ກ່າວຄຳເຫັນທີ່ກອງປະຊຸມ, ທ່ານ ຟ້າມ​ມິງ​ຈິ໊ງ ນາຍົກລັດຖະມົນຕີ ເນັ້ນໜັກວ່າ “ກວມລວມ ແລະ ຍືນຍົງ” ແມ່ນການຄັດເລືອກ ແລະຄວາມຮຽກຮ້ອງຕ້ອງການຍຸດທະສາດຂອງອາຊຽນ, ພ້ອມທັງສະເໜີໃຫ້ອາຊຽນ ເສີມຂະຫຍາຍສາມກົກເຄົ້າແຫຼ່ງກຳລັງຍຸດທະສາດຢ່າງແຮງ. ທີໜຶ່ງ, ອາຊຽນ ຕ້ອງປັບປຸງຍຸດທະສາດຄວາມສາມັກຄີ ແລະ ເປັນເອກະພາບ, ຜ່ານນັ້ນຍົກສູງກຳລັງແຮງສັງລວມ ແລະ ຜັນຂະຫຍາຍບັນດາຍຸດທະສາດ, ແຜນການກະທຳຂອງສະມາຄົມຢ່າງຄົບຊຸດ, ມີປະສິດທິຜົນ. ທີສອງ, ອາຊຽນ ຕ້ອງເສີມຂະຫຍາຍພະລັງຊີວິດທີ່ຂະຫຍັນຂັນເຄື່ອນ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ປັບປຸງການເຊື່ອມຕໍ່ພາຍໃນກຸ່ມບົນພື້ນຖານເປັນເຈົ້າການພັດທະນາ ປະຕິບັດບັນດາແຜນການຮ່ວມມືຢ່າງຮີບດ່ວນ ສົມທົບກັບການສຳຫຼວດກວດຄືນ, ປັບປຸງຢ່າງເປັນປະຈຳເພື່ອຮັບປະກັນບັນດາກົນໄກເຄື່ອນໄຫວຢ່າງລຸລ່ວງ, ຍົກສູງອັດຕາສ່ວນການຄ້າ, ການລົງທຶນພາຍໃນກຸ່ມໄປຄຽງຄູ່ກັບການເປີດກວ້າງບັນດາຂອບເຂດການຮ່ວມມືໃນພາກພື້ນ, ລະຫວ່າງພາກພື້ນ. ທີສາມ, ອາຊຽນ ຕ້ອງມານະພະຍາຍາມສ້າງກຳລັງແຮງທາງດ້ານນະວັດຕະກຳ, ຜ່ານການປະຕິບັດສຳເລັດກອບຮ່ວມມືໃໝ່ໂດຍດ່ວນຄື: ສັນຍາແມ່ກ່ຽວກັບເສດຖະກິດດີຈີຕອນອາຊຽນ ແລະ ແຜນການສັງລວມດີຈີຕອນອາຊຽນ, ຊຸກຍູ້​ການ​ຮ່ວມ​ມື​ໃນ​ການ​ພັດທະນາ​ພື້ນຖານ​ໂຄງ​ລ່າງ​ຖານຂໍ້​ມູນ ​ແລະການ​ຄຸ້ມ​ຄອງຖານ​ຂໍ້​ມູນ​ຂ້າມ​ຊາຍ​ແດນ, ສົ່ງເສີມຈິດໃຈສະຕາດອັບ ​ແລະ ນະວັດຕະກໍາ, ຄົ້ນຄວ້າ​ສ້າງ​ເຄືອ​ຂ່າຍ​ສູນປ່ຽນແປງໃໝ່​ປະດິດຄິດ​ສ້າງ​ອາ​ຊຽນ.

leftcenterrightdel
ການນໍາບັນດາປະເທດອາຊຽນ ເນັ້ນ​ໜັກ​ເຖິງ​ຄວາມ​ສຳຄັນ ​ແລະຄວາມ​ຕັດສິນ​ໃຈ​ປະຕິບັດ​ວິ​ໄສ​ທັດ​ປະຊາ​ຄົມ​ອາ​ຊຽນ 2045 ແລະ ບັນດາ​ແຜນການ​ຍຸດ​ທະ​ສາດທີ່​ໄດ້​ຮັບຮອງ​ເອົາ​ຢ່າງ​ມີ​ປະສິດທິ​ຜົນ​. ພາບ: chinhphu.vn

ໃນ​ສະພາບ​ການ​ໂລກ ​ແລະ ພາກ​ພື້ນ​ສືບ​ຕໍ່​ມີ​ການ​ຜັນແປ​ຢ່າງ​ສັບສົນ ​ແລະ ຍາກທີ່ຈະຄາດຄະເນລ່ວງໜ້າໄດ້, ທ່ານ​ ຟ້າມ​ມິງ​ຈິ໊ງ ນາຍົກລັດຖະມົນຕີ ສະເໜີອາ​ຊຽນ ສືບ​ຕໍ່​ມານະ​ພະຍາຍາມ​ປະກອບສ່ວນ​ຮັກສາ​ສະພາບ​ແວດ​ລ້ອມ​ແຫ່ງ​ສັນຕິພາບ, ຄວາມ​ໝັ້ນຄົງ, ສະຖຽນ​ລະ​ພາບ ​ແລະ ພັດທະນາຢ່າງບໍ່ຢຸດຢັ້ງ, ຖື​ນີ້​ແມ່ນ​ບຸລິມະສິດ​ແຖວໜ້າ. ຕາມ​ນັ້ນ​ແລ້ວ, ອາ​ຊຽນ ຄວນມານະ​ພະຍາຍາມ​ກວ່າ​ອີກ​ເພື່ອ​ຮັກສາ​ຄວາມ​ສາມັກຄີ, ​ຄວາມເປັນ​ເອກະ​ພາບ ​ແລະຢຶດໝັ້ນດ້ານ​ຫຼັກການ ແລະຫຼັກໝັ້ນ ​ແລະ ສະເໝີຕົ້ນສະເໝີປາຍໃນ​ບັນຫາ​ທະ​ເລ​ຕາ​ເວັນ​ອອກ, ເຊີດຊູ​ການ​ປະຕິບັດຕາມ​ກົດໝາຍ​ສາກົນ, ​ໃນ​ນັ້ນ​ມີ​ສົນທິສັນຍາ​ສະຫະ​ປະຊາ​ຊາດ ​ກ່ຽວ​ກັບ​ກົດໝາຍ​ວ່າດ້ວຍທະ​ເລ​ປີ 1982 (UNCLOS 1982).

ໂດຍ: ກວຽດເຕິມ