ວັນທີ 25 ພຶດສະພາ, ໃນຂອບເຂດກອງປະຊຸມສຸດຍອດອາຊຽນ ຄັ້ງທີ 46 ແລະບັນດາກອງປະຊຸມສຸດຍອດທີ່ກ່ຽວຂ້ອງຢູ່ມາເລເຊຍ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ມີການພົບປະສອງຝ່າຍ ແລະສາມຝ່າຍກັບທ່ານ Prak Sokhonn ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະຮ່ວມມືສາກົນກຳປູເຈຍ ແລະທ່ານ ທອງສະຫວັນ ພົມວິຫານ ລັດຖະມົນຕີການຕ່າງປະເທດລາວ.

leftcenterrightdel
ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ພົບປະ ແລະເຮັດວຽກກັບ ທ່ານ Prak Sokhonn ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະຮ່ວມມືສາກົນກຳປູເຈຍ ແລະທ່ານ ທອງສະຫວັນ ພົມວິຫານ ລັດຖະມົນຕີການຕ່າງປະເທດລາວ. ພາບ: VGP

ສາມຝ່າຍເຫັນດີ ຕີລາຄາສູງການພັດທະນາຢ່າງຕັ້ງໜ້າຂອງການພົວພັນຮ່ວມມືລະຫວ່າງສາມປະເທດຫວຽດນາມ - ລາວ  - ກໍາປູເຈຍ ພາຍໃຕ້ການກໍານົດທິດຂອງການນຳ 3 ພັກ ແລະການຊີ້ນຳຂອງ 3 ນາຍົກລັດຖະມົນຕີ. ການຮ່ວມມືດ້ານປ້ອງກັນປະເທດ, ປ້ອງກັນຄວາມສະຫງົບສືບຕໍ່ແມ່ນເສົາຄ້ຳສຳຄັນ; ໃນຂະນະນັ້ນ, ເສດຖະກິດ, ການຄ້າ, ການລົງທຶນ, ການທ່ອງທ່ຽວ, ການສຶກສາ-ກໍ່ສ້າງ ແລະການພົບປະແລກປ່ຽນປະຊາຊົນໄດ້ຮັບຮູ້ມີຄວາມຄືບໜ້າຫຼາຍຢ່າງ.

ບັນດາຝ່າຍຍັງໄດ້ຮັບຮູ້ບົດບາດທີ່ນັບມື້ນັບເລິກເຊິ່ງກວ້າງຂວາງຂອງກົນໄກຮ່ວມມືລະຫວ່າງສາມກະຊວງການຕ່າງປະເທດ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມ ແລະຮັບປະກັນຄວາມໝັ້ນຄົງຂອງພາກພື້ນ. ພ້ອມກັນນັ້ນ, ກໍ່ເຫັນດີເພີ່ມທະວີການພົບປະຂັ້ນສູງ, ຊຸກຍູ້ການຜັນຂະຫຍາຍບັນດາຂໍ້ຕົກລົງຮ່ວມມື, ພິເສດແມ່ນການເຊື່ອມຕໍ່ພື້ນຖານໂຄງລ່າງຄົມມະນາຄົມ, ການທ່ອງທ່ຽວ, ການບຳລຸງສ້າງພະນັກງານໜຸ່ມ, ຮັກສາຊາຍແດນສັນຕິພາບ, ສະຖຽນລະພາບ.

ການນຳກຳປູເຈຍ ແລະລາວ ຕີລາຄາສູງຂໍ້ສະເໜີຂອງຫວຽດນາມ ກ່ຽວກັບການຮັກສາກົນໄກພົບປະລະຫວ່າງ 3 ລັດຖະມົນຕີການຕ່າງປະເທດ ເພື່ອແບ່ງປັນທັດສະນະ ແລະຊຸກຍູ້ການຮ່ວມມືສາມຝ່າຍໃນສະພາບການພາກພື້ນ ແລະສາກົນມີການຜັນແປຢ່າງສັບສົນ.

ສາມຝ່າຍຢືນຢັນຈະສືບຕໍ່ສົມທົບກັນຢ່າງແໜ້ນແຟ້ນ, ເພີ່ມທະວີການຮ່ວມສໍາພັນສາມພື້ນຖານເສດຖະກິດ, ນໍາການພົວພັນຮ່ວມມືທີ່ນັບມື້ນັບແທດຈິງ, ມີປະສິດທິຜົນ, ເພື່ອຜົນປະໂຫຍດຂອງປະຊາຊົນແຕ່ລະປະເທດ.

ໂດຍ: ໄຊຊະນະ