ສະເໜີຕົວຄະນະຊີ້ນໍາແຫ່ງຊາດກ່ຽວກັບການເຊື່ອມໂຍງເຂົ້າກັບສາກົນ

ທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິ້ງ ໃຫ້ຮູ້ວ່າ: ກ່ອນນີ້ມີຄະນະຊີ້ນຳແຫ່ງຊາດກ່ຽວກັບການເຊື່ອມໂຍງເຂົ້າກັບສາກົນ. ພາຍຫຼັງກົມການເມືອງໄດ້ອອກມະຕິເລກທີ 59-NQ/TW ວ່າດ້ວຍການເຊື່ອມໂຍງເຂົ້າກັບສາກົນໃນສະພາບການໃໝ່, ປະຕິບັດການຊີ້ນຳຂອງທ່ານເລຂາທິການໃຫຍ່ ໂຕເລິມ, ລັດຖະບານ ໄດ້ອອກຂໍ້ຕົກລົງປັບປຸງຄະນະຊີ້ນຳ ເພື່ອປະຕິບັດໜ້າທີ່ຄື ກ່ອນນີ້, ພ້ອມທັງ ປະຕິບັດມະຕິເລກທີ 59-NQ/TW.

ທ່ານນາຍົກລັດຖະມົນຕີ ຮຽກຮ້ອງໃຫ້ສະມາຊິກຄະນະຊີ້ນໍາ ເສີມຂະຫຍາຍຈິດໃຈ ແລະຄວາມຮັບຜິດຊອບສູງສຸດໃນໜ້າທີ່ວຽກງານຂອງຕົນ, ປະກອບສ່ວນເພື່ອໃຫ້ຄະນະຊີ້ນຳບັນລຸໄດ້ບັນດາເປົ້າໝາຍ ແລະຄວາມຮຽກຮ້ອງຕ້ອງການຂອງບັນດາມະຕິຂອງພັກ, ນະໂຍບາຍຂອງລັດ ກ່ຽວກັບການເຊື່ອມໂຍງເຂົ້າກັບສາກົນ. ທ່ານນາຍົກລັດຖະມົນຕີ ຊົມເຊີຍກະຊວງການຕ່າງປະເທດ ໄດ້ເປັນເສນາທິການຢ່າງຮີບດ່ວນກໍ່ສ້າງໂຄງການກະທໍາຂອງລັດຖະບານປະຕິບັດມະຕິ ເລກທີ 59-NQ/TW, ສ້າງເພື່ອຍື່ນສະໜີຕໍ່ສະພາແຫ່ງຊາດ ຕັດສິນກ່ຽວກັບກົນໄກ, ນະໂຍບາຍພິເສດ, ຊຸກຍູ້ປະຕິບັດມະຕິເລກທີ 59-NQ/TW.

ບັນຍາກາດທີ່ກອງປະຊຸມ. ພາບ: ສໍານັກຂ່າວສານຫວຽດນາມ

ຕາມທ່ານນາຍົກລັດຖະມົນຕີ ແລ້ວ, ການເຊື່ອມໂຍງເຂົ້າກັບສາກົນໄດ້ສ້າງກຳລັງໜູນ ເພື່ອຍູ້ໄວການປັບປຸງໃຫ້ສຳເລັດບັນດາກົນໄກພາຍໃນປະເທດ, ຫັນບັນດາຄຳໝັ້ນສັນຍາ, ຂໍ້ຕົກລົງສາກົນທີ່ໄດ້ລົງນາມ ໃຫ້ເປັນລະອຽດ, ຊ່ວຍຍົກສູງທີ່ຕັ້ງ, ບົດບາດ ແລະສຽງເວົ້າຂອງຫວຽດນາມ ໃນເວທີປາໄສສາກົນປະກົດຜົນ. ການເຊື່ອມໂຍງເຂົ້າກັບສາກົນໄດ້ລະດົມການເຂົ້າຮ່ວມຢ່າງຕັ້ງໜ້າ ແລະເປັນເຈົ້າການຂອງທຸກຄະນະ, ກະຊວງ, ຂະແໜງການ ແລະທ້ອງຖິ່ນ.

ບົນພື້ນຖານບັນດາໝາກຜົນທີ່ບັນລຸໄດ້ ແລະຕີລາຄາຄວາມຫຍຸ້ງຍາກ, ສິ່ງທ້າທາຍ, ຂໍ້ຄົງຄ້າງ, ຈໍາກັດ, ທ່ານນາຍົກລັດຖະມົນຕີ ໄດ້ຊາບຊຶມ 3 ບົດຮຽນໃນການປະຕິບັດການເຊື່ອມໂຍງເຂົ້າກັບສາກົນໃນໄລຍະຈະມາເຖິງ, ນັ້ນແມ່ນ: ປະສານສົມທົບກຳລັງແຮງຂອງປະເທດຊາດດ້ວຍກໍາລັງແຮງຂອງຍຸກສະໄໝ; “ປະສານສົມທົບ” ລະຫວ່າງບັນດາເສົາຄໍ້າການທູດ ແລະເສົາຄໍ້າການເຊື່ອມໂຍງເຂົ້າກັບສາກົນ; ພັດທະນາມະນຸດແມ່ນປັດໄຈຫຼັກແຫຼ່ງຮັບປະກັນການເຊ່ື່ອມໂຍງເຂົ້າກັບສາກົນສໍາເລັດຜົນ.

ທ່ານນາຍົກລັດຖະມົນຕີ ຮຽກຮ້ອງວ່າ ໃນໄລຍະຈະມາເຖິງ, ຕ້ອງສືບຕໍ່ຍູ້ແຮງການຊາບຊຶມ ແລະຜັນຂະຫຍາຍມະຕິເລກທີ 59 ໃຫ້ມີປະສິດທິຜົນ, ໂດຍສະເພາະແມ່ນບັນດາເນື້ອໃນກ່ຽວກັບແນວຄິດ, ວິທີການໃໝ່ ແລະວິທີການປະຕິບັດການເຊື່ອມໂຍງເຂົ້າກັບສາກົນໃນສະພາບການໃໝ່; ເລັ່ງລັດຜັນຂະຫຍາຍມະຕິຂອງສະພາແຫ່ງຊາດກ່ຽວກັບຫຼາຍກົນໄກ ແລະນະໂຍບາຍພິເສດປະຕິບັດການເຊື່ອມໂຍງເຂົ້າກັບສາກົນ...

ໂດຍ: ໄຊນີດາ