ເດັດຂາດບໍ່ໃຫ້ລະເລີຍ, ຮັບປະກັນການເລືອກຕັ້ງ ປະສົບຜົນສໍາເລັດຢ່າງຈົບງາມ

ກ່າວຄຳເຫັນປິດກອງປະຊຸມ, ທ່ານ ເຈິ່ນແທັງເໝິນ ເນັ້ນໜັກວ່າ ສາມາດຢືນຢັນໄດ້ວ່າ ວຽກງານກະກຽມຈາກສູນກາງ ລົງຮອດທ້ອງຖິ່ນມາຮອດປະຈຸບັນແມ່ນມີແບບມີແຜນ, ຖືກຕ້ອງຕາມຄວາມຄືບໜ້າ, ຖືກກົດໝາຍ, ຄົບຊຸດ, ເຂັ້ມງວດ. ໃນນັ້ນ, ເອກະສານແນະນຳໄດ້ປະກາດໃຊ້ຢ່າງຄົບຖ້ວນ ແລະທັນການ; ການນຳໃຊ້ເຕັກໂນໂລຢີຂໍ້ມູນຂ່າວສານໃນວຽກງານຜັນຂະຫຍາຍການເລືອກຕັ້ງໄດ້ຮັບການຍູ້ແຮງ; ຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມໄດ້ຮັບການຮັກສາ.

ທ່ານປະທານສະພາແຫ່ງຊາດ ເຈິ່ນແທັງເໝິນ ກ່າວຄຳເຫັນປິດກອງປະຊຸມ. ພາບ: ຟ້າມທັ໊ງ

ຫວນຄືນການເລືອກຕັ້ງປີ 2021, ທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ຍົກອອກບົດຮຽນເພື່ອທ້ອງຖິ່ນໃສ່ໃຈປະຕິບັດ. ໃນນັ້ນການເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນທັງຊາດ, ຄວາມເຊື່ອໝັ້ນ, ຄວາມເຫັນດີເຫັນພ້ອມຂອງປະຊາຊົນ, ສະຕິຄວາມຮັບຜິດຊອບຂອງພົນລະເມືອງ, ການເຂົ້າຮ່ວມຢ່າງຕັ້ງໜ້າຂອງທັງລະບົບການເມືອງແມ່ນປັດໄຈຕັດສິນ, ຮັບປະກັນໃຫ້ຜົນສຳເລັດຂອງການເລືອກຕັ້ງ.

ຕີລາຄາມາຮອດປະຈຸບັນ, ພວກເຮົາມີການກະກຽມທີ່ດີ, ເຖິງຢ່າງໃດກໍ່ຕາມ,  ທ່ານປະທານສະພາແຫ່ງຊາດ ໃສ່ໃຈວ່າ ເດັດຂາດບໍ່ໃຫ້ລະເລີຍວຽກງານ, ຄວນສືບຕໍ່ສຸມໃສ່ໃກ້ຊິດຕິດແທດ, ປະຕິບັດຄວາມຮຽກຮ້ອງຕ້ອງການທີ່ຈຳເປັນຢ່າງຄົບຖ້ວນ,  ພ້ອມທັງຄວນນໍາໃຊ້ເຕັກໂນໂລຢີຂໍ້ມູນຂ່າວສານໃນການພົບປະ, ບຸລິມະສິດການພົບປະອອນໄລເພື່ອເພີ່ມຈໍານວນຜູ້ມີສິດເລືອກຕັ້ງ.

ບັນຍາກາດທີ່ກອງປະຊຸມ. ພາບ: ຟ້າມທັ໊ງ

ເນັ້ນໜັກການເລືອກຕັ້ງສະມາຊິກສະພາແຫ່ງຊາດ ຊຸດທີ XVI ແລະຜູ້ແທນສະພາປະຊາຊົນທຸກຂັ້ນ ອາຍຸການ 2026-2031 ແມ່ນເຫດການການເມືອງທີ່ສຳຄັນຍິ່ງຂອງປະເທດຊາດ, ທ່ານປະທານສະພາແຫ່ງຊາດ ໃຫ້ຮູ້ວ່າ ກົມການເມືອງ, ຄະນະເລຂາທິການ, ຄະນະບໍລິຫານງານສູນກາງພັກ ມີຄວາມເອົາໃຈໃສ່ທີ່ສຸດເພື່ອຊີ້ນຳການຈັດຕັ້ງການເລືອກຕັ້ງໃຫ້ປະສົບຜົນສຳເລັດ. ນີ້ກໍ່ແມ່ນໂອກາດ ເພື່ອໃຫ້ພວກເຮົາຢືນຢັນກໍາລັງຄວາມສາມາດນຳພາຂອງພັກ, ການຄຸ້ມຄອງຂອງລັດ ແລະປະສິດທິຜົນການເຄື່ອນໄຫວຂອງລະບົບການເມືອງ.

ໂດຍ: ເຈິ່ນຮວ່ຽນ