ທີ່ການພົບປະ, ທ່ານຮອງນາຍົກລັດຖະມົນຕີ ຫງວຽນຈີຢຸງ ຢືນຢັນວ່າ ຫວຽດນາມ ສະເໝີຕົ້ນສະເໝີປາຍຖື ຍີ່ປຸ່ນ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈຮ່ວມເດີນທາງໃນສັງກາດພັດທະນາໃໝ່; ປາດຖະໜາຢາກສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍບັນດາຂໍ້ຕົກລົງຮ່ວມຂອງການນຳຂັ້ນສູງສອງປະເທດຢ່າງມີປະສິດທິຜົນ, ສືບຕໍ່ເພີ່ມທະວີການພົບປະແລກປ່ຽນ, ການພົບປະຂັ້ນສູງ ເພື່ອປັບປຸງຄວາມໄວ້ເນື້ອເຊື່ອໃຈດ້ານການເມືອງຢ່າງບໍ່ຢຸດຢັ້ງ ແລະອາລົມຈິດສະໜິດຕິດພັນລະຫວ່າງສອງປະເທດ.

leftcenterrightdel
ທ່ານ ຫງວຽນຈີຢຸງ ຮອງນາຍົກລັດຖະມົນຕີຫວຽດນາມ ແລະທ່ານ Ishiba Shigeru ນາຍົກລັດຖະມົນຕີຍີ່ປຸ່ນ. ພາບ: ກະຊວງການຕ່າງປະເທດ

ແບ່ງປັນຄວາມຊົງຈຳ ແລະຮູ້ສຶກໄດ້ພາຍຫຼັງການຢ້ຽມຢາມຫວຽດນາມ ໃນທ້າຍເດືອນເມສາ, ທ່ານນາຍົກລັດຖະມົນຕີ Ishiba Shigeru ຖືວ່າມີຄວາມຕື່ນຕົວ ແລະປະທັບໃຈທີ່ສຸດຕໍ່ວິໄສທັດ ແລະຄາດຫວັງພັດທະນາຂອງຫວຽດນາມ ກໍ່ຄືບັນຍາກາດ ແລະຈິດໃຈຂອງທົ່ວປວງຊົນກ້າວເຂົ້າສູ່ສັງກາດພັດທະນາໃໝ່; ສະແດງຄວາມເຊື່ອໝັ້ນວ່າ ຫວຽດນາມ ຈະປະຕິບັດບັນດາເປົ້າໝາຍພັດທະນາທີ່ໄດ້ວາງອອກປະສົບຜົນສໍາເລັດ. ທ່ານນາຍົກລັດຖະມົນຕີ Ishiba Shigeru ຢືນຢັນຈະຊຸກຍູ້ຫັນຂໍ້ຕົກລົງລະຫວ່າງການນຳຂັ້ນສູງສອງປະເທດເປັນລະອຽດ, ພິເສດແມ່ນໃນຂົງເຂດການຄ້າ, ເສດຖະກິດ, ການລົງທຶນ, ວິທະຍາສາດ-ເຕັກໂນໂລຊີ, ພັດທະນາຊັບພະຍາກອນມະນຸດ...

ໂດຍ: ເຈິ່ນຮວ່ຽນ