ທ່ານນາຍົກລັດຖະມົນຕີ ຟ້າມມິງຈິ໊ງ ຖະຫວາຍທູບທຽນ ຢູ່ພະລາຊະວັງທັງລອງ

ໃນທ່າມກາງບັນຍາກາດອັນສັກກາລະບູຊາໃນຊຸມວັນໃກ້ຈະຮອດບຸນເຕັດ, ທ່ານ ຟ້າມມິງຈິ໊ງ ນາຍົກລັດຖະມົນຕີ ພ້ອມດ້ວຍບັນດາຜູ້ແທນໄດ້ຖະຫວາຍທູບທຽນ ເພື່ອສະແດງຄວາມເຄົາລົບນັບຖືອາໄລຫາ ແລະຄວາມຮູ້ບຸນຄຸນຕໍ່ບັນພະບຸລຸດ; ພ້ອມທັງລາຍງານກ່ຽວກັບຜົນການສ້າງສາ ແລະພັດທະນາປະເທດ; ພາວະນາຂໍໃຫ້ບັນພະບຸລຸດ ຈົ່ງໃຫ້ການອຸປະຖຳຄ້ຳຊູປະເທດຊາດມີຄວາມສະຫງົບສຸກ, ປະຊາຊົນມີຄວາມສຸກຄວາມຈະເລີນ.

ທ່ານ ຟ້າມມິງຈິ໊ງ ນາຍົກລັດຖະມົນຕີ ຖະຫວາຍທູບທຽນຢູ່ເຂດປູຊະນີຍະສະຖານພະລາຊະວັງທັງລອງ. ພາບ: ສໍານັກຂ່າວສານຫວຽດນາມ

ເມື່ອໂອ້ລົມກັບພະນັກງານ ແລະ ພາລະກອນຂອງສູນອະນຸລັກຮັກສາມໍລະດົກທັງລອງ, ທ່ານ  ຟ້າມມິງຈິ໊ງ ໄດ້ສະແດງຄວາມຍ້ອງຍໍຊົມເຊີຍສູນ ທີ່ໄດ້ມີຄວາມມະນາພະຍາຍາມຫຼາຍຢ່າງໃນການຄຸ້ມຄອງ, ອະນຸລັກຮັກສາ, ບູລະນະປະຕິສັງຂອນ ແລະເສີມຂະຫຍາຍຄຸນຄ່າມໍລະດົກວັດທະນະທຳຂອງພະລາຊະວັງທັງລອງ. ໃນນັ້ນມີການຄົ້ນຄວ້າ, ຟື້ນຟູບັນດາການກິດຈະກໍາເຄື່ອນໄຫວທາງດ້ານວັດທະນະທຳ ແລະພິທີກຳທີ່ເປັນມູນເຊື້ອ; ຈັດຕັ້ງການຕ້ອນຮັບ, ແນະນຳມໍລະດົກໃຫ້ແກ່ນັກທ່ອງທ່ຽວພາຍໃນ ແລະຕ່າງປະເທດນັບໝື່ນຄົນ; ບຸກເບີກໜ້າພຽງເພື່ອຮັບໃຊ້ໃຫ້ການບູລະນະປະຕິສັງຂອນບັນດາມໍລະດົກ...

ທ່ານ ຟ້າມມິງຈິ໊ງ ນາຍົກລັດຖະມົນຕີ ພ້ອມກັບປະຊາຊົນ ແລະນັກທ່ອງທ່ຽວຢູ່ເຂດປູຊະນີຍະສະຖານພະລາຊະວັງທັງລອງ. ພາບ: ສໍານັກຂ່າວສານຫວຽດນາມ

ທ່ານນາຍົກລັດຖະມົນຕີ ຮຽກຮ້ອງ, ໄປພ້ອມກັບແຫຼ່ງກໍາລັງຂອງລັດ, ນະຄອນຮ່າໂນ້ຍເວົ້າລວມ ແລະ ສູນອະນຸລັກຮັກສາມໍລະດົກທັງລອງ ເວົ້າສະເພາະ ຄວນລະດົມແຫຼ່ງກໍາລັງອື່ນອີກເພື່ອຟື້ນຟູບູລະນະ, ປະຕິສັງຂອນ, ອະນຸລັກຮັກສາບັນດາມໍລະດົກ;  ສະເໜີບັນດາກົນໄກນະໂຍບາຍ, ຖ້າຫາກຈຳເປັນຍື່ນສະເໜີໃຫ້ລັດຖະບານພິຈາລະນາ, ເພື່ອໃຫ້ສະຖານທີ່ແຫ່ງນີ້ກາຍເປັນຄວາມເອກອ້າງທະນົງໃຈຂອງດິນແດນແຫ່ງອະລິຍະທຳນັບພັນປີ, ວິລະຊົນ, ສະຫງ່າຜ່າເຜີຍສຸພາບລຽບລ້ອຍຂອງຊາວຫວຽດນາມ ແຕ່ລະຄົນ.

ໂດຍ: ທູຈາງ