ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ປາດຖະໜາຢາກເພີ່ມທະວີການແລກປ່ຽນ ແລະຖອດຖອນບົດຮຽນຂອງຈີນ ກ່ຽວກັບການຍູ້ແຮງການພັດທະນາເສດຖະກິດພາກເອກະຊົນ, ພັດທະນາເຂດການຄ້າເສລີ, ບັນດານະໂຍບາຍປະຕິຮູບ ແລະເປີດປະຕູບຸກທະລຸຂອງ ຈີນ ເວົ້າລວມ, ແຂວງ Zhe Jiang ແລະນະຄອນ Ning Bo ເວົ້າສະເພາະ.

leftcenterrightdel
ທ່ານ ຫງວຽນຈີ້ຢຸງ ຮອງນາຍົກລັດຖະມົນຕີຫວຽດນາມ ຢ້ຽມຢາມເຂດ Ning Bo, ເຂດການຄ້າເສລີ Zhe Jiang. ພາບ: baochinhphu.vn

ທ່ານ Tan Fei Fan ຢືນຢັນວ່າ ອົງຄະນະພັກ, ອໍານາດການປົກຄອງນະຄອນ Ning Bo ຖືເປັນສໍາຄັນການພົວພັນຮ່ວມມືກັບຫວຽດນາມ ແລະແບ່ງປັນບັນດາໝາກຜົນຕັ້ງໜ້າໃນການພົວພັນຮ່ວມມືກັບຫວຽດນາມ ກ່ຽວກັບດ້ານການຄ້າ, ການລົງທຶນ ກໍ່ຄືການພົວພັນຮ່ວມມືກັບບັນດາທ້ອງຖິ່ນ, ເປັນຕົ້ນແມ່ນນະຄອນຫາຍຟ່ອງ ແລະສ້າງຕັ້ງສາຍການບິນໂດຍກົງກັບນະຄອນໂຮ່ຈີມິນ. ທ່ານ Tan Fei Fan ເຊື່ອໝັ້ນວ່າ ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ຈີນ ສືບຕໍ່ພັດທະນາຢ່າງແຮງກວ່າອີກ, ພິເສດແມ່ນການຮ່ວມມືດ້ານການຄ້າສາກົນ ແລະພັດທະນາອຸດສາຫະກຳໃນໄລຍະຈະມາເຖິງ; ເນັ້ນໜັກເຖິງບົດບາດເປັນແບບຢ່າງຂອງເຂດ FTZ  Ning Bo ໃນການນຳໜ້າສ້າງ ແລະຜັນຂະຫຍາຍທົດລອງນະໂຍບາຍພັດທະນາເຂດການຄ້າເສລີຈີນ. 

ຢ້ຽມຢາມ ແລະເຮັດວຽກຢູ່ເຂດ FTZ  Ning Bo ຂຶ້ນກັບແຂວງ Zhe Jiang, ບົນພື້ນຖານຄວາມໄວ້ເນື້ອເຊື່ອໃຈທາງດ້ານການເມືອງ ແລະການພົວພັນຮ່ວມມືອັນດີງາມລະຫວ່າງ 2 ປະເທດ, ທ່ານຮອງນາຍົກລັດຖະມົນຕີ ສະເໜີໃຫ້ການນຳຂອງເຂດ FTZ Ning Bo ແບ່ງປັນບັນດານະໂຍບາຍ, ຮູບແບບ ແລະບົດຮຽນປະສົບການໃນການພັດທະນາເຂດການຄ້າເສລີ, ພິເສດແມ່ນບັນດານະໂຍບາຍທີ່ພວມນຳໃຊ້ທົດລອງຢູ່ເຂດ FTZ Ning Bo ກໍ່ຄືບັນດານະໂຍບາຍຈຳເພາະເພື່ອໜູນຊ່ວຍການພັດທະນາເສດຖະກິດພາກເອກະຊົນ...

* ໃນຂອບເຂດການຢ້ຽມຢາມ ແລະເຮັດວຽກຢູ່ຈີນ ຂອງທ່ານຮອງນາຍົກລັດຖະມົນຕີ ຫງວຽນຈີ້ຢຸງ, ຄະນະປະຕິບັດງານ ກໍ່ໄດ້ມີການເຮັດວຽກກັບຄະນະກຳມະການປະຕິຮູບ ແລະພັດທະນາ, ສະຫະພັນອຸດສາຫະກຳ ແລະການຄ້າແຂວງ Zhe Jiang, ຢ້ຽມຢາມ ແລະເຮັດວຽກຢູ່ກຸ່ມບໍລິສັດ Alibaba ແລະກຸ່ມບໍລິສັດ Da Hua.

ໂດຍ: ທະນາພອນ