ທ່ານ ບຸ່ຍແທງເຊີນ ໄດ້ຕີລາຄາສູງການພັດທະນາຢ່າງແຂງແຮງຂອງການພົວພັນສອງຝ່າຍນັບແຕ່ໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ. ເພື່ອເສີມຂະຫຍາຍຂອບເຂດການພົວພັນທີ່ຫາກໍ່ສ້າງຕັ້ງຂຶ້ນໃໝ່, ທ່ານ ບຸ່ຍແທງເຊີນ ໄດ້ສະເໜີໃຫ້ສອງຝ່າຍເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ທຸກຊ່ອງທາງ, ໃນນັ້ນ ມີຊ່ອງທາງພັກ; ສົມທົບກັນຢ່າງແໜ້ນແຟ້ນເພື່ອເຮັດສຳເລັດໂຄງການກະທໍາຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານເພື່ອປະກາດໃນປີ 2025 ໂດຍໄວ; ຊຸກຍູ້ການຜັນຂະຫຍາຍກົນໄກຮ່ວມມືສອງຝ່າຍທີ່ມີໃນປັດຈຸບັນຢ່າງມີປະສິດທິຜົນ ແລະຄົ້ນຄວ້າການສ້າງຕັ້ງກົນໄກໃໝ່ທີ່ເໝາະສົມກັບລະດັບການພົວພັນຄູ່ຮ່ວມມືຍຸດທະສາດຮອບດ້ານ; ສືບຕໍ່ປະສານສົມທົບຫຼັກໝັ້ນ ແລະສະໜັບສະໜູນເຊິ່ງກັນ ແລະກັນຢູ່ບັນດາກົນໄກສາກົນ.

leftcenterrightdel
ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຕ້ອນຮັບທ່ານ Albert Chua ເລຂາຜູ້ປະຈໍາການກະຊວງການຕ່າງປະເທດສິງກະໂປ. ພາບ: ກະຊວງການຕ່າງປະເທດຫວຽດນາມ.

ຢືນຢັນວ່າ ຫວຽດນາມ ແມ່ນຄູ່ຮ່ວມມືສຳຄັນຂອງສິງກະໂປ ໃນພາກພື້ນ, ທ່ານ Albert Chua ໃຫ້ຮູ້ວ່າ ຈະສືບຕໍ່ໜູນຊ່ວຍບຳລຸງສ້າງແຫຼ່ງຊັບພະຍາກອນມະນຸດໃຫ້ ຫວຽດນາມ ແລະບັນດາປະເທດສະມາຊິກອາຊຽນ, ໃນນັ້ນມີ ຕີມໍ ແລັດສະເຕ; ເຫັນດີເປັນເອກະພາບກັບຂໍ້ສະເໜີຂອງທ່ານ ບຸ່ຍແທງເຊີນ ກ່ຽວກັບການເພີ່ມທະວີການຮ່ວມມືສອງຝ່າຍ ເພື່ອແນໃສ່ຮັກສາສະຖຽນລະພາບຄວາມໝັ້ນຄົງທາງດ້ານສະບຽງອາຫານ, ປ້ອງກັນ, ຕ້ານອາດຊະຍາກຳ, ເປັນຕົ້ນແມ່ນອາດຊະຍາກຳທາງອິນເຕີເນັດ; ເປີດກວ້າງການເຊື່ອມຕໍ່, ໃນນັ້ນມີການເຊື່ອມຕໍ່ການບິນ ແລະເພີ່ມທະວີການພົບປະແລກປ່ຽນປະຊາຊົນ.

ໂດຍ: ຈາງຫງວຽນ