    |
 |
|
ທ່ານ ໂຕເລິມ ເລຂາທິການໃຫຍ່, ທ່ານ ຟ້າມມິິງຈີ້ງ ນາຍົກລັດຖະມົນຕີ, ທ່ານ ເຈິ່ນແທັງເໝິ້ນ ປະທານສະພາແຫ່ງຊາດ ພ້ອມດ້ວຍບັນດາຜູ້ແທນເຂົ້າຮ່ວມພິທີເປີດງານວາງສະແດງຜົນງານຂອງປະເທດ “80 ປີ ໄລຍະທາງແຫ່ງ ເອກະລາດ - ເສລີພາບ - ຄວາມຜາສຸກ”. ພາບ: qdnd.vn |
ເຂົ້າຮ່ວມພິທີເປີດ ມີ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ທ່ານ ຟ້າມມິິງຈີ້ງ ນາຍົກລັດຖະມົນຕີ, ທ່ານ ເຈິ່ນແທັງເໝິ້ນ ປະທານສະພາແຫ່ງຊາດ ພ້ອມດ້ວຍການນໍາ, ອະດີດການນໍາພັກ, ລັດ ເຂົ້າຮ່ວມ.
|
|
 |
|
ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ພ້ອມດ້ວຍບັນດາຜູ້ແທນເຂົ້າຮ່ວມພິທີເປີດງານວາງສະແດງຜົນງານຂອງປະເທດ “80 ປີ ໄລຍະທາງແຫ່ງ ເອກະລາດ - ເສລີພາບ - ຄວາມຜາສຸກ”. ພາບ: qdnd.vn |
ຝ່າຍກະຊວງປ້ອງກັນປະເທດ ມີ: ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ; ພົນໂທ ຫວູຫາຍສານ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ; ພົນໂທ ເຈືອງທຽນໂຕ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ພົນໂທ ຝຸ່ງສີເຕິ້ນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ...
|
|
 |
|
ທ່ານ ໂຕເລິມ ເລຂາທິການໃຫຍ່ ແລະບັນດາຜູ້ແທນທີ່ພິທີເປີດງານວາງສະແດງ. ພາບ: qdnd.vn |
|
|
 |
|
ບັນດາສະຫາຍການນໍາ, ອະດີດການນໍາພັກ, ລັດ ແລະບັນດາຜູ້ແທນ ເຂົ້າຮ່ວມພິທີເປີດງານວາງສະແດງ. ພາບ: qdnd.vn |
ນີ້ແມ່ນງານວາງສະແດງທີ່ໄດ້ຈັດຂຶ້ນດ້ວຍຂອບຂະໜາດໃຫຍ່ທີ່ສຸດນັບແຕ່ກ່ອນມາຮອດປະຈຸບັນ, ດ້ວຍການເຂົ້າຮ່ວມຂອງ 28 ກະຊວງ, ອົງການສູນກາງ, 34 ທ້ອງຖິ່ນ ແລະ 110 ກວ່າວິສາຫະກິດ, ກຸ່ມບໍລິສັດເສດຖະກິດໃຫຍ່ ດ້ວຍຮ້ານວາງສະແດງ 230 ກວ່າຮ້ານ. ງານວາງສະແດງ ໄດ້ແນະນຳຜົນງານຂອງເກືອບ 180 ຂະແໜງອາຊີບໃນຫຼາຍຂົງເຂດ, ຄື: ອຸດສາຫະກຳ, ກະສິກຳ, ການຄ້າ, ການລົງທຶນ, ວັດທະນະທຳ, ວິທະຍາສາດເຕັກໂນໂລຊີ, ການສຶກສາ, ສາທາລະນະສຸກ, ການປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດ… ສ່ອງແສງຢ່າງມີຊີວິດຊີວາບັນດາຜົນງານໃນຕະຫຼອດ “80 ປີໄລຍະທາງແຫ່ງເອກະລາດ - ເສລີພາບ - ຄວາມຜາສຸກ”. ງານວາງສະແດງບໍ່ພຽງແຕ່ເຊີດຊູໄລຍະທາງແຫ່ງປະຫວັດສາດທີ່ສະຫງ່າອົງອາດເທົ່ານັ້ນ, ຫາກຍັງຢືນຢັນກຳລັງບົ່ມຊ້ອນ ແລະທີ່ຕັ້ງຂອງຫວຽດນາມ ບົນເສັ້ນທາງແຫ່ງການປ່ຽນແປງໃໝ່, ເຊື່ອມໂຍງ ແລະພັດທະນາແບບຍືນຍົງ ອີກດ້ວຍ.
|
|
 |
|
ທ່ານ ຟ້າມມິິງຈີ້ງ ນາຍົກລັດຖະມົນຕີ ກ່າວຄໍາເຫັນເປີດງານວາງສະແດງ. |
ກ່າວຄຳເຫັນເປີດງານວາງສະແດງ, ທ່ານນາຍົກລັດຖະມົນຕີ ຟ້າມມິງຈີ້ງ ເນັ້ນໜັກວ່າ: ງານວາງສະແດງຍັງແມ່ນ “ໂຮງຮຽນທີ່ມີຊີວິດຊີວາ”, ດ້ວຍການສົມທົບຢ່າງກົມກຽວລະຫວ່າງມູນເຊື້ອ ແລະຄວາມທັນສະໄໝ, ນໍາປະຫວັດສາດເຂົ້າໃກ້ກວ່າ, ເຂົ້າເຖິງຢ່າງງ່າຍກວ່າ, ເພື່ອໃຫ້ລຸ້ນປັດຈຸບັນມີຄວາມເຂົ້າໃຈແຈ້ງກວ່າກ່ຽວກັບກົກເຄົ້າຫງົ້າກໍ, ກ່ຽວກັບການເສຍສະຫຼະຊີວິດຢ່າງໃຫຍ່ຫຼວງ ແລະຜົນງານຂອງລຸ້ນພໍ່ລຸ້ນອ້າຍ; ຈາກນັ້ນຕໍ່ກຳລັງໜູນ, ສົ່ງແຫຼ່ງບັນດານໃຈ, ຫຼໍ່ລ້ຽງຄວາມຄາດຫວັງ ນຳປະເທດຊາດກ້າວເຂົ້າສູ່ສັງກາດໃໝ່, ສັງກາດບືນຕົວຂຶ້ນໃຫ້ຮັ່ງມີເຂັ້ມແຂງ, ສີວິໄລ, ຈະເລີນຮຸ່ງເຮືອງ, ວັດທະນະຖາວອນ, ທຽບເທົ່າກັບບັນດາປະເທດມະຫາອຳນາດ ຢູ່ທົ່ວ 5 ທະວີບຢ່າງໜັ້ນແກ່ນ”.
|
|
 |
|
ທ່ານ ໂຕເລິມ ເລຂາທິການໃຫຍ່, ທ່ານ ຟ້າມມິິງຈີ້ງ ນາຍົກລັດຖະມົນຕີ ແລະບັນດາຜູ້ແທນກົດປຸ່ມເປີດງານວາງສະແດງ. ພາບ: qdnd.vn |
ງານວາງສະແດງໄດ້ຮັບການອອກແບບຢ່າງມີວິທະຍາສາດ, ທັນສະໄໝ; ສະແດງອອກຜ່ານຫຼາຍພາຫະນະ, ວັດຖຸ, ຮູບພາບ, ເອກະສານ… ທີ່ໄດ້ສາຍດ້ວຍບັນດາເຕັກໂນໂລຊີທັນສະໄໝ, ມີລັກສະນະຕົວຈິງ ແລະມີຄວາມເລິກເຊິ່ງດ້ານວັດທະນະທຳຂອງຊາດ.
ທ່ານນາຍົກລັດຖະມົນຕີ ຢືນຢັນວ່າ: “ງານວາງສະແດງຄັ້ງນີ້ບໍ່ພຽງແຕ່ວາງສະແດງກ່ຽວກັບຜົນງານທີ່ບັນລຸໄດ້ເທົ່ານັ້ນ, ຫາກຍັງແມ່ນສິ່ງພິສູດຢ່າງມີຊີວິດຊີວາກ່ຽວກັບຄວາມສາມາດບົ່ມຊ້ອນອັນໃຫຍ່ຫຼວງຂອງຂະແໜງອຸດສາຫະກຳວັດທະນະທຳ, ອຸດສາຫະກຳການບັນເທີງ ແລະການປະດິດຄິດສ້າງຂອງຊາວຫວຽດນາມ, ຢືນຢັນຄຸນຄ່າວັດທະນະທຳຫວຽດ, ຄວາມສາມາດບົ່ມຊ້ອນຫັນຜະລິດຕະພັນປະດິດຄິດສ້າງຫວຽດນາມ ກາຍເປັນການຄ້າ, ປະກອບສ່ວນຊຸກຍູ້ການພັດທະນາປະເທດ ຢ່າງວ່ອງໄວ ແລະຍືນຍົງ”.
ງານວາງສະແດງເປີດປະຕູໃຫ້ປະຊາຊົນເຂົ້າຢ້ຽມຊົມໂດຍບໍ່ເສຍຄ່າແຕ່ວັນທີ 28 ສິງຫາ ຮອດວັນທີ 5 ກັນຍາ 2025.
ໂດຍ: ກວຽດເຕິມ