ຄະນະປະຕິບັດງານ ຄະນະພັກການທະຫານສູນກາງ, ກະຊວງປ້ອງກັນປະເທດ ຕອບບຸນແທນຄຸນ ພົນເອກ ຫວໍງວຽນຢາບ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ຄົບຮອບ 51 ປີ (30-4-1975 / 30-4-2026), ຕອນບ່າຍວັນທີ 21 ເມສາ, ຄະນະປະຕິບັດງານຄະນະພັກການທະຫານສູນກາງ, ກະຊວງປ້ອງກັນປະເທດ ນໍາໂດຍທ່ານພົນຕີ ເລກວາງດ້າວ, ຮອງຫົວໜ້າກົມໃຫຍ່ເສນາທິການ ພ້ອມດ້ວຍຄະນະ ໄດ້ຖະຫວາຍດອກໄມ້, ຈູດທູບທຽນອາໄລຫາ ທ່ານ ພົນເອກ ຫວໍງວຽນຢາບ ແລະທ່ານນາງ ຮສຈ ດັ້ງບິກຮ່າ (ພັນລະຍາທ່ານພົນເອກ ຫວໍງວຽນຢາບ) ຢູ່ທີ່ ຫວູງ ຈົວ - ເກາະ ອ໋ຽນ (ຕາແສງຝູແຈກ, ແຂວງກວ໋າງຈິ).
    |
 |
|
ຄະນະປະຕິບັດງານຄະນະພັກການທະຫານສູນກາງ, ກະຊວງປ້ອງກັນປະເທດ ຖະຫວາຍດອກໄມ້, ອາໄລຫາພົນເອກ ຫວໍງວຽນຢາບ. ພາບ: ມິງຕູ໊. |
|
|
 |
|
ຜູ້ແທນ ກົ້ມຫົວໄວ້ອາໄລ, ຕອບບຸນແທນຄຸນ ພົນເອກ ຫວໍງວຽນຢາບ. ພາບ: ມິງຕູ໊. |
ໃນບັນຍາກາດທີ່ເຄັ່ງຂຶມ, ທ່ານພົນຕີ ເລກວາງດ້າວ ພ້ອມດ້ວຍຄະນະ ໄດ້ສະແດງຄວາມຮູ້ບຸນຄຸນອັນເລິກເຊິ່ງຕໍ່ທ່ານພົນເອກ ຫວໍງວຽນຢາບ, ລູກສິດຜູ້ທີ່ດີເລີດ ແລະໃກ້ຊິດສະໜິດສະໜົມຂອງປະທານ ໂຮ່ຈີມິນ, ນັກທະຫານທີ່ປີຊາສາມາດ ທີ່ມີບັນດາຜົນງານອັນໃຫຍ່ຫຼວງ, ການອຸທິດສ່ວນອັນໂດດເດັ່ນພິເສດໃຫ້ແກ່ພາລະກິດການປະຕິວັດຫວຽດນາມ.
ຕໍ່ດວງວິນຍານຂອງທ່ານພົນເອກ ຫວໍງວຽນຢາບ, ຄະນະ ໃຫ້ຄໍາໝັ້ນສັນຍາຈະສືບຕໍ່ເສີມຂະຫຍາຍມູນເຊື້ອອັນສະຫງ່າລາສີຂອງກອງທັບປະຊາຊົນຫວຽດນາມ ວິລະຊົນ, ຈົ່ງຮັກພັກດີຕໍ່ພັກ, ຕໍ່ປະເທດຊາດ ແລະປະຊາຊົນ, ມານະພະຍາຍາມສູ້ຊົນປະກອບສ່ວນກໍ່ສ້າງກອງທັບ ປະຕິວັດ, ມີແບບແຜນ, ຍອດຢ້ຽມ, ທັນສະໄໝ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ປົກປັກຮັກສາປະເທດຊາດ ໃນສັງກາດພັດທະນາໃໝ່.
ໂດຍ: ໄຊຊະນະ