ຮັກສາພັດທະນາການພົວພັນລະຫວ່າງສອງປະເທດ ຫວຽດນາມ-ຈີນ ຢ່າງປອດໃສ, ສະຖຽນລະພາບ ແລະຍືນຍົງ

ທີ່ການພົບປະ, ສອງຝ່າຍໄດ້ຕີລາຄາສູງບັນດາບາດກ້າວພັດທະນາຢ່າງຕັ້ງໜ້າໃນການພົວພັນລະຫວ່າງສອງພັກ, ສອງປະເທດໃນໄລຍະຜ່ານມາ; ເຫັນດີເປັນເອກະພາບວ່າ ພາຍໃຕ້ການຊີ້ນຳຍຸດທະສາດຂອງການນຳສູງສຸດຂອງສອງພັກ, ສອງປະເທດ ແລະຄວາມມານະພະຍາຍາມລວມຂອງບັນດາກະຊວງ, ຂະແໜງ ແລະທ້ອງຖິ່ນຂອງສອງປະເທດ, ການພົວພັນ ຫວຽດນາມ - ຈີນ ໄດ້ຮັບການຊຸກຍູ້ເຂົ້າສູ່ລວງເລິກຢ່າງບໍ່ຢຸດຢັ້ງຕາມການກໍານົດທິດ “6 ກວ່າ”, ບັນດາຂົງເຂດຮ່ວມມືອັນແທດຈິງມີຫຼາຍຈຸດທີ່ພົ້ນເດັ່ນໃໝ່.

ບັນຍາກາດທີ່ການພົບປະ. ພາບ: qdnd.vn

ທ່ານ ຟ້າມແທງບິ່ງ ຢືນຢັນວ່າ: ພັກ, ລັດ ຫວຽດນາມ ຍາມໃດກໍ່ຖືເປັນສຳຄັນການປັບປຸງ ແລະເພີ່ມທະວີການພົວພັນມິດຕະພາບ, ການຮ່ວມມືກັບພັກ, ລັດ ແລະປະຊາຊົນຈີນ; ພ້ອມແລ້ວທີ່ຈະພ້ອມກັບຄະນະໂຄສະນາສູນກາງພັກກອມມູນິດຈີນ ສືບທອດ ແລະເສີມຂະຫຍາຍບັນດາຜົນງານທີ່ບັນລຸໄດ້ໃນການພົວພັນສອງຝ່າຍ, ມານະພະຍາຍາມຊຸກຍູ້ ແລະຮັບໃຊ້ການພົວພັນຂັ້ນສູງເປັນຢ່າງດີເພື່ອແນໃສ່ຮັກສາການແລກປ່ຽນຍຸດທະສາດ, ປັບປຸງຄວາມໄວ້ເນື້ອເຊື່ອໃຈດ້ານການເມືອງ; ສົມທົບກັນຜັນຂະຫຍາຍບັນດາກົນໄກຮ່ວມມືລະຫວ່າງສອງພັກຢ່າງມີປະສິດທິຜົນ; ຊຸກຍູ້ການຮ່ວມມືສອງຝ່າຍໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະຮອບດ້ານ, ນຳມາເຊິ່ງຜົນປະໂຫຍດໃຫ້ປະຊາຊົນສອງປະເທດ.

ເນື່ອງໃນໂອກາດນີ້, ສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການພັດທະນາຂອງແຕ່ລະປະເທດ, ແລກປ່ຽນບາງບັນຫາສາກົນ, ພາກພື້ນທີ່ຕ່າງຝ່າຍຕ່າງມີຄວາມສົນໃຈ.

ໂດຍ: ຈາງຫງວຽນ