ປະຊາຊົນນັບຫຼາຍໝື່ນຄົນ ຢ້ຽມຊົມງານວາງສະແດງ 80 ປີ ຜົນງານຂອງປະເທດ

ງານວາງສະແດງ ນຳສະເໜີ ແລະວາງສະແດງບັນດາຜົນງານທີ່ພົ້ນເດັ່ນຂອງປະເທດ ໃນໄລຍະ 80 ປີແຫ່ງການກໍ່ສ້າງ ແລະພັດທະນາໃນຂົງເຂດຕ່າງໆ, ພິເສດແມ່ນບັນດາຂົງເຂດສຳຄັນຄື: ອຸດສາຫະກຳ - ເຕັກໂນໂລຊີ; ການລົງທຶນ - ການຄ້າ; ກະສິກຳ-ຊົນນະບົດ; ການປ້ອງກັນຊາດ - ປ້ອງກັນຄວາມສະຫງົບ; ການຕ່າງປະເທດ; ສາທາລະນະສຸກ, ການສຶກສາ; ວັດທະນະທໍາ, ກິລາ ແລະການທ່ອງທ່ຽວ.

ພ້ອມກັນນັ້ນ, ກໍ່ແນະນຳວັດທະນະທຳຫວຽດນາມ - ປະເທດ - ຜູ້ຄົນ ດ້້ວຍມູນເຊື້ອວັດທະນະທຳ 4.000 ປີ; ຄວາມອຸດົມສົມບູນ ແລະຄວາມຫຼາກຫຼາຍຂອງວັດທະນະທໍາຂອງ 54 ຊົນເຜົ່າ; ຄວາມອຸດົມສົມບູນຂອງຊັບພະຍາກອນ, ຜະລິດຕະພັນປະຈໍາສາມພາກພື້ນ ແລະບັນດາສະຖາປັດຕະຍະກຳອັນພົ້ນເດັ່ນໃນອະດີດ ແລະປັດຈຸບັນໃນທົ່ວປະເທດ.

ນອກຈາກນັ້ນ, ບັນດາຮ້ານຍັງແນະນຳບັນດາຂະແໜງອຸດສາຫະກຳສີຂຽວ ແລະເສັ້ນທາງແຫ່ງການຫັນເປັນສີຂຽວ ແລະການຫັນເປັນດີຈີຕອນຂອງຫວຽດນາມ. ແນະນຳຂະແໜງອຸດສາຫະກໍາການບິນ ແລະອາວະກາດຂອງຫວຽດນາມ. ແນະນຳຂະແໜງປ້ອງກັນຊາດ-ປ້ອງກັນຄວາມສະຫງົບຂອງຫວຽດນາມ. ແນະນຳພື້ນທີ່ຂອງ 12 ອຸດສາຫະກໍາວັດທະນະທໍາຂອງຫວຽດນາມ.

ງານວາງສະແດງໄດ້ເປີດບໍລິການຮັບໃຊ້ປະຊາຊົນ ແລະແຂກທ່ອງທ່ຽວໂດຍບໍ່ເສຍຄ່າ ແຕ່ວັນທີ 28 ສິງຫາ ຫາ 5 ກັນຍາ 2025.

ດັ່ງລຸ່ມນີ້ແມ່ນບາງຮູບພາບທີ່ນັກຂ່າວໜັງສືພິມກອງທັບປະຊາຊົນ ໄດ້ບັນທຶກຢູ່ບໍລິເວນງານວາງສະແດງໃນມື້ທຳອິດ:

ໃນມື້ທຳອິດ, ງານວາງສະແດງ ໄດ້ດຶງດູດປະຊາຊົນ ແລະນັກທ່ອງທ່ຽວເປັນຈຳນວນຫຼວງຫຼາຍ. ພາບ: qdnd.vn

ພວກເດັກນ້ອຍຮູ້ສຶກຕື່ນເຕັ້ນທີ່ໄດ້ສຳຜັດ ແລະເບິ່ງຊົມບັນດາຜະລິດຕະພັນເຕັກໂນໂລຊີທີ່ກ້າວໜ້າຂອງອຸດສາຫະກຳປ້ອງກັນປະເທດຫວຽດນາມ. ພາບ: qdnd.vn

ປະຊາຊົນ ລອງຍິງປືນດ້ວຍອຸປະກອນຝຶກຊ້ອມຍິງ TBS-19/AK ຜະລິດ ໂດຍ ວິທະຍາຄານເຕັກນິກການທະຫານ. ພາບ: qdnd.vn

ແຂກຕ່າງປະເທດ ມາຢ້ຽມຊົມ ແລະຊອກຮູ້ບັນດາຜະລິດຕະພັນອາວຸດຍຸດໂທປະກອນຂອງກອງທັບປະຊາຊົນຫວຽດນາມ ທີ່ງານວາງສະແດງ. ພາບ: qdnd.vn

ນັກຮົບເກົ່າ ໄປຢ້ຽມຊົມບັນດາຜົນງານໃນການພັດທະນາອາວຸດຍຸດໂທປະກອນທີ່ທັນສະໄໝຂອງກອງທັບ. ພາບ: qdnd.vn

ປະຊາຊົນຊອກຮູ້ປະຫວັດສາດຂອງຫວຽດນາມ ທີ່ໄດ້ສາຍໃນເຂດວາງສະແດງຂອງກະຊວງປ້ອງກັນປະເທດ. ພາບ: qdnd.vn

ປະຊາຊົນຢືນແຖວເພື່ອລໍຖ້າສໍາຜັດກັບລະບົບຈຳລອງການຍິງຂອງ Viettel. ພາບ: qdnd.vn

ເດັກນ້ອຍຖ່າຍຮູບກັບເຮລິຄອບເຕີທີ່ໄດ້ສະແດງໃນຮ້າຍວາງສະແດງ. ພາບ: qdnd.vn

ລະບົບອາວຸດຍຸດໂທປະກອນເຕັກນິກຂອງບັນດາກົມກອງຂອງກອງທັບວາງສະແດງຢູ່ກາງແຈ້ງ ຍາມໃດກໍ່ດຶງດູດແຂກມາຊົມເປັນຈຳນວນຫຼວງຫຼາຍ. ພາບ: qdnd.vn

ນອກຈາກຈຸດປະສົງຂອງການມາທ່ຽວຊົມແລ້ວ, ປະຊາຊົນ ແລະ ນັກທ່ອງ ທ່ຽວທີ່ມາວາງສະແດງ ສາມາດຊອກຮູ້ ແລະເຂົ້າຮ່ວມກິດຈະກໍາວັດທະນະທໍາທີ່ເປັນເອກະລັກສະເພາະຂອງຫຼາຍທ້ອງຖິ່ນໃນທົ່ວປະເທດ. ພາບ: qdnd.vn

ໂດຍ: ໄຊຊະນະ