ພາຍຫຼັງ 3 ວັນເຮັດວຽກຢ່າງຈິງຈັງ, ເລັ່ງດ່ວນ, ປະຊາທິປະໄຕ ແລະດ້ວຍຄວາມຮັບຜິດຊອບສູງ, ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ໄດ້ປຶກສາຫາລື ແລະເຫັນດີເປັນເອກະພາບຮັບຮອງເອົາບົດລາຍງານການເມືອງຂອງຄະນະບໍລິຫານງານສູນກາງພັກປະຊາຊົນປະຕິວັດລາວ ສະໄໝທີ XI; ໂຄງການການເມືອງ ສະບັບທີ 3 ຂອງພັກ; ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ X ໄລຍະ 2026-2030; ກົດລະບຽບຂອງພັກ ສະບັບປັບປຸງ ແລະມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ.

leftcenterrightdel
ຄະນະບໍລິຫານງານສູນກາງພັກປະຊາຊົນປະຕິວັດລາວ ສະໄໝທີ XII. ພາບ: nhandan.vn

ກ່ອນໜ້ານັ້ນ, ໃນຕອນເຊົ້າຂອງວັນດຽວກັນ, ກອງປະຊຸມຄັ້ງປະຖົມມະລຶກຂອງຄະນະບໍລິຫານງານສູນກາງພັກປະຊາຊົນປະຕິວັດລາວ ສະໄໝທີ XII ໄດ້ດໍາເນີນການເລືອກຕັ້ງຕຳແໜ່ງການນໍາທີ່ຫຼັກແຫຼ່ງຂອງພັກ.  ສະຫາຍ ທອງລຸນ ສີສຸລິດ ສືບຕໍ່ໄດ້ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ສະໄໝທີ XII, ອາຍຸການ 2026-2030.

ກໍທີ່ກອງປະຊຸມຄັ້ງປະຖົມມະລຶກ, ຄະນະບໍລິຫານງານສູນກາງພັກປະຊາຊົນປະຕິວັດລາວ ສະໄໝທີ XII ໄດ້ເລືອກຕັ້ງກໍາມະການກົມການເມືອງສູນກາງພັກ ຈໍານວນ 13 ຄົນ ແລະຄະນະເລຂາທິການສູນກາງພັກ ສະໄໝທີ XII ຈໍານວນ 11 ຄົນ.

ໂດຍ: ຈາງຫງວຽນ