ທີ່ການໂອ້ລົມທາງໂທລະສັບ, ທ່ານນາງ ເລທິທູຮັ່ງ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສໍາຄັນ ແລະປາດຖະໜາຢາກຊຸກຍູ້ການພົວພັນມິດຕະພາບທີ່ເປັນມູນເຊື້ອກັບກິກີດສະຖານ; ເນັ້ນໜັກວ່າ ໃນໄລຍະຜ່ານມາ, ການພົວພັນດ້ານການເມືອງ, ການທູດສອງປະເທດໄດ້ມີບາດກ້າວພັດທະນາຢ່າງຕັ້ງໜ້າດ້ວຍຈຸດພົ້ນເດັ່ນແມ່ນການຢ້ຽມຢາມຫວຽດນາມ ຢ່າງເປັນທາງການຂອງທ່ານ Adylbek Kasymaliev ນາຍົກລັດຖະມົນຕີກິກີດສະຖານ ໃນເດືອນ ມີນາ 2025 ແລະການພົບປະລະຫວ່າງທ່ານ ຟ້າມມີງຈີ໊ງ ນາຍົກລັດຖະມົນຕີຫວຽດນາມ ແລະທ່ານ Adylbek Kasymaliev ນາຍົກລັດຖະມົນຕີ ກິກີດສະຖານ ເນື່ອງໃນໂອກາດການນຳສອງທ່ານ ເຂົ້າຮ່ວມກອງປະຊຸມປະຈຳປີບັນດາຜູ້ນຳໜ້າ ຄັ້ງທີ 16 ຂອງເວທີປາໄສເສດຖະກິດໂລກ (WEF) ຢູ່ທຽນຊີນ, ຈີນ ເດືອນມິຖຸນາ 2025.

leftcenterrightdel
ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດຫວຽດນາມ ໂອ້ລົມທາງໂທລະສັບກັບທ່ານ Meder Abakirov ຮອງລັດຖະມົນຕີກະຊວງການຕ່າງປະເທດ ສ. ກິກີດສະຖານ. ພາບ: ກະຊວງການຕ່າງປະເທດ

ສ່ວນທ່ານ Meder Abakirov ເຫັນດີເປັນເອກະພາບຮັກສາການຕິດຕໍ່ພົວພັນໂດຍກົງລະຫວ່າງສອງກະຊວງການຕ່າງປະເທດຂັ້ນຮອງລັດຖະມົນຕີ ແລະຂັ້ນຫົວໜ່ວຍທີ່ກ່ຽວຂ້ອງ ເພື່ອສົມທົບກັນຢ່າງທັນການ, ແໜ້ນແຟ້ນໃນການຊຸກຍູ້ການເຄື່ອນໄຫວແລກປ່ຽນຄະນະຜູ້ແທນທຸກຂັ້ນ, ເປັນຕົ້ນແມ່ນຂັ້ນສູງແນໃສ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ສ້າງພື້ນຖານຊຸກຍູ້ການພົວພັນຮ່ວມມືໃນບັນດາຂົງເຂດ ເຊິ່ງສອງຝ່າຍມີທ່າແຮງ ແລະມີຄວາມສາມາດບົ່ມຊ້ອນ.

ຮອງລັດຖະມົນຕີສອງທ່ານ ເຫັນດີເປັນເອກະພາບວ່າ ກະຊວງການຕ່າງປະເທດສອງປະເທດ ຄວນສືບຕໍ່ສົມທົບກັນຢ່າງແໜ້ນແຟ້ນເພື່ອຊຸກຍູ້ການລົງນາມໃນສັນຍາ, ສ້າງກອບນິຕິກຳໃຫ້ການພົວພັນສອງຝ່າຍ, ຄື: ສັນຍາຮ່ວມມືດ້ານເສດຖະກິດ, ສັນຍາສົ່ງເສີມ ແລະປົກປ້ອງການລົງທຶນ, ສັນຍາຍົກເວັ້ນວີຊາໃຫ້ພົນລະເມືອງສອງປະເທດ...

ໂດຍ: ເຈິ່ນຮວ່ຽນ