ສືບຕໍ່ກໍ່ສ້າງພື້ນຖານການທູດທີ່ທັນສະໄໝ, ເຂັ້ມຂຸ້ນໄປດ້ວຍສີສັນຫວຽດນາມ

ທ່ານເລຂາທິການໃຫຍ່ ໂຕເລິມ ເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງຂະແໜງການທູດຫວຽດນາມ. ພາບ: ຈ້ອງຫ໋າຍ

ກ່າວຄຳເຫັນທີ່ພິທີ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄດ້ສະແດງຄວາມຮູ້ບຸນຄຸນຕໍ່ປະທານໂຮ່ຈີມິນ, ຮູ້ບຸນຄຸນຢ່າງເລິກເຊິ່ງຕໍ່ບັນດາການນຳພັກ, ລັດລຸ້ນຕ່າງໆ, ສະແດງຄວາມຮູ້ບຸນຄຸນຕໍ່ບັນດາພະນັກງານການທູດລຸ້ນກ່ອນ, ກໍາລັງພະນັກງານການທູດພວມປະຈຳການ, ບັນດາຄະນະ, ກະຊວງ, ຂະແໜງການ ແລະທ້ອງຖິ່ນ ກໍ່ຄື ເພື່ອນມິດ, ຄູ່ຮ່ວມມືສາກົນ ທີ່ຍາມໃດກໍ່ຮ່ວມເດີນທາງກັບຂະແໜງການທູດຂອງຫວຽດນາມ ເພື່ອມີພື້ນຖານການທູດເປັນເຈົ້າການ, ມະນຸດສະທຳ, ສາຍຈິດມິດໃຈ ແລະມີຄວາມຮັບຜິດຊອບ. ພ້ອມທັງເນັ້ນໜັກວ່າ, ຂະແໜງການທູດຈະເຮັດຈົນສຸດຄວາມສາມາດຂອງຕົນ, ຜ່ານຜ່າທຸກຄວາມຫຍຸ້ງຍາກເພື່ອສືບຕໍ່ເສີມຂະຫຍາຍປະຫວັດສາດສະຫງ່າອົງອາດຂອງພື້ນຖານການທູດຫວຽດນາມ ທີ່ທັນສະໄໝ, ປະກອບສ່ວນປະຕິບັດສອງເປົ້າໝາຍ 100 ປີຂອງປະເທດໃນສັງກາດໃໝ່, ສັງກາດພັດທະນາຢ່າງຮັ່ງມີເຂັ້ມແຂງ, ຈະເລີນຮຸ່ງເຮືອງ, ສີວິໄລ, ຄວາມຜາສຸກຂອງປະເທດຊາດ.

ທ່ານເລຂາທິການໃຫຍ່ ໂຕເລິມ ແລະບັນດາຜູ້ແທນ. ພາບ: ຈ້ອງຫ໋າຍ

ທ່ານເລຂາທິການໃຫຍ່ ໂຕເລິມ ສະເໜີວ່າ ໃນໄລຍະຈະມາເຖິງ, ທົ່ວຂະແໜງການທູດຄວນກໍ່ສ້າງພື້ນຖານການທູດຢ່າງຮອບດ້ານ, ທັນສະໄໝ, ເປັນມືອາຊີບ, ເຂັ້ມຂຸ້ນໄປດ້ວຍສີສັນຫວຽດນາມ; ຮອບດ້ານໃນທັງສາມເສົາຄໍ້າ: ການທູດພັກ, ການທູດລັດ, ການທູດປະຊາຊົນ; ສົມທົບຢ່າງແໜ້ນແຟ້ນກັບການປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ, ວິທະຍາສາດ-ເຕັກໂນໂລຢີ, ວັດທະນະທຳ... ພ້ອມທັງກໍ່ຮຽກຮ້ອງ, ຍົກສູງການປະກອບສ່ວນຂອງຫວຽດນາມ ໃຫ້ພື້ນຖານການເມືອງໂລກ, ພື້ນຖານເສດຖະກິດທົ່ວໂລກໃຫ້ສັນຕິພາບ, ການຮ່ວມມື, ພັດທະນາຢູ່ພາກພື້ນ ແລະໃນໂລກ; ຍົກສູງຄຸນນະພາບ ແລະປະສິດທິຜົນວຽກງານການຄົ້ນຄວ້າ, ຄາດຄະເນ, ເປັນເສນາທິການຍຸດທະສາດກ່ຽວກັບການຕ່າງປະເທດ.

ໂດຍ: ເຈິ່ນຮວ່ຽນ