ຕໍ່ໜ້າສະພາບການສາກົນທີ່ສັບສົນ, ການເຕີບໂຕດ້ານເສດຖະກິດໂລກທີ່ຊ້າລົງ, ພາຍໃນປະເທດ ໄດ້ຮັບຜົນກະທົບຈາກໄພພິບັດທາງທຳມະຊາດທີ່ຮ້າຍແຮງທີ່ບໍ່ເຄີຍມີມາກ່ອນ, ແຕ່ພາຍໃຕ້ການນຳພາ, ຊີ້ນຳຢ່າງທັນການ, ຂ້ຽວຂາດ, ໃກ້ຊິດຕິດແທດຂອງພັກ, ລັດຖະບານ, ຫວຽດນາມ ໄດ້ກາຍເປັນ "ຈຸດພົ້ນເດັ່ນ" ຮັກສາສະພາບສະຖຽນລະພາບມະຫາພາກ ແລະການເຕີບໂຕດ້ານເສດຖະກິດ.

leftcenterrightdel
ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຕອບຄຳຖາມຂອງບັນດາອົງການສື່ມວນຊົນພາຍໃນ ແລະຕ່າງປະເທດ. ພາບ: ສໍານັກຂ່າວສານຫວຽດນາມ.

ບັນດາຜົນງານທີ່ສຳຄັນເຫຼົ່ານີ້ໄດ້ຮັບການຮັບຮູ້ ແລະຕີລາຄາສູງຈາກປະຊາຄົມສາກົນ. ນັກຄົ້ນຄວ້າເສດຖະກິດ, ນັກລົງທຶນຕ່າງປະເທດ ແລະເພື່ອນມິດສາກົນຫຼາຍຄົນ ລ້ວນແຕ່ຖືວ່າ ຫວຽດນາມ ເປັນໜຶ່ງໃນບັນດາຈຸດພົ້ນເດັ່ນໃນສະພາບການເສດຖະກິດໂລກທີ່ມືດມົວໃນໄລຍະຜ່ານມາ. ອົງການເງິນຕາສາກົນ ຈັດອັນດັບໃຫ້ຫວຽດນາມ ຢູ່ໃນ top 10 ປະເທດທີ່ເຕີບໂຕສູງສຸດໃນໂລກ. ຫາງສຽງສາກົນ ຕີລາຄາສູງບັນດາກໍາລັງໜູນ ຄື: ການຄ້າ, ການລົງທຶນ, ການທ່ອງທ່ຽວ ສືບຕໍ່ເຕີບໂຕກະໂດດຂັ້ນ, ບັນດາກໍາລັງໜູນໃໝ່ ຄື ວິທະຍາສາດ, ການຫັນເປັນດີຈີຕອນ, ຮູບແບບການພັດທະນາໃໝ່ໄດ້ຮັບການກໍານົດ, ສວມບົດບາດພື້ນຖານໃຫ້ແກ່ວິວັດການພັດທະນາໃນໄລຍະຈະມາເຖິງ.

ໂດຍ: ຈາງຫງວຽນ