ຢູ່ທີ່ນີ້, ທ່ານນາງ ຫງວຽນມິງຮັ່ງ ຢືນຢັນຄວາມຕັດສິນໃຈ ແລະຄວາມມານະພະຍາຍາມຂອງກະຊວງການຕ່າງປະເທດຫວຽດນາມ ໃນການປັບປຸງ ແລະເພີ່ມທະວີການພົວພັນມິດຕະພາບອັນດີງາມ ແລະການຮ່ວມມືຮອບດ້ານລະຫວ່າງສອງປະເທດບົນພື້ນຖານບັນດາຂໍ້ຕົກລົງຂັ້ນສູງບັນລຸໄດ້.

ສ່ວນທ່ານນາງ Gloria de la Fuente ສະແດງຄວາມປາດຖະໜາຢາກກະຊວງການຕ່າງປະເທດສອງປະເທດຮ່ວມມືກັນຢ່າງແໜ້ນແຟ້ນ, ນໍາການພົວພັນເພື່ອນມິດທີ່ເປັນມູນເຊື້ອ ແລະຄູ່ຮ່ວມມືຮອບດ້ານລະຫວ່າງ ຫວຽດນາມ-ຈີເລ ຂຶ້ນສູ່ລະດັບສູງໃໝ່.

leftcenterrightdel
ທ່ານນາງ ຫງວຽນມິງຮັ່ງ ຮອງລັດຖະມົນຕີກະຊວງການຕ່າງປະເທດຫວຽດນາມ ແລະທ່ານນາງ Gloria de la Fuente ຮອງລັດຖະມົນຕີການຕ່າງປະເທດ ຈີເລ.  ພາບ: ກະຊວງການຕ່າງປະເທດ

ສອງຝ່າຍເຫັນດີສືບຕໍ່ຜັນຂະຫຍາຍກົນໄກປຶກສາຫາລືດ້ານການເມືອງຂັ້ນຮອງລັດຖະມົນຕີການຕ່າງປະເທດ ແລະສະພາການຄ້າເສລີລະຫວ່າງສອງປະເທດຢ່າງມີປະສິດທິຜົນ, ເປັນປະຈຳ ແລະມີໄຫວພິບແນໃສ່ແກ້ໄຂຄວາມຫຍຸ້ງຍາກ, ຂໍ້ຕິດຂັດນຳການພົວພັນດ້ານການເມືອງ-ການທູດ, ເສດຖະກິດ-ການຄ້າ ແລະການລົງທຶນໃຫ້ສົມກັບຄວາມສາມາດບົ່ມຊ້ອນ; ສືບຕໍ່ໝູນໃຊ້ສັນຍາຄູ່ຮ່ວມມືຮອບດ້ານ ແລະກ້າວໜ້າຂ້າມປາຊີຟິກ (CPTPP) ເພື່ອເພີ່ມທະວີການພົວພັນດ້ານເສດຖະກິດ-ການຄ້າ-ການລົງທຶນ; ສົມທົບກັນຢ່າງແໜ້ນແຟ້ນ ເພື່ອເປີດປະຕູຕະຫຼາດປະເພດສິນຄ້າຜະລິດຕະພັນກະເສດຂອງຫວຽດນາມ ແລະຈີເລ. ພ້ອມທັງເພີ່ມທະວີການຮ່ວມມືຢູ່ບັນດາອົງການຈັດຕັ້ງສາກົນ, ເສີມຂະຫຍາຍບົດບາດຂອງກົດໝາຍສາກົນ ແລະລັດທິຫຼາຍຝ່າຍ.

ໂດຍ: ເຈິ່ນຮວ່ຽນ