ສະເຫຼີມສະຫຼອງ 80 ປີແຫ່ງວັນຊາດທີ 2 ກັນຍາ ຢູ່ຕ່າງປະເທດ
ໂດຍເຊື່ອມຕົວເຂົ້າກັບບັນຍາກາດສະເຫຼີມສະຫຼອງ 80 ປີແຫ່ງການປະຕິວັດເດືອນສິງຫາ ແລະວັນຊາດຫວຽດນາມ ທີ 2 ກັນຍາ ພ້ອມກັບທົ່ວປະເທດ, ວັນທີ 28 ສິງຫາ, ສະຖານທູດຫວຽດນາມ ຢູ່ປະເທດຈຳນວນໜຶ່ງ ໄດ້ຈັດພິທີສະເຫຼີມສະຫຼອງເນື່ອງໃນໂອກາດນີ້ຢ່າງສົມກຽດ.
    |
 |
|
ທ່ານລັດຖະມົນຕີການຕ່າງປະເທດ ສ.ເຊັກໂກ ຖ່າຍຮູບບັນດາອົງການຕາງໜ້າຫວຽດນາມ ປະຈຳ ສ.ເຊັກໂກ. ພາບ: VOV |
ທີ່ພິທີສະເຫຼີມສະຫຼອງ ໂດຍສະຖານກົງສູນໃຫຍ່ຫວຽດນາມ ປະຈຳນະຄອນ Sydney (ອົດສະຕາລີ) ໄດ້ຈັດຂຶ້ນໃນຕອນຄ່ຳວັນທີ 28 ສິງຫາ, ທ່ານພົນໂທ ເລເຕິນເຕີຍ, ຫົວໜ້າກຳມາທິການປ້ອງກັນຊາດ, ປ້ອງກັນຄວາມສະຫງົບ ແລະການຕ່າງປະເທດ ຂອງສະພາແຫ່ງຊາດຫວຽດນາມ ໄດ້ສະແດງຄວາມເອກອ້າງທະນົງໃຈຕໍ່ປະເທດຫວຽດນາມ ແຫ່ງສັນຕິພາບ, ສະຖຽນລະພາບ, ມີໄຫວພິບ ແລະມີຫົວຄິດປະດິດສ້າງ, ແມ່ນສະມາຊິກທີ່ຕັ້ງໜ້າ, ມີຄວາມຮັບຜິດຊອບຂອງປະຊາຄົມສາກົນ. ເພື່ອບັນລຸໄດ້ບັນດາຜົນງານນີ້, ທ່ານພົນໂທ ເລເຕິນເຕີຍ ໄດ້ຢັ້ງຢືນວ່າ ຫວຽດນາມ ໄດ້ຮັບການໜູນຊ່ວຍອັນລ້ຳຄ່າຈາກເພື່ອນມິດສາກົນ, ໃນນັ້ນມີ ອົດສະຕາລີ. ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ ແມ່ນບາດລ້ຽວຊ່ວຍເປີດກວ້າງການຮ່ວມມືສອງຝ່າຍໄປຍັງບັນດາຂົງເຂດຂອງຍຸກສະໄໝ, ສະແດງໃຫ້ເຫັນລະດັບຄວາມໄວ້ເນື້ອເຊື່ອໃຈຍຸດທະສາດທີ່ເລິກເຊິ່ງກວ້າງຂວາງຂອງສອງປະເທດຢ່າງຈະແຈ້ງ.
ຢູ່ພິທີສະເຫຼີມສະຫຼອງ ຢູ່ນະຄອນຫຼວງ ປຣາຮາ, ສ.ເຊັກໂກ, ທ່ານເອກອັກຄະລັດຖະທູດ ເຢືອງຮວ່າຍນາມ ໄດ້ເນັ້ນໜັ້ກວ່າ ສ.ເຊັກໂກ ຍາມໃດກໍ່ແມ່ນເພື່ອນມິດທີ່ມີເປັນມູນເຊື້ອ ແລະຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈຂອງຫວຽດນາມ. ຕາມທ່ານເອກອັກຄະລັດຖະທູດແລ້ວ, ສອງຝ່າຍຍັງມີຄວາມສາມາດບົ່ມຊ້ອນຫຼາຍຢ່າງອາດສາມາດພັດທະນາໃນອະນາຄົດໃນບັນດາຂົງເຂດການສຶກສາ ແລະ ບຳລຸງສ້າງ, ອຸດສາຫະກຳປ້ອງກັນຊາດ, ການຫັນເປັນດີຈີຕອນ ແລະ AI, ວັດທະນະທຳ, ການທ່ອງທ່ຽວ, ແຮງງານ… ພ້ອມກັນນັ້ນ, ສະຖານກົງສູນໃຫຍ່ ຫວຽດນາມ ປະຈຳຂອນແກ່ນ (ໄທ) ກໍ່ໄດ້ຈັດພິທີສະເຫຼີມສະຫຼອງ 80 ປີແຫ່ງວັນຊາດທີ 2 ກັນຍາ ຢູ່ນະຄອນ ອຸດອນ ທານີ ຢ່າງສົມກຽດ.
ແຫຼ່ງຄັດຈາກ: vovworld.vn