ທີ່ການພົບປະ, ສອງຝ່າຍໄດ້ສະແດງຄວາມປີຕິຊົມຊື່ນເມື່ອການຮ່ວມມື ຫວຽດນາມ - ລາວ ສືບຕໍ່ພັດທະນາຢ່າງແຂງແຮງ, ມີປະສິດທິຜົນ ແລະເຂົ້າສູ່ລວງເລິກ, ແທດຈິງໃນທຸກຂົງເຂດການເມືອງ, ການປ້ອງກັນຊາດ - ປ້ອງກັນຄວາມສະຫງົບ ແລະເສດຖະກິດ.

leftcenterrightdel
ທ່ານ ບຸຍແທງເຊີນ ຮອງນາຍົກລັດຖະມົນຕີ ມີການພົບປະສອງຝ່າຍກັບທ່ານ ທອງສະຫວັນ ພົມວິຫານ ລັດຖະມົນຕີການຕ່າງປະເທດລາວ. ພາບ: baochinhphu.vn

ສອງຝ່າຍເຫັນດີເປັນເອກະພາບຊຸກຍູ້ບັນດາກະຊວງ, ຂະແໜງການທີ່ກ່ຽວຂ້ອງສ້າງກົນໄກ, ນະໂຍບາຍບຸລິມະສິດ ແລະສົ່ງເສີມການຄ້າສອງຝ່າຍ, ຍູ້ແຮງການເຊື່ອມຕໍ່ລະຫວ່າງສອງພື້ນຖານເສດຖະກິດ, ພິເສດແມ່ນຄົມມະນາຄົມຂົນສົ່ງ, ພື້ນຖານໂຄງລ່າງ, ພ້ອມທັງຕັ້ງໜ້າຜັນຂະຫຍາຍບັນດາໂຄງການຕົ້ນຕໍ, ເປີດອອກໄລຍະຮ່ວມມືໃໝ່.

ສອງຝ່າຍຕີລາຄາສູງການຮ່ວມມື ແລະສົມທົບກັນຢ່າງແໜ້ນແຟ້ນລະຫວ່າງສອງກະຊວງການຕ່າງປະເທດໃນໄລຍະຜ່ານມາບົນພື້ນຖານຂໍ້ຕົກລົງຮ່ວມມືໄລຍະ 2021-2025; ເຫັນດີເປັນເອກະພາບສົມທົບກັນກວດກາຄືນ, ສ້າງຂໍ້ຕົກລົງຮ່ວມມືໃນໄລຍະຕໍ່ໄປ.

ສອງປະເທດເຫັນດີເປັນເອກະພາບຍູ້ແຮງການແລກປ່ຽນ, ຄົ້ນຄວ້າຍຸດທະສາດ ແລະການພົບປະແລກປ່ຽນເປັນປະຈຳລະຫວ່າງບັນດາກົມກອງຂອງສອງກະຊວງການຕ່າງປະເທດ; ເພີ່ມທະວີການໂຄສະນາເຜີຍແຜ່, ສຶກສາກ່ຽວກັບມູນເຊື້ອການພົວພັນສາມັກຄີແບບພິເສດ ຫວຽດນາມ - ລາວ, ພິເສດແມ່ນລຸ້ນໜຸ່ມທາງການທູດຂອງສອງປະເທດ.

ໂດຍ: ຈາງຫງວຽນ