ຫວຽດ​ນາມ ​ແມ່ນ​ແບບ​ຢ່າງ​ໃນ​ການ​ຕໍ່​ສູ້ ​ເພື່ອ​ເອ​ກະ​ລາດ, ເສ​ລີ​ພາບ ແລະການ​ພັດ​ທະ​ນາ

ທ່ານ Sous Yara ປະທານກຳມາທິການພົວພັນຕ່າງປະເທດ - ຮ່ວມມືສາກົນ ແລະຖະແຫຼງຂ່າວສະພາແຫ່ງຊາດກຳປູເຈຍ ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ. ພາບ: vov.vn

ເນື່ອງໃນໂອກາດສະເຫຼີມສະຫຼອງວັນຊາດຫວຽດນາມ (2-9-1945 / 2-9-2025), ທ່ານ Sous Yara ປະທານກຳມາທິການພົວພັນຕ່າງປະເທດ - ຮ່ວມມືສາກົນ ແລະຖະແຫຼງຂ່າວສະພາແຫ່ງຊາດກຳປູເຈຍ ໄດ້ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ, ໃນນັ້ນຢັ້ງຢືນບົດບາດນຳພາຂອງພັກກອມມູນິດຫວຽດນາມ ພາຍໃຕ້ການຊີ້ນຳນຳພາຂອງປະທານໂຮ່ຈີມິນ ໄດ້ກຳນົດທິດ ແລະນຳຫວຽດນາມ ບັນລຸໄດ້ບັນດາຜົນສຳເລັດອັນຍິ່ງໃຫຍ່ຄືໃນປັດຈຸບັນ.

ເມື່ອຕີລາຄາກ່ຽວກັບບົດບາດນຳພາຂອງພັກກອມມູນິດຫວຽດນາມ ໃນໄລຍະ 80 ປີຜ່ານມາ, ທ່ານ Sous Yara ໃຫ້ຮູ້ວ່າ: ພາຍໃຕ້ການຊີ້ນຳຂອງພັກກອມມູນິດຫວຽດນາມ, ການຕໍ່ສູ້ຍາດເອົາເອກະລາດຊົນຊາດຂອງປະຊາຊົນຫວຽດນາມ ຍາດໄດ້ໄຊຊະນະຫຼາຍຢ່າງ, ການປະຕິວັດເດືອນສິງຫາ 1945 ໄດ້ມ້າງທຳລາຍແອກປົກຄອງຂອງລັດທິລ່າເມືອງຂຶ້ນ, ຢຸດຕິການຄົງຕົວຂອງລະບອບສັກດີນາ, ລົບລ້າງຊົນຊັ້ນຂ້າທາດ, ຍາດໄດ້ພື້ນຖານເອກະລາດຊົນຊາດ, ດ້ວຍໄຊຊະນະຂອງບັ້ນຮົບຊາຍແດນປີ 1950, ບັ້ນຮົບດຽນບຽນຝູ ປີ 1954 ໄດ້ກ້າວໄປເຖິງການເຊັນສັນຍາເຊີແນວ ແລະມະຫາໄຊລະດູບານໃໝ່ 1975. ນີ້ແມ່ນສິ່ງທີ່ພິສູດໃຫ້ເຫັນບົດບາດຮອບດ້ານຂອງພັກກອມມູນິດ ທີ່ນຳຫວຽດນາມ ຜ່ານຜ່າຄວາມຫຍຸ້ງຍາກ, ຮັກສາເອກະລາດ, ອະທິປະໄຕ ແລະຜືນແຜ່ນດິນອັນຄົບຖ້ວນ.

ໂດຍ: ວິທະຍຸ​ກະຈາ​ຍສຽງ​ຫວຽດນາມ