ພິທີລົງນາມກົດລະບຽບສົມທົບວຽກງານລະຫວ່າງກະຊວງຕຳຫຼວດ, ກະຊວງປ້ອງກັນປະເທດ ແລະກະຊວງການຕ່າງປະເທດ

ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ; ທ່ານພົນເອກ ເລືອງຕາມກວາງ, ກຳມະການກົມການເມືອງ, ລັດຖະມົນຕີກະຊວງຕຳຫຼວດ, ທ່ານ ເລຮ່ວາຍຈູງ  ເລຂາທິການສູນກາງພັກ, ລັດຖະມົນຕີກະຊວງການຕ່າງປະເທດ ໄດ້ເປັນປະທານຮ່ວມພິທີ.

ທ່ານເລຂາທິການໃຫຍ່ ໂຕເລິມ, ທ່ານປະທານປະເທດ ເລືອງເກື່ອງ ແລະທ່ານນາຍົກລັດຖະມົນຕີ ຟ້າມມິງຈິ໊ງ ພ້ອມດ້ວຍຜູ້ແທນເຂົ້າຮ່ວມພິທີ. ພາບ: ສໍານັກຂ່າວສານຫວຽດນາມ

ທີ່ພິທີ, ທ່ານ ເລືອງຕາມກວາງ ລັດຖະມົນຕີກະຊວງຕຳຫຼວດ ເນັ້ນໜັກວ່າ ຜ່ານບັນດາໄລຍະປະຕິວັດ, ພາຍໃຕ້ການນຳພາຂອງພັກ ແລະການຄຸ້ມຄອງຂອງລັດ, ສາຍພົວພັນການຮ່ວມມືລະຫວ່າງຕໍາຫຼວດ - ກອງທັບ - ການທູດ ແບບທໍາມະຊາດ, ມີລັກສະນະ “ຮ່ວມກັນຍຸດທະສາດ” ເພື່ອປະຕິບັດບັນດາເປົ້າໝາຍທີ່ພັກວາງອອກ ຢ່າງມີໄຊ. ສະພາບຕົວຈິງໃນປະຫວັດສາດສະແດງໃຫ້ເຫັນວ່າ ໄຊຊະນະອັນໃຫຍ່ຫຼວງໃນພາລະກິດຕໍ່ສູ້ປົດປ່ອຍຊາດ, ທ້ອນໂຮມປະເທດ ຊາດເປັນເອກະພາບ, ຜົນງານອັນຍິ່ງໃຫຍ່ພາຍຫຼັງ 40 ປີແຫ່ງການປ່ຽນແປງໃໝ່ປະເທດຊາດ ລ້ວນແຕ່ເປັນຂີດໝາຍສາຍພົວພັນການຮ່ວມມືທີ່ແໜ້ນແຟ້ນ, ມີປະສິດທິຜົນລະຫວ່າງ 3 ກໍາລັງພາຍໃຕ້ການນຳພາອັນສະຫຼາດສ່ອງໃສຂອງພັກ.

ທ່ານເລຂາທິການໃຫຍ່ ໂຕເລິມ, ທ່ານປະທານປະເທດ ເລືອງເກື່ອງ ແລະທ່ານນາຍົກລັດຖະມົນຕີ ຟ້າມມິງຈິ໊ງ ພ້ອມດ້ວຍຜູ້ແທນ. ພາບ: ສໍານັກຂ່າວສານຫວຽດນາມ

ໃນໄລຍະປະຕິວັດໃໝ່, ຄວາມຮຽກຮ້ອງຕ້ອງການຍົກສູງການພົວພັນປະສານສົມທົບລະຫວ່າງກະຊວງຕຳຫຼວດ-ກະຊວງປ້ອງກັນປະເທດ-ກະຊວງການຕ່າງ ປະເທດແມ່ນຮີບດ່ວນທີ່ສຸດ, ປະກອບສ່ວນສ້າງກຳລັງໜູນ ແລະ ກຳລັງແຮງໃໝ່ເພື່ອຍູ້ຖອຍສິ່ງທ້າທາຍ, ຫັນສິ່ງທ້າທາຍໃຫ້ກາຍເປັນກາລະໂອກາດ, ລະດົມທຸກແຫຼ່ງກຳລັງພາຍໃນ ແລະຕ່າງປະເທດ ເພື່ອປະຕິບັດສໍາເລັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ  XIV  ຂອງພັກ, 3 ເປົ້າໝາຍຍຸດທະສາດຂອງພັກ “ສັນຕິພາບ, ສະຖຽນລະພາບ; ພັດທະນາແບບຍືນຍົງ, ຄຸນນະພາບສູງ; ປັບປຸງຊີວິດການເປັນຢູ່ທຸກດ້ານຂອງປະຊາຊົນ” ແລະເປົ້າໝາຍການເຕີບໂຕສອງຕົວເລກ, ນຳປະເທດຊາດກ້າວເຂົ້າສູ່ຍຸກໃໝ່ຢ່າງໝັ້ນຄົງ.

ທ່ານເລຂາທິການໃຫຍ່ ໂຕເລິມ, ທ່ານປະທານປະເທດ ເລືອງເກື່ອງ ແລະ ທ່ານນາຍົກລັດຖະມົນຕີ ຟ້າມມິງຈິ໊ງ ເປັນສັກຂີພິຍານພິທີລົງນາມກົດລະບຽບສົມທົບວຽກງານລະຫວ່າງກະຊວງຕໍາຫຼວດ, ກະຊວງປ້ອງກັນປະເທດ ແລະກະຊວງການຕ່າງປະເທດ. ພາບ: ສໍານັກຂ່າວສານຫວຽດນາມ

ເພື່ອນໍາການພົວພັນສົມທົບລະຫວ່າງສາມກະຊວງ ຂຶ້ນສູ່ລະດັບສູງໃໝ່, ແໜ້ນແຟ້ນກວ່າ, ໄວ-ເລິກເຊິ່ງ-ເຂັ້ມແຂງ-ມີປະສິດທິຜົນກວ່າ, ຕອບສະໜອງຄວາມຮຽກຮ້ອງຕ້ອງການ, ໜ້າທີ່ວຽກງານທີ່ພັກ, ລັດ ແລະປະຊາຊົນມອບໝາຍໃຫ້, 3 ກະຊວງ ຈັດຕັ້ງການລົງນາມກົດລະບຽບສົບທົບວຽກງານ. ກົດລະບຽບກວມລວມທຸກຂົງເຂດຮ່ວມມື; ພິເສດແມ່ນສ້າງກົນໄກແລກປ່ຽນວຽກງານຂັ້ນລັດຖະມົນຕີປະຈຳປີ, ຮັບປະກັນນໍາການພົວພັນສົມທົບລະຫວ່າງ 3 ກະຊວງ ບັນລຸໄດ້ເປົ້າໝາຍສູງສຸດທີ່ດ້ວາງໄວ້.

ໂດຍ: ທູຈາງ