຊີນຂອງທ່ານປະທານາທິບໍດີ ອາເມລິກາ Donald Trump, ປະທານສະພາສັນຕິພາບກ່ຽວກັບເຂດກາຊາ.
ເຂົ້າຮ່ວມກອງປະຊຸມໄຂສະພາສັນຕິພາບກ່ຽວກັບເຂດກາຊາ ມີປະມຸກລັດ ແລະການນຳຂອງກວ່າ 50 ປະເທດ, ແມ່ນປະເທດສະມາຊິກ ກໍ່ຕັ້ງ ແລະຜູ້ສັງເກດການຂອງສະພາສັນຕິພາບ.
    |
 |
|
ທ່ານເລຂາທິການໃຫຍ່ ໂຕເລິມ ແລະບັນດາຫົວໜ້າຄະນະເຂົ້າຮ່ວມກອງປະຊຸມໄຂສະພາສັນຕິພາບກ່ຽວກັບເຂດກາຊາ. ພາບ: REUTERS/Kevin Lamarque |
ກ່າວຄຳເຫັນທີ່ກອງປະຊຸມ, ທ່ານປະທານາທິບໍດີ ອາເມລິກາ Donald Trump ໄດ້ຕີລາຄາສູງເລື່ອງທ່ານເລຂາທິການໃຫຍ່ ໂຕເລິມ ເຂົ້າຮ່ວມກອງປະຊຸມ, ຢືນຢັນ ສະຫງວນຄວາມເຄົາລົບຢ່າງເລິກເຊິ່ງຕໍ່ຫວຽດນາມ, ປະເທດທີ່ເປັນໜ້າເຄົາລົບນັບຖື, ດ້ວຍບົດບາດ ແລະຜົນສະທ້ອນນັບມື້ນັບໃຫຍ່. ສິ່ງນີ້ສະແດງໃຫ້ເຫັນອິດທິພົນຊື່ສຽງສາກົນຂອງຫວຽດນາມ ພວມໄດ້ຮັບການປັບປຸງຢ່າງບໍ່ຢຸດຢັ້ງ, ກໍາລັງຄວາມສາມາດສ້າງສັນຕິພາບຂອງຫວຽດນາມ ໂດຍບັນດາປະເທດມະຫາອຳນາດ ແລະເພື່ອນມິດສາກົນຍອມຮັບ ແລະເຄົາລົບ.
ໃນໄລຍະເຂົ້າຮ່ວມກອງປະຊຸມໄຂສະພາສັນຕິພາບກ່ຽວກັບເຂດກາຊາ, ທ່ານເລຂາທິການໃຫຍ່ ໂຕເລິມ ໄດ້ມີການພົບປະ ແລະແລກປ່ຽນກັບທ່ານປະທານາທິບໍດີອິນໂດເນເຊຍ, ທ່ານປະທານາທິບໍດີ ອຸຊເບກິສຖານ, ທ່ານປະທານາທິບໍດີ ກາຊັກສະຖານ, ທ່ານນາຍົກລັດຖະມົນຕີ ກໍາປູເຈຍ, ທ່ານນາຍົກລັດຖະມົນຕີ ອາກເມນີ, ທ່ານນາຍົກລັດຖະມົນຕີ ຮຸງກາຣີ, ທ່ານນາຍົກລັດຖະມົນຕີ ປາກິດສະຖານ...
ໂດຍ: ເຈິ່ນຮວ່ຽນ