ສື່ມວນຊົນສາກົນ ຕີລາຄາຕັ້ງໜ້າ ກ່ຽວກັບທ່າເຕີບໂຕຂອງຫວຽດນາມ
ພາຍຫຼັງທີ່ກົມສະຖິຕິ ປະກາດການເຕີບໂຕຍອດຜະລິດຕະພັນພາຍໃນປະເທດ (GDP) ປີ 2025 ບັນລຸ 8,02% ຫຼາຍສຳນັກສື່ມວນຊົນໃຫຍ່ຂອງສາກົນ ໄດ້ພ້ອມກັນອອກຂ່າວ ແລະຕີລາຄາສູງໝາກຜົນດັ່ງກ່າວ, ຖື ຫວຽດນາມ ແມ່ນໜຶ່ງໃນບັນດາຈຸດພົ້ນເດັ່ນທີ່ຫາຍາກ ຂອງເສດຖະກິດອາຊີ ໃນສະພາບການທີ່ການຄ້າທົ່ວໂລກພວມມີຫຼາຍສິ່ງຫຼາຍຢ່າງຍັງຂາດສະຖຽນລະພາບຢູ່.
    |
 |
|
ພາບປະກອບ: ສໍານັກຂ່າວສານຫວຽດນມ |
ຕາມເວັບໄຊ Nikkei Asia ແລ້ວ, ລະດັບການເຕີບໂຕ 8,02% ໃນປີ 2025 ແມ່ນລະດັບໄວສຸດຂອງເສດຖະກິດຫວຽດນາມ ໃນ 3 ປີມານີ້, ພ້ອມທັງນອນໃນກຸ່ມບັນດາພື້ນຖານເສດຖະກິດທີ່ມີລະດັບການເຕີບໂຕສູງສຸດໃນຮອບເວລາ 15 ປີ. Nikkei Asia ໃຫ້ຂໍ້ສັງເກດວ່າ ໝາກຜົນນີ້ຊີ້ໃຫ້ເຫັນພື້ນຖານເສດຖະກິດ ຫວຽດນາມ ຍັງຮັກສາຄວາມສາມາດຕ້ານທານໄດ້ເປັນຢ່າງດີ, ໃນຂະນະທີ່ປີ 2025 ແມ່ນປີທີ່ມີການຜັນແປຫຼາຍຢ່າງສຳລັບການຄ້າທົ່ວໂລກ, ພິເສດແມ່ນໃນສະພາບການ ອາເມລິກາ ຈັດວາງອັດຕາພາສີເພີ່ມເຕີມສຳລັບສິນຄ້ານຳເຂົ້າຈາກ ຫວຽດນາມ.
ໃນບົດຂຽນກ່ຽວກັບເສດຖະກິດຫວຽດນາມ ປີ 2025, ວາລະສານ The Diplomat ເນັ້ນໜັກວ່າ ການສົ່ງອອກຂອງຫວຽດນາມ ໄປຍັງອາເມລິກາ ຍັງເພີ່ມຂຶ້ນ ໂດຍບໍ່ຫົວຊາຕໍ່ບັນຫາກ່ຽວກັບພາສີອາກອນນັ້ນ ໄດ້ສະແດງໃຫ້ເຫັນເຖິງບົດບາດທີ່ສຳຄັນຂອງຫວຽດນາມ ໃນລະບົບສະໜອງທົ່ວໂລກ.
ແຫຼ່ງຄັດຈາກ: vovworld.vn