ນໍາການຮ່ວມມືສອງຝ່າຍຫວຽດນາມ-ອັງກິດ ກ້າວເຂົ້າສູ່ໄລຍະພັດທະນາໃໝ່
ກປ.ອອນໄລ - ຕອນຄໍ່າວັນທີ 13 ພະຈິກ, ທີ່ໂຮງລະຄອນໃຫຍ່ຮ່າໂນ້ຍ, ສະຖານທູດອັງກິດ ປະຈໍາ ຫວຽດນາມ ໄດ້ຈັດຕັ້ງງານລ້ຽງເນື່ອງໃນໂອກາດວັນຄ້າຍວັນເກີດ ເຈົ້າຊີວິດ Charles III ຄົບຮອບ 77 ປີ.
ທ່ານພົນໂທ ຮວີ່ງຈ໊ຽນຖັ໊ງ ກໍາມະການສູນກາງພັກ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ເຂົ້າຮ່ວມເຫດການ.
ທີ່ເຫດການ, ທ່ານ Iain Frew ເອກອັກຄະລັດຖະທູດອັງກິດ ປະຈໍາ ຫວຽດນາມ ສະແດງຄວາມປິຕິຊົມຊື່ນເມື່ອສອງປະເທດ ໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານຢ່າງເປັນທາງການໃນທ້າຍເດືອນ ຕຸລາ ຜ່ານມາ. ທ່ານເອກອັກຄະລັດຖະທູດ ຢືນຢັນວ່ານີ້ແມ່ນເສົາຄໍ້າປະຫວັດສາດໃນການພົວພັນດ້ານການທູດລະຫວ່າງສອງປະເທດ, ພ້ອມທັງ ເຊື່ອໝັ້ນວ່າ ອັງກິດ ແລະຫວຽດນາມ ຈະສືບຕໍ່ເສີມຂະຫຍາຍບັນດາຜົນງານ, ມຸ່ງເຖິງຄວາມໝັ້ນຄົງ, ຈະເລີນຮຸ່ງເຮືອງ ແລະພັດທະນາແບບຍືນຍົງໃຫ້ທັງສອງປະເທດ.
    |
 |
|
ທ່ານພົນໂທ ຮວີ່ງຈ໊ຽນຖັ໊ງ ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ ເຂົ້າຮ່ວມເຫດການ. ພາບ: ງອັກທື |
ສ່ວນທ່ານນາງ ເລທິທູຮັ່ງ ຮອງລັດຖະມົນຕີການຕ່າງປະເທດ ຢືນຢັນວ່າ ອັງກິດ ແມ່ນປະເທດທີ່ມີອິດທິພົນຊື່ສຽງອັນເລິກເຊິ່ງເຖິງວິວັດການພັດທະນາຂອງສີວິໄລມະນຸດໃນຫຼາຍສະຕະວັດ. ພາຍໃຕ້ການປົກຄອງຂອງ ເຈົ້າຊີວິດ Charles III, ບັນດາຄຸນຄ່າອັນສູງສົ່ງກ່ຽວກັບມະນຸດສະທໍາ ແລະຈິດໃຈຮັບໃຊ້ປະຊາຄົມພວມໄດ້ເຊື່ອມຕໍ່ ແລະເສີມຂະຫຍາຍຢ່າງແຂງແຮງ. ທ່ານນາງ ເລທິທູຮັ່ງ ຫວັງວ່າສອງຝ່າຍຈະຮ່ວມມືກັນຢ່າງແໜ້ນແຟ້ນໃນໄລຍະຈະມາເຖິງ ເພື່ອແນໃສ່ສ້າງແຜນການກະທໍາຜັນຂະຫຍາຍບັນດາເນື້ອໃນຂອງຂອບເຂດຄູ່ຮ່ວມມືຍຸດທະສາດຮອບດ້ານ, ນໍາການຮ່ວມມືສອງຝ່າຍກ້າວເຂົ້າສູ່ໄລຍະພັດທະນາໃໝ່.
ໂດຍ: ໄຊນີດາ