ຕ້ອນຮັບທ່ານປະທານສະພາແຫ່ງຊາດ ເຈິ່ນແທັງເໝິນ ພ້ອມດ້ວຍຄະນະຢູ່ສະໜາມ ບິນສາກົນວັດໄຕ, ນະຄອນຫຼວງວຽງຈັນ, ຝ່າຍ ລາວ ມີທ່ານ ສົມມາດ ພົນເສນາ ຮອງປະທານສະພາແຫ່ງຊາດລາວ; ທ່ານນາງ ວັນດີ ບຸດທະສະວົງ ຮອງປະທານ ກໍາມາທິການຕ່າງປະເທດຂອງສະພາແຫ່ງຊາດລາວ; ທ່ານ ອາຄົມ ປຣະເສີດ ຮອງ ເລຂາທິການສະພາແຫ່ງຊາດ ລາວ ແລະບັນດາອົງການທີ່ກ່ຽວຂ້ອງ.
ຝ່າຍຫວຽດນາມ ມີທ່ານ ຫງວຽນມິງເຕິມ ເອກອັກຄະລັດຖະທູດຫວຽດນາມ ປະຈໍາຢູ່ ລາວ, ພະນັກງານ, ລັດຖະກອນສະຖານທູດຫວຽດນາມ ປະຈໍາ ຢູ່ ສປປ ລາວ ແລະ ຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ ສປປ ລາວ.
|
|
ທ່ານ ສົມມາດ ພົນເສນາ ຮອງປະທານສະພາແຫ່ງຊາດລາວ ຕ້ອນຮັບ ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ທີ່ເດີນທາງໄປຢ້ຽມຢາມ ສປປ ລາວ ຢ່າງເປັນທາງການ. ພາບ: qdnd.vn |
ໃນການຢ້ຽມຢາມ, ທ່ານ ເຈິ່ນແທັງເໝິນ ຄາດວ່າຈະເຂົ້າຮ່ວມພິທີຕ້ອນຮັບຢ່າງເປັນ ທາງການ, ພົບປະກັບທ່ານ ໄຊສົມພອນ ພົມວິຫານ ປະທານສະພາແຫ່ງຊາດລາວ; ເປັນສັກຂີພິຍານພິທີລົງນາມຂໍ້ຕົກລົງຮ່ວມມືລະຫວ່າງກໍາມາທິການຕ່າງປະເທດຂອງສະພາແຫ່ງຊາດຫວຽດນາມ ແລະກໍາມາທິການຕ່າງປະເທດຂອງສະພາ ແຫ່ງຊາດລາວ; ເປັນສັກຂີພິຍານພິທີລົງນາມບົດບັນທຶກ ວ່າດ້ວຍການສ້າງຕັ້ງການ ພົວພັນຮ່ວມມືມິດຕະພາບລະຫວ່າງນະຄອນໂຮ້ຍອານ, ແຂວງກວ໋າງນາມ ກັບນະຄອນຫຼວງພະບາງ, ສປປ ລາວ.
ໃນການຢ້ຽມຢາມນີ້, ຄາດວ່າ ທ່ານ ເຈິ່ນແທັງເໝິນ ຈະເຂົ້າຢ້ຽມຂໍ່ານັບ, ພົບປະກັບ ການນໍາຂັ້ນສູງຂອງລາວ; ຢ້ຽມຢາມຖາມຂ່າວອະດີດການນໍາຂັ້ນສູງຂອງລາວ; ຕ້ອນຮັບການນໍາບາງອົງການຂອງລາວ.
ໃນການຢ້ຽມຢາມ, ສອງຝ່າຍຈະແລກປ່ຽນ, ເຫັນດີເປັນເອກະພາບຕໍ່ທິດທາງຮ່ວມມື ໃນຕໍ່ໜ້າ ເພື່ອນໍາການພົວພັນສອງປະເທດໃຫ້ເຂົ້າສູ່ລວງເລິກ, ມີປະສິດທິຜົນ, ແທດຈິງ, ພິເສດແມ່ນຍົກສູງປະສິດທິຜົນການຮ່ວມມືລະຫວ່າງສອງສະພາແຫ່ງຊາດ ກວ່າອີກ, ແລກປ່ຽນສົມທົບຫຼັກໝັ້ນກ່ຽວກັບບາງບັນຫາຍຸດທະສາດຂອງພາກພື້ນ, ສາກົນທີ່ຕ່າງຝ່າຍຕ່າງມີຄວາມສົນໃຈ.
|
|
ຜູ້ຕາງໜ້າພະນັກງານ, ລັດຖະກອນສະຖານທູດຫວຽດນາມ, ຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ ລາວ ຕ້ອນຮັບທ່ານ ເຈິ່ນແທັງເໝິນ, ປະທານສະພາແຫ່ງຊາດຫວຽດນາມ. ພາບ: qdnd.vn |
ໂອກາດນີ້, ທ່ານ ເຈິ່ນແທັງເໝິນ ກໍຈະພົບປະໂອ້ລົມກັບພະນັກງານ, ລັດຖະກອນ ສະຖານທູດຫວຽດນາມ ປະຈໍາ ສປປ ລາວ ແລະພໍ່ແມ່ພີ່ນ້ອງຊາວຫວຽດນາມ ທີ່ພວມ ດໍາລົງຊີວິດ, ຮໍ່າຮຽນ ແລະດໍາເນີນທຸລະເກີດຢູ່ ລາວ ແລະການເຄື່ອນໄຫວອື່ນອີກ ຈຳນວນໜຶ່ງ.
ນີ້ແມ່ນການຢ້ຽມຢາມ ສປປ ລາວ ຢ່າງເປັນທາງການຄັ້ງທໍາອິດຂອງທ່ານ ເຈິ່ນແທັງ ເໝິນ ໃນຖານະເປັນປະທານສະພາແຫ່ງຊາດຫວຽດນາມ ແລະເຂົ້າຮ່ວມກອງປະຊຸມ ໄອປາ-45, ມີຄວາມສໍາຄັນ ແລະມີຄວາມໝາຍສໍາຄັນພິເສດຕໍ່ກັບການພົວພັນມິດ ຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ.
ການຢ້ຽມຢາມ ອີກເທື່ອໜຶ່ງໄດ້ຢັ້ງຢືນແຜນນະໂຍບາຍທີ່ສະເໝີຕົ້ນສະເໝີປາຍຂອງ ພັກ, ລັດຫວຽດນາມ ເຊິ່ງຍາມໃດກໍສະຫງວນບຸລິມະສິດສູງສຸດ ແລະຖືເປັນສໍາຄັນ ການພັດທະນາການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະການ ຮ່ວມມືຮອບດ້ານ ຫວຽດນາມ-ລາວ; ຢັ້ງຢືນການສະໜັບສະໜູນຢ່າງແຂງແຮງ ແລະຮອບດ້ານຂອງຫວຽດນາມ ຕໍ່ກັບກິດຈະການປ່ຽນແປງໃໝ່, ປົກປັກຮັກສາ ແລະສ້າງສາປະເທດລາວ; ພ້ອມທັງສະແດງໃຫ້ເຫັນຄວາມໄວ້ເນື້ອເຊື່ອໃຈ, ສະໜິດ ຕິດພັນລະຫວ່າງການນໍາຂັ້ນສູງສອງປະເທດ ກໍຄື ໃນນາມສ່ວນຕົວຂອງປະທານ ສະພາແຫ່ງຊາດ ທັງສອງທ່ານ.
ໂດຍ: ໄຊຊະນະ